عنند الجبل بعد موصلو له
ليالي: اييوه جاء النت
غرام : ايوهه
داليا :الجو هينا خييال
ليالي : مرااا
جود: ابي نت
بحر : من عمك؟
اديب: سلامات
بحر:امززح
معاذ : هههههههههههههههههههههههههههههههههههههه
ليالي: فتحت لك نت
جود: شكراا
اديب : شوفي متى اختباراتك
داليا : ايووه صح حتانا بشوف
ليالي : متى؟
داليا: من الاحد لين الاربعاء
اديب: وانتي ياجود؟
جود: من الاحد لين الثلاثاء
اديب: حلوو
غرام: بس لازم نرجع بدري علشانهم
ليالي: احلى شي
داليا : يوهه طلعتنا بوقت غلط
معاذ: معليك باخذ سيارة اديب واوديكم
اديب: وليه سيارتي
معاذ : نسيت اننا جينا بسياره وحده!
بحر : ونرجع بسياره وحده
اديب: صح كلام بحر
معاذ: شدراني احسب بتقعد عند النياق
اديب: لا بكرا علي دوام
غرام : مشينا؟
اديب: ايه يلا باقي خمس دقايق عن صلاة العصر
ومشو كلهم وليالي كلشوي تصور صوره
بحر: ليالي ماتتعبين؟
ليالي : من ايش
بحر: من التصوير
ليالي: مستحيل اتعب منه
غرام بهمس لليالي: ليالي متى بنطلع لهم الكيكه قبولي بالجامعه ؟
ليالي بنفس الهمس: بعد الصلاه لمى يتجمعون على القهوه
داليا: وش تقولون!!
ليالي : ولاشي
بحر: كيف ولاشي وانا من قبيلان اشوفك تتهمسون
ليالي: ملقوفين انتم
معاذ: يمكن يحشون بينا
داليا: حسنات من غير تعب
غرام : اقول منزينكم نحش بيكم
وقفت ليالي وصدمها اديب الي يمشي وراهم ومسكها اديب مع ظهرها علشان ماتطيح والتقت عيونهم ببعض
اديب: بسم الله عليك شفيك
ليالي وهي توخر عن اديب: لا بس من متى وانت وراي؟
اديب: من يوم مشينا
ليالي شهقت: سمعت سوالفي مع غرام!!
أديب: ايه مو على اساس حنا الي نفجاها ؟
ليالي: ذا الي بيصير لاكن القبول جاها بدري
اديب: حللو
ليالي : تكفى لاتقول لاحد
اديب وهو يتاملها: منعيوني
ليالي: تسلم عيونك
الجد ماجد : علامكم تاخرتو؟
ليالي: بالعكس جدوو جينا بدري
غرام: وين امي وحريم عمامي؟
الجده مزنه: راحو يتمشون
داليا: يبه
ابو معاذ سالم: هلا
داليا: اختباري بكره
ابو اديب خيال: نسينا الاختبارات
ابو بحر عساف: حتى ياسر؟
ابو ليالي نايف: كلهم متوسط و ابتدائي ثانوي عليهم اختبارات
الجد ماجد: مهنى خلاف بعد صلاة العشا نعود لبيوتنا
ابو اديب خيال : ان شاء الله
اديب: من بيصلي بينا
الجد ماجد: انا
وقامو الرجال مع الجد ماجد يصلون وراحو البنات للخيمه يصلون وجوا الحريم
نجلا ام اديب: البلاد هذي تفتح النفس
ام ليالي نجد: ايوالله ليت نمرح هينا
ام معاذ فجر: وينن نسيتو عيالنا عليهم اختبارات
ام اديب نجلا: صحح
ام بحر لطيفه: والله اني نسيت ولدي ياسر
داليا: جدي يقول بعد صلاة العشاء نمشي
ام اديب نجلا: ياليته
ام ليالي نجد: اجل جهزن عشاكن بدري
الجده مزنه : يازين الجو اليوم غيوم من جيتنا
ليالي: اكيد بيزين لاني معكم
غرام : ياييي
