بالديرة بعد صلاة الظهر
الجده مزنه ونجلا ولطيفه يسولفون عن ايام زمان
وفجر تطبخ الغدا مع البنات
ام معاذ فجر : داليا يابنتي روحي نادي جدك وابوك وعمامك والعيال
داليا: ان شاء الله يمه الحين اروح
راحت داليا واخذت شالها وحطته على راسها وطلعت تدور العيال وتلقى بوجها ليث يركض وتناديها ويجيها
داليا : ليث روح لابوي وجدي وقل الغدا تعالو
ليث : طيب
وترجع داليا للمطبخ وتشوف غرام تكلم بجوالها واستغربت من تكلم لاكنت مسالتها وراحت تكمل شغلها بالمطبخ
عند غرام كانت تكلم ليالي وتسالها عن حالها وكيف الجامعه معها ومتى يجون الديرة
ليالي : ياخي لاتعكرين جوي كفايه بابا من اسبوع يقول بنروح للديره نهاية الاسبوع
غرام : ياخي شفيك على ديرتنا تراها حلوه واجواءها مراا خيال وعلينا امطار
ليالي : ياخي ماحبها بس شسوي لازم اجي على شان خاطر ماما وبابا
غرام : عاد يويلك ماتجيبين قهوتك وربي اذبحك
ليالي : لا معليك هي اولي اجهزهم بالشنطه
غرام : زين نشوف
وسكرت منها وراحت تكمل شغل معهم
________________________________
بالرياض بيت نايف
نزلت ليالي يوم خلصت مكالمة مع غرام واقعد تتقهوى مع امها
ام ليالي نجد : ها ياليالي تجهزتي ولا باقي
ليالي : لاوالله ماتجهزت مدري وش اخذ وش ماخذ ولاعرفت الاجواء هناك برد ولا حر
ام ليالي نجد : معليك اجواء الديره تفتح النفس وبراد خذي ملابس شتويه وصيفيه
ليالي : ان شاء لله بس وين بابا ماشوفه بالبيت ؟
ام ليالي نجد : ابوك بالدوام بس نص ساعة ويجي
ليالي : غريب صاير يتاخر بدوامه
ام ليالي نجد : ايوالله مره صاير يتاخر
________________________________
بالديره عند اديب وبحر ومعاذ
.
اديب : شوف شوف يابحر الغبي ذا وش يسوي
بحر شاف معاذ وهو يحاول يركب الناقه
ضحك بحر وقال : وربي لاتعطيه لمخه يخلي ميعرف جده من عمه
اديب: هههههههههههههههههههههههههههههههههههههههههههههه
عند معاذ كان مصصر يركب الناقه والناقه كلشوي تطيحه ولا تدفه لاكن لاحياه لمن تنادي ل معاذ واخرشي استسلم وخلاها بحالها
وراح عند اديب وبحر
بحر : اقول ياديب كيف العسكريه معك
اديب : الحمدالله صح انها متعبه لاكن تعودت عليها
معاذ : ياخي ششجوكم عسكريه وماعسكريه انا بروح واكمل جامع وادرس طب واصير دكتور واترك عني شقى العسكريه
اديب : اي علشان بدال متعالج الناس تزيدهم مرض
بحر : هههههههههههههههههههههههههههههههههههههههههههه
معاذ : ماتضحك انت وياه مالت على الي يجلس معاكم بس
اديب وبحر : ههههههههههههههههههههههههههههههههههههههههه
________________________________
عند ليالي متضايقه انها بتروح الديره وتترك الرياض كانت مخططه تقضي الاجازه مع خويتها نوره
نوره : ياخي روحي وش راح تخسرين كلها كم يوم وترجعون
ليالي : مظطره اروح ماني قادرة اشوف ماما مبسوطه كيف انها بتروح للديره ونكد عليها
نوره : الا ماقلتي لي كم لك عيال عم هناك ؟
ليالي : تصدقيني ماعرفهم لاكن اعرف اسماهم من بنت عمي غرام
نوره : ايوه عاد اذا رحتي لاوصيك بالفلوقات بشوف دريتكم
ليالي : منعيوني
_______________________________
يوم الاربعاء بالديرة-
الجد ماجد : تجهزو وجهزو الضيافة بكره يجي ولدي نايف واهله
كانو كلهم مبسوطين لجيت نايف واهله
ام اديب : واخيرا وحشتني نجد و ليالي
ام بحر: ايوالله لها وحشه ليت ينقلون هينا للابد
غرام ضحكت وقالت : لاتسمعك ليالي وربي بتجن متتحمل الديره كيف ودك تسكن بيها
مر اديب وسمع كلامها وقال بينه وبين نفسه الله واليالي عاد وراح
________________________________
بالرياض بيت نايف
جهز الاغراض بالسياره من بدري والحماس الف عندهم عكس ليالي الي متضايقه وتممنى متروح ابد
ليالي : بابا كم نقعد يوم
نايف ابو ليالي : ثلاث ايام يابابا وارجعين ان شاء لله بعدها نرجع نقعد شهر ونص
نجد ام ليالي : بالله انت صادق ؟
ليالي تاففت ببكي وقالت : ليش يكفي ثلاث ايام وشلوله شهر ونص
نايف ابو ليالي: معليش يابابا مشتاق لاهلي وثلاث ايام متكفي واخذ اجازه شهر نقعد بيها بالديره
وضحكت نجد : ياماما منها فرصه تقعدين مع بنات وعيال عمامك وتتعرفون وهناك متاكده راح تنبسطين
ليالي بضيقة خاطر والدمعه بعيونها : ان شاء الله يلا بروح انام ورانا خط
نجد ونايف : نوم العوافي ان شاء الله
نجد ام ليالي : واضح ضاق خاطرها مراا
ابو ليالي نايف : ايوالله بس يلا ان شاء الله تتعود عليهمً وتحبهم
نجد : يلا نام وراك خط
_______________________________
