#البارت_ _والاخير
#قصه_ذالك_الشخص_يلاحقني
عمار الموسوي
بعد ماخلصت ل 3ايام وانتهت الفاتحه جان يصير وقت الغروب جنت كاعده كبال امي ونبجي لفراق بابا.
وجانو خالاتي يمنا
بهالاثناء اندكت الباب واجوي عمامي يونس وصباح وعمو فؤاد(الي اخذنا للنجف) وباقي ونسوانهم
وعلاء اجه ابن جيرانه وابوه وامه وضلو يواسونه بعدها
عمو صباح كال:ام دره المات راح وميرجع بس
الحي اوجب.
ف بوقتها امي رفعت راسها وجاوبته:اي -ياعيني على ابو بيتي البيت اظلم من دونه
عمي جاوبها:اخويه حبيبي الف رحمه على روحه ،بس هذا ميمنع انه اني واخويه يونس نطالب بديونا
زوجج مطلوب النا ملايين ونريد حقنا
_ف بوقتها عمو فؤاد وكف وجاوبهم:لكم تراب اخونه ليهسه مناشف،أنتو صدك ماتستحون على رواحتكم
على الاقل جان واسيتوهن هالحرم محد يسندهم،شنو مفكرين محد يدافع عنهم
_جاوبه عمي صباح:اها صاير شريف على فكره الورث لازم يتقسم حد الفلس حسب الوصيه وناخذ حقنا
حتلو تضطرون تبيعونه ل هل بيت العايشين بي.
ف امي ضلت تبجي وتكول:اخ ياحسرتي لوعندي ولد جان يدافع عنا اني وهلي اخ
_علاء وكف وكال:خاله اني ابنج واني راح ادافعلكم عن حقكم وانتو ذمه بركبتي للموت
ف عمو صباح ويونس ضلو يعيطون على علاء ويكولون:انت منو ،،هالبيت فالتون باجر عكبه يصير
غيرشي.
ف امي جاوبتهم:مااسمحلكم هالولد علاء خطيبها لدره جنا دنريد نعقدلهم بس ابوها توفى.
فهنانه الكل سكت وعمامي اخذو اهلهم وراحو اما اني ف محجيت شيء من الخجل كبل صعدت
لغرفتي بوقتها جنت حايره ابجي على ابويه لو اهلهل من الفرح ،،،صرت مثل المخبله ،،يمه يمه
مشاعري مختلطه، اصلا على الموقف تمنيت الكاع تنشك وتبلعني ياويلييي ،،حتى قررت مااشوفه لعلاء
شااجاوبه،،،بعدها بدلت ملابسي جان امي تصعد ليفوك يمي دكت بابا الغرفه وفاتت بس تضحك
كتلها:ها يمه شبيج خيرج تضحكين شنو علاء ضاج.
_،جاوبتني:لا اصلا كلش فرح،بس اني اضحكت داكول ياسبحان الله شلون الكاع انطوت
وجمعتكم هالصدفه،والله علاء خوش ولد ويستحقج
_جاوبتها:ي ياالله.
وبعده رحت نمت ورها
ب 40يوم واني مطالعه من البيت وبوقتها حتى الاحلام والشخص الذي يلاحقني
اختفى'وصرات احلم بعلاء،،،،،،،،،،،،ف بالاربعين اجه علاء وبوقتها عمامي محد حضر بس
عمو فؤاد ف بوقتها محجيت شيء ويه علاء بس من رجعنا وره اسبوع امي دزتني اجيب شغلات ف
العصريه رحت اشتري من المحل وصادفت علاء بالطريق اول كلمه كتله:علاء هذاك اليوم الموقف،،،،،،ف
قاطعني بالحجي وكال:بس تخلص السنه مال حجي اتقدملج رسمي.
وحاليا احنه نتشاوف بين فتره وفتره ومابيناتنا اي طرق تواصل لان يخجل يحاجيني،،،،،،واني حاليا
احبه واموت عليه،لان ساندني ووكف ويايه وي امي
~~~~~~~~~~~~~~~~~~~~~~~~~~ .انتهت القصه. ~~~~~~~~~~~~~~~~~~~~~~~~~~~~~~~
#قصه_ذالك_الشخص_يلاحقني