داليا : يايات هههههههههههههههههههههههههههه
الجده مزنه: انشهد
ليالي وهي تحضن جدتها: يابعد عرباني وداليا وغرام
غرام: يعني هنا محنا عربانك؟
ليالي: لا
نجد ام ليالي: ليالي روحي جيبي الدله والربيق من الرجال
ليالي: ابشري من عيوني
وراحت ليالي وشافت الرجال يغيرون مكان جالستهم
ليالي: وين؟
اديب: بنغير الجلسه
ليالي: حلو وانا جايه باخذ الدله وللبريق
اديب: بتسوين القهوه؟
ليالي: لا ماما بتسويها
أديب: ليش ماتسوينها انتي لون قهوتك هذيك المره
ليالي: عجبتك؟
أديب: اي
ليالي : حتى قهوة ماما بتعجبك
أديب: انا ودي قهوتك
بحر: الله ياخذها من نارر
معاذ: بياذن المغرب ونار بحر ماولعت
ياسر: ذبحتنا الدخنه وهو مصصر تولع
بحر: معليكم معليكم الحين تولع
عبدالعزيز: من اليوم وانت تقولها مولعت
اديب: شكلنا بنتقهوى بدون نار
ليالي بعد ماخذت الدله والبريق: بسويها
اديب لف لها : وشهي ؟
ليالي: القهوه
اديب ابتسم الها : بتكون الذ قهوه ذقتها بالبر
ليالي ابتسمت له وراحت لامها : ماما انا بسوي القهوه وانتي الشاي
نجد ام ليالي: يلا
داليا: واخيرا مابقى شي عن المفاجأة
نجلا ام اديب: مفاجاة وش
ليالي بتصريفه : مفاجاة سقوطها
غرام : ههههههههههههههههههههههههههههههه
ام معاذ فجر: لا باذن الله بتتخرج واشوفها احلى خريجه
الكل: ان شاء الله
ليالي: القهوه جهزتت
نجد ام ليالي: والشاي كمان
ام اديب نجلا: عطيني عنك ياليالي
وعطتها ليالي ووراحت نجد ونجلا وفجر ولطيفه للرجال والبنات قعدو بالخيمه يفكرون كيف يقدمون الكيكه
داليا : انا اقول نقول سبرايز كيكة قبول غرام
غرام : لا لا بنحطها وهم يشوفونها ويقولون قبول ايش بعدين نقولهم
ليالي : لا تعطينها ابوك وتقول افتحها ولمى يفتحها يقولك قبول ايش بعدين تقوليله الجامعه وكلهم يفرحون
غرام : يلا مشيننا
داليا: يلا ليالي صوري فلوق
غرام: صح علشان نوثق الحظه ذيً
ليالي: مجهز الكمره من قبل تقولولي
غرام بعد ماخذت الكيكه: يلا
وراحو البنات للجلسة اهلهم وتقدمو وليالي وراهم تصور
بحر: هذول علامهم؟
معاذ: جتهم جنياتهم
اديب:ههههههههههههههههههههههههههههههههههههه
غرام بعد معطت الكيكه ابوها : افتحها يبه
ابو بحر عساف بعد مافتح الكيكه: قبول وش ؟
غرام: قبول جامعه
ابو بحر عساف بفرحة : ماشاءالله متى قدمتي؟
الجد ماجد: ماشاءالله مبروك يابنتي
الجده مزنه: مبروكك
ابو اديب خيال: ماشاءالله ان شاء الله نشوفك باعلى المراتب
ابو ليالي نايف: ماشاءالله لقينا خويه لبنتي ليالي
ابو معاذ سالم: ماشاءالله تستاهلين وان شاء الله نشوفك خريجه
ام اديب نجلا: مبروك ياغرام
ام معاذ فجر: ماشاءالله مبروك
ام ليالي نجد: ماشاءالله مبروك مبروك
ام بحر لطيفه: مبروك ياروح امك
بحر بصدمه: هيه من متىى! مو على اساس حنآ نفاجاها!!
