مرحبا ياجود عمري ولذات الغرام... مرحبا يأغلى من يروح وأغلى من يجي

البارت5

بكره الصباح
عند الجد وعياله واحفاده في المجلس
الجد فيصل:نايف
نايف:لبيه
الجد فيصل:حددتو متى زواجكم
نايف:بعد أسبوعين
الجد فيصل:طيب
وقف نايف:بكلم خويي ضيدان يجينا اليوم
هادي وفهد:ضيدان بن حمد ؟
نايف:اي هو
هادي:اااه زمان عنه
الجد فيصل:من ذا منهو عليه
نايف:اسمه ضيدان بن حمد ال سلطان تعرفه ولا قد سمعت الاسم ذا؟
الجد:اااايي الله يذكره بالخير جده كان رفيقً لي الله يرحمه ابوه حي؟
نايف:يتيم وحيد اهله وتوفو ابوه وامه
الجد:الله يرحمه
الكل:امين
طلع نايف ودق على ضيدان خويه:ارحب
ضيدان:ابقه
نايف:اعلومك عندك شي؟
ضيدان:تسرك لا والله ماعندي شي بطلع للدوام الحين
نايف:خلاص اذا طلعت علمني
ضيدان:وش عندك؟
نايف:ابد والله عشاك الليله عندنا
ضيدان:لاواللهـ
ماامداه يحلف الا ونايف قايل:علي الطلاق أن عشاك الليله عندنا وجدي الي موصي عليك
ضيدان:معليه اذا في وقت جيتكم لاني اذا رجعت من الدوام تعبان
(نسيت اعرفكم عليه)
ضيدان رجال من ظهر رجال يتيم ساكن لحاله لاكن يبي بنت الحلال الي يبيها عمره (٢٧)
نايف:اذا جاء المغرب تعال
ضيدان:ابشر
قفل منه متجه لدوامه وفهد وهادي راحو قبله
والبنات الي نايم والي قايم
الجد:قومو واحد يروح للحلال يلا ماعندي عيال يتهيتون آخر الليياالي
ضرب حسين بالعصا على رجله ومشعل على ظهره ومشاري على راسه وقامو يتاوهون بالالم
راح حسين هو ومشاري ومشعل وسهم للحلال
عند الجود راحت لجدها واعمامها بحكم أن العيال طلعو ومابقى احد
دخلت المجلس ورفع راسه الجد:يمرحبا ياهلا وغلا بالعروس
ابتسمت بخجل وناظروها اعمامها وابوها خالد:يالبى الخجول انا
راحت وجلست في جنبه وقالت:لباك ياروحي
همس مطلق بحكم انا جالسة بين مطلق وخالد:اااووهه خلي روحتس نايف
طلعت عيونهها وقالت:يووهه خلاص انطم
مطلق:احترميني انا عمتس
الجود:خلاص اسفه
الجد:الجود ماودتس تروحين انتي ونايف للرياض؟
الجود:وش هو له ياجد؟
الجد:تجهزون لزواجكم
الجود:معليه اذا من دوامه قلت له
خالد:اخصص اذا جاء من دوامه وغمز لها
شهقت وخالد عرف أن ورا الشهقه ذي رفسه
قام وقامت تركض وراه وهو يركض مايبيها ترفسه
ضحكو العمام والجد ووقف خالد من التعب:والله انتس سبوقه ماشاءالله عليتس
الجود: اذكر ربك
خالد:ذكرت ربي ماشاءالله ماشاءالله
الجود:مأكون انا حرم نايف أن مارفستك
رفسته رفسه في جنبه وقال:الله ياخذتس
وجلس يتاوه بالالم وضحكت وراحت وضحك من تذكر كيف كانت تركض وراه
عند نايف دخل المركز وكل الرجال الي أقل رتبه يدقون له تحيه
وقف قدام مديره طلال الفريق الي ناداه ودق له تحيه وقال:سلام عليكم
طلال:وعليكم السلام،وقام يصاحف يده،اعلومك
نايف: الحمدلله تمام شخبارك أنت عساك طيب
طلال: الحمدلله نحمد الله ونشكره
نايف:دوم،بغيت مني شي
طلال:لا سلامتك بس حبيت اقولك أن خويكم ضيدان جاء هِنا صار دوامه رسمياً هنا
نايف:طيب مشكور
طلال:العفو
راح نايف مكتبه ودخل لقى ضيدان جالس على الكنبه:هلا وغلا باللواء
نايف:ارحب
ضيدان:البقى
دخل هادي وفهد وانصدمو من ضيدان الي تغير
تقدمو وكل واحد يدف الثاني يبي يسلم عليه
هادي بصوت عالي:اااارحببببوووووو
ضيدان:البقى يامرحب
فهد:يمرحبا،وحضنه وسئلو عن اخبار بعض واحوالهم
نايف:وأنا مالي نصيبٍ من الحضن ويحط يده على خصره
ضحك ضيدان وقال:أنت اغلاهم
زعلو هادي وفهد وضحكو وشاركوهم الضحك
عند العيال
مشاري:ياعيال نبي جدول
حسين:ليه أنت في مدرسه
فطسو ضحك العيال من نكت حسين
سهم:الله لاياخذك ياحسين
مشاري:اسمعو طيب
العيال:هلا
مشاري:نبي ندخل عند النياق ونركب فوقها والخيل بعد بندخل ونركبها
العيال:طيب،قدام
حسين من الدفاشه ركب على رقبة الناقه ورفعت رأسها وطيرته طاحو العيال يضحكون عليه وقام:ااااه الله لايلعنكم اااه ظهريي من ذي ناقته
مشعل:ناقة نايف شموخ
حسين:اااااه الله لاياخذتس الله يعين الجود اذا شافته معها امشو للخيل
طبعاً الجد فيصل مهدي لكل احفاده خيول
سهم:اسمعو نسوي سباق بالخيل
العيال:يلا،وش الجائزهـ ماكمل كلامه من جاء نايف وهادي وفهد وضيدان بعد ماطلعو من الدوام
نايف:ارحبو
العيال:البقى
سلمو العيال على ضيدان وقال نايف:وش تسوون؟
سهم:بنتسابق بالخيول
نايف:شرايكم ياعيال نتسابق معهم
هادي وفهد وضيدان:يلا
مشاري:وش الجائزه
نايف:١٠٠٠ريال؟
حسين:قُدااام بدوون مناقشه
ضحك مشاري وقال:مشفوح ابو عبدالله
كل العيال ركبو خيولهم وضيدان ركب خيل احتياطي عندهم
نايف:وهاج
فهد:الجامح
هادي:الكاسر
حسين:الادهم
مشاري:اللطيم
مشعل:السامح
سهم:السهم
ضيدان:هداج
رتبو اماكنهم وعد نايف بصوت عالي:واااحددد اثنيييين ثلاااثثه
وانطلقو كلهم وكان في البداية ضيدان ونايف كان الثالث وقدامه هادي الي كان متدرب من قبل لاكن نايف مااعطاهم فرصه تعدا هادي وضيدان وفاز بالمسابقة وقفو وقالو:مبروك