«أفـعـة الـبارون»
«بقلم: نور سمير»
«لتنسون التوصيت والتعليق ومُتابعة الحساب»
°°°°°°°°°°°°°°°°°°°°°
عگدت حواجبي بأستغراب وباوعت النجمة توني اريد احچي بس استوقفني صوت الراجدي الي فر وجها فر بحيث من يمي توجعت،
لزمها من شعرها وگال بنبرة مُرعبة
ــ. والخلقچ والخلقني اذا مسيتي شعرة من شعراتها لو سويتي سوالف الشعوذة لو سوالفچ الطايح حظها ثقي برب العرش بنفس الدقيقة جثتچ تطلع منا وفكري تسويها أن ما ندمتچ انه مو البارون .
سكتت وهيَ تباوعله بخوف ونجمة سحبتني من ايدي بسرعة قبل ليشوفونة وهيَ خايفة،
ــ چانت تُقصدني.؟
نجمة : ـ ها اءءء لا لا مو انتِ لتفكرين بالموضوع
هزيت راسي بهدوء وگلت
ــ اني رايحة الغُرفتي ارتاح .
هزت راسها بدون متجاوبني ونظراتها بأتجاه المطبخ،
صعدت للغرفة دخلت وسديت الباب طلعت كتابي من الجنطة الي هوَ "أكستاسي" وگعدت اقراء بي وكُل كلمة مكتوبة بيها فائدة وحلوة شگد احب هل كتاب،
بعد مُدة قصيرة سمعت طرقات خفيفة ؏ الباب سديت الكتاب وگلت بصوت عالي
ــ تفضل .
انفتح الباب ودخل البارون باوعتله بدون كلام وهوَ سد الباب واجه گعد گبالي ؏ الچرباية،
ــ محتاجة شي.؟
ــ لا .
ــ راح احميچ من الكل ما اخلي شخص يمسچ .
باوعتله وگلت بهدوء
ــ تصرُفاتك غريبة.!
ــ شلون يعني.؟
بللت شفتي وگلت بتساؤول
ــ ليش تهتم بيه.؟
انرسمت أبتسامة غريبة ؏ ثُغرة وگال
ــ كل شي بوقته حلو .
ــ شنو قصدك.؟
ــ لا تستعجلين حلوتي .
رُفعت راسي وخزرتة وگلت بحدة
ــ لتتخطى حدودك.!
أنت تقرأ
أفـعـة الـبــارون
Aventuraعيون ثاقبة تُراقب ما يحصُل في كُل وقت.!، روح مُتعبة وجسد مُرهق، تعيشوا في وسط الذئاب وكُلهم يودو أن ينهشو لحمها.!، في ليلة مُظلمة، خرجت من عندهُم بعد أن طفح الكيل.!، ذهبت نحوا المجهول.، تفكيروها مُشتت وروحها مُتعبة، ماذا سَيحصُل.؟، ستنجو.؟...