معاذ بابتسامة : مبروك غرام
أديب : شايف يابحر غدرو بينا بس يلا مبروك غرام
بحر: مبروك ياعين اخوك وان شاء الله اشوفك باعلى المراتب
وهين ياليالي انا اوريك
ليالي بضحكه: هو جاها القبول بدري ولعلى الجوال بيدها وشافتها
داليا: ايه حتى لو ماقمت كانو مراح يقلون لي
غرام وهي تقطع الكيكه : اقول عاد خلاص مفاجاة ذي
داليا: صح
ليالي : عم عساف
ابو بحر عساف: هلا
ليالي: شرايك تخلي غرام تروح معنا بكره للرياض
ابو بحر عساف: وشوله
ليالي : تتسوق للجامعه
ام بحر لطيفه: ايوالله ياعساف خلها تروح تتسوق وانت تعرف الديره مابها اسواق زينه
ابو بحر عساف: ان شاء الله
غرام : يعني اروح؟
ابو بحر عساف: ايه
ليالي وهي تجلس : يسس
ابو ليالي نايف: بتنور الرياض وبيتي بجية غرام
غرام : ياعمري ياعمي
ليالي : بصب لكم من قهوتيي
اديب : لا انا اصب
وجلست ليالي واديب صب القهوه لهم واخذ فنجالين وجلس قريب من ليالي وصب الها وله
اديب : تسلم ايدك
ليالي : عليك بالعافيه
بحر : الكيكه ماش طعمها مهو حلو
جود : سلامات تجنن
ليالي : وربي لذيذذهً
غرام : عاد داليا الي اختارتها
بحر : كانه جازلي طعمها
اديب : سبحان الله ههههههههههههههههههههههههههههه
غرام : ايه ايه جازلك
داليا وهي تبتسم لابحرر و بدالها بحر الابتسامة
ياسر : فيه كييكه ؟
غرام :لاوالله
ليالي : خذ صحني خلصت
اديب : ماكلتي؟
ليالي : الا بس شبعت
واخذت ياسر صحن ليالي وقام اديب يقهوي
ليالي : اوف اليوم مراا انبسطت
داليا: ايوالله
غرام : الله يديم الوناسه علينا
ليالي : اميين
بحر : وانا لي يوم اجهز شعر اقوله لغرام يوم نقول المفاجاة
داليا : يوه بحر للحين معلق هههههههههههههههههه
اديب : حنا بدينا بمواضيع وانت للحين
ليالي : هههههههههههههههههههههههههههههههههه
معاذ : اسالك بالله وشوه الشعر ههههههههههههههههههه
اديب : تالقاه سارقهن من قوقل ههههههههههههههههههه
الكل: ههههههههههههههههههههههههههههههههههههههههه
بحر : مايضحك
غرام : ياعيون اختك مافات شي قوله
ليالي: صدق بحر يعنني مو داريه يلا
بحر بوهقه: بس
اديب : بس وش؟
بحر وهو يحك جبهته: نسيته
معاذ : هذا وهو لك يوم هههههههههههههههههههههههههههههههه
اديب: هههههههههههههههههههههههههههههههههههههههههههههه
غرام : خلاص خيره
ليالي: صح
الجد ماجد: مشينا نصلي المغرب
وقامو الرجال والعيال وجلسو البنات يتاملون الغروب
ليالي : اعشق الغروب
داليا: حتانا بذات لاكان فيه بحر و غروب
غرام بطقطقه: بحر اخوي ؟
داليا: لا بحر بحر الماء شفيك انتي
ليالي : ههههههههههههههههههههههههههههههههههههههههههه
الجد مزنه: الصلاه فاتتكن قومن
وقامو البنات : ابشري ياجده
وراحو يصلون ونجلا ولطيفه الي صلو وبدو يسون عشاهم
ليالي : ليش عشاكم بدري
داليا: يالخبله هذا علشان بنروح بدري سويناه بدري
ليالي : اولشي انتي الخبله ثاني شي اوكيه
غرام : اساعدكم بشي ؟
لطيفه: لا يمه خلاصنا
ليالي : طيب بسوي الهوت شوكلتت
نجد ام ليالي: الغاز الحين مو فاضي سويه على النار اذا ودك
داليا : احس على النار بيطلع لذيذ
ليالي : شدخل ؟
داليا : نار و هوت شوكلت احس الطعم شتوي
ليالي : الحمدالله والشكر الاختبارات ماثره عليك
غرام : هههههههههههههههههههههههههههههههههههههه
ام اديب نجلا: هذي ولا هذي مافيه الا النار تبونها سو عليها
ليالي : طيب بنسوي وذا خرب بنخلي داليا تشربه كله
داليا : وي وانا شدخلني
غرام : معليك بتزبط
واخذت اغراض الهوت شوكلت ليالي وراحت هي والبنات للنار
ليالي : بالله ذي من يتحمل حرارتها
داليا : محد صراحه
غرام : بنخلي العيال يساعدونا
