#أنـِتقـامَ_الدعـجَاء.
بقلمـي::-ࢪفـل الدليـمي.
الحزَن ، حَاضني چي حلوهِ.
«^> ^> ^> ^> ^> ^> ^> ^> ^> ^>»
انفاس متضاربه، اختناق، تشتت، خفقان، هواء يداعب بشرتها البيضاء، باوعت على البحر بهدوء تام! اخذت نفس وكمت ارجع للبيت احس روحي متشتته روحي طافيه وبرود صاير عندي فضيعع!!
ركبت السيارة وتوجهت للبيت بس مال ابقى بيه هاي سالفه! وصلت ركنت السيارة ودخلت شفت ابوي على وضعه من ماتت امي قبل اسبوعين بس يشرب جكاير ويمه اكلينس كُل شويه يبچي بقوه وينهار رحت يمهَ ونزلت دمعتي حاره على خدي چوتني.
حضني بقوة ويبجي وشهك كأنه طفل ورتمه بحضن امه ابجي ويه واسكت بيه واني من النوع الي ما اعرف اواسي اهدئ بيه، شويه هدئ ووخر عني وباوع بعيوني وهو عيونه حمره دم ضجت عليه.
هو وامي روحي من الدنيا لو عمري يريدونه انطيه بس للأسف امي راحت وماتت شمعه البيت الي جانت تضويه طفت الورده راحت جوه التراب والله ميلوك الها!!
:-بنتي دعجَاء
:-عيونها؟
:-اني بعد مابيه حيل ويمكن كم يوم واموت! اريدج تاخذين مكاني بالشركه وبكل مكان انتِ الوريثه من بعدي.
بجيت بقوة وكلت له
:-بابا حباب لا دكول هيجج امواااتتت!!
:-كافي بنيتي كافي باباتي انتِ..
:-مجاي اتخيل هذا الشيء ابداً انتَ تروح لاااا لاااا امواتتت والله.
صار عندي نهيار عصبي وكمت اكسر بالبيت ما بقيت شي صاحي بيه وهو راح يركض جابلي العلاج مالتي بالقوة شربني الحبايه يلا هدئت بس بعديش؟ بعد ما روحي طلعت؟ كلت هاي هيه هسه راح اموت!!
عفته وصعدت فوك لغرفتي كعدت وخليت راسي بين ايديه! شلون اني اخذ مكانه؟ واني كُلشي ما اعرف وحده طايشه همها الحفلات وهمها الازياء والطلعات والسفر؟ هسه اني راح اتحمل مسؤوليه شركات!! وغصب عني اروح واشتغل!! بجيت بقوة رحت للفراش حضنت المخده وابچي بقوة اتذكر امي الي تعشقني؟ لو حياتي الي قبل جنت عايشتها؟ دمر كُلشي بين ليله ويوم!