ليالي : صح
ونادو على العيال وجو
بحر : وش تسون؟
ليالي : هوت شوكلت
معاذ : طيب حنا شدخلنا تنادوناً
غرام برفعة حاجب : تساعدونا
اديب : وش نساعدكم به كله حليب كاكاو شقلاطه وحطوه على النار
ليالي :هوعلى شان النار ناديناكم
معاذ: وشبيها النار هالزينها حطو البريق وخلاص
ليالي: يوه عاد
اديب : خلاص باسويه انا
ليالي : بس نبي منك تحط على البريق وهو بالنار
بحر : اههها مودهن يحرقن ايديهن لاكن بحر واديب ومعاذ عادي يحرقون ايديهم صح؟
غرام : بدري
داليا: لا شدعوه حشا
ليالي : لا حرام ضلمتونا
اديب وهو يجلس : يلا علموني وش اسوي
ليالي جلست جنب اديب : الحين حط الحليب
وجلسو كلهم جنب النار وبدت ليالي تعلم اديب
اديب : بس ؟
ليالي : لا بعد شوي
اديب : وبعدين
ليالي : نحتريه يسخن
بحر : بسس كذا؟
ليالي : بحر شفيك تسبق الامور للسى باقي
غرام : باقي الكاكاو والنشاء والسكر والشوكلت والمرشملوو
داليا : بشوي مرشملوو
ليالي : عاد جبت كيسين احتياط
داليا : عطيني كيس واحد
ليالي بعد معطت داليا كيس: منيلك اعواد ؟
بحر : من هالشجره
معاذ : نادو جود بتشيل الشجره كلها اذا سمعت مرشملو
الكل: هههههههههههههههههههههههههههههههههههه
اديب : تموت على المرشملو اول واحد هو بالسله
ليالي : اجل بروح اناديهها
وراحت ليالي وقامت داليا تدور اعواد نظيفه بالشجره
ليالي : جود تبين مرشملو ؟
جود : ايييه وينه
ليالي : تعالي معنا داليا بتشوي مرشملو
وراحت ليالي وجود عند الجلسه
جود : يسس مرشملو
داليا : اجحديها ياجود
جود : معليك بعد شوي جاحدتها
ليالي : هههههههههههههههههههههههههههههههههههههههههه
اديب ركه راسه على ايده ويتامل ضحكت ليالي بابتسامة
بحر الي مانتبه لاديب طول اليوم ول نظراته الها
غرام : فار فار
ليالي وداليا وجود قامو بخريعه : ويننه
غرام: ياغبياء الحليب فاررر
ليالي : ياحيوانه خرعتتيني
داليا: يمه وربي احسبه فار هذاك
جود : مالت عليك انتي والحليب
بحر بضحكه : كل هذا علشان فار هههههههههههههه
معاذ : قسم ماجانين
اديب : والحين وش احط
ليالي : انا احط
وحطت النشاء والكاكاو وضلت تحركهم وحطت شوكلت وخلته شوي يطبخ وثم نزلته
ليالي : جهزز الذ هوت شوكلت
بحر: يمكن يطلع اخس هوت شوكلت
ليالي : اسكت بس
معاذ : بخخخ
ليالي صبت الهو شوكلت وزينته ب مرشملو وزعته
داليا: يسلم ايدك ليالي
ليالي : وايد اديب
جود : وربي لذيذذ
بحر بكذب : مو حلو
اديب : عطني الكوب
بحر: هييه امزح يهبل
ليالي : شفت لذيذ
معاذ : يعطيك العافية اديب وليالي
غرام : الطعم خيياللً
اديب : حتى السكر وسط توقعته حالي مره
ليالي : ايوه بيعجب جدي وعمامي بصبلهم
وصبت لهم ليالي وودت لهم
ليالي: جبت لكم من الهوت شوكلت حقيي بيعجبكم
الجد ماجد: يعطيس العافيه
ابو ليالي نايف: عاد هوت شوكلت ليالي بالراس
ابو معاذ سالم: يعطيك العافية
ابو اديب خيال: ونعم
ابو بحر عساف: عشتي والله
ووزعت ليالي الهوت شوكلت عليهم وعلى الحريم
ليالي: عاد ساعدني فيه اديب
ام اديب نجلا: يعطيك العافية انتي واديب
نجد ام ليالي: يعطيه العافية
فجر ام معاذ: جا بوقته ابي شي دافيي
ليالي: بالعافيه عليكم وراحت ليالي لجلستهم
غرام: عجبهم؟
ليالي: اييه
بحر: ياسر وعبدالعزيز وينهم؟
جود: يالعبون بالخيمه شده
داليا: اكثر ثنين مالهم وجود معنا عبدالعزيز وياسر
غرام : حقيقي
اديب وهو يصب الي بقى بالبريق: اخر كوب للي تحبه
بحر بغمزه: عطه ليالي
اديب الي فهم عليه: لا خذه وعطه داليا
غرام: شفيهم ذول
معاذ: عطونياها انا
اديب: توسعو عني ذا لي
داليا برفعة حاجب: طيب دامه لك ليش قالت عطه داليا!
اديب: امزح
ليالي: معليك داليا بسويلك اذا رجعنا للبيت
داليا : مابيه ابي قهوه
غرام: تتشرط بعد
ليالي: ههههههههههههههههههههههههههههههههههههههههههه
داليا: ياخي دلعوني شوي علي اختبارات
ليالي: خلاص بنسويلك قهوه
غرام: ونجيبلك مع القهوه حلى
داليا: احبكم ياخي
جود: وانا ؟
غرام: انتي لفي راسك ونامي
الكل:هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
________________________________
بعد صلاة العشاء
نجلا ام اديب: العشا جهز انا اقلبه؟
الجده مزنه: ايوالله اقلبيه
وراحت نجلا تقلب العشا وساعدتها نجد وجو العيال جلسو والبنات بالخيمه
ليالي : انا مو مشتهيه العشاء
غرام : حتانا
نجلا ام اديب : ابقي لكم بالقدر؟
ليالي وغرام : لا
وراحو الحريم يتعشون واخذ صحن الرجال اديب وتعشو الرجال
عند ليالي وغرام بالخيمه
ليالي : غرام
غرام : همم
ليالي بحماس وهي تعدل جلستها : ماني مصدقه بكره بتمشين معنا
غرام وهي تعدل جلستها : ايييي واخيرا بشوف الرياض
ليالي : عاد بالف بك الرياض لف واوديك كوفي ومطعم مراا يجننون
غرام : يوهه حمستيني
ليالي : ماشفتي شي للحين
ودخلت داليا عليهم : وش تسولفون به
ليالي: بروحتنا بكره للرياض
غرام: وانتي قابلي كتبك وحنا نتمشى
داليا: حسبي الله
ليالي : ترقبي الفلوقات
داليا : مراح اسامحكم
ليالي وغرام : هههههههههههههههههههههههههههههههههه
_______________________________
الساعه 8:50 الجد ماجد : يلا يلا عودنا بيوتنا
وقامو الرجال والحريم يجمعون اغراضهم
الجده مزنه: ماجد حنا ناخذ الخيمه؟
الجد ماجد: لاوالله خلوها معودين عليها قريب
بحر : الحمدلله ياربي
معاذ: قسم من قبيلان اهوجس كيف نشيلها
اديب: قسم
ابو ليالي نايف: يلا يانجد وليالي
ام نجد ليالي : يلا
وراكبو ابو ليالي ونجد و ليالي وابو بحر ولطيفه وغرام والجد ماجد والجده مزنه مع ابو معاذ والعيال مع اديب
بحر : لا انا الكبير يعني انا الي اركب قدام
معاذ : لا حبيبي كبير صغير من سبق لبق
بحر : اقول اركب ورا
معاذ : لا انت اركب ورا
اديب بعصبيه : كلكم ورا ياسر عبدالعزيز اركبو قدام
بحر ل معاذ: كش وجه
معاذ: كش وجه انت
اديب : لاسمع نفس لاوالله انزلكم هينا
واسكتو العيال وكملو طريقهم ورا اهلهم
_______________________________
معليش تاخرت عليكم 🙂↔️.
تفاعلو بـ⭐️.
