" ငါ့ သတို့သမီးကို တွေ့အောင်ရှာလာခဲ့ !! .. မတွေ့ရင် မျက်လုံးတွေအားလုံးကို ဖောက်ထုတ်ပစ်မယ် !! "
Suit အပြည့်ဝတ်ထားတဲ့ ယောက်ျား ၂၃ ယောက်က အမိန့်အာဏာရဲ့ စူးသြသြအသံကိုကြားသည်နှင့် ခေါင်းနဲ့မြေကြီးထိလုမတက် ဦးညွှတ်ပြီး Evil Club ထဲကို ဝင်သွားကြသည် ။ သူ့အပါးမှာတော့ နောက်လိုက် ၂ ယောက်သာ ကျန်ခဲ့၏ ။ ရှေးအမရာသွေး ဆိုတဲ့သူ့ကို အဆောက်အအုံပတ်ဝန်းကျင်က Club တက်တဲ့ သူတွေအားလုံးကို စူးစိုက်ကြည့်နေကြပေမယ့် ရှေးအမရာသွေး မျက်လုံးတစ်ချက်ဝေ့ကြည့်ရင်တော့ အားလုံးက အမြှီးကုတ်သွားကြတာပါပဲ ။
" Evil !! .. .. မမလေး ဒီကိုခဏခဏ လာနေတာ အန္တရာယ်ထဲ ရောက်လာနိုင်တယ် !! .. ဒီအတိုင်းလွှတ်ထားလို့ ဖြစ်ပါ့မလား "
" ငါ့သတို့သမီးကို ငါကာကွယ်ပေးနိုင်တယ် !! .. မင်းက သူ့ဦးလေးဆိုတိုင်း ငါတို့ကိစ္စကို ဝင်ပါနေစရာမလိုဘူး "
အရပ်ထောင်ထောင်မောင်းမောင်း ရှိပြီး အသက်အရည်ခပ်လတ်လတ်ရှိသည် ။ ဆံပင်တို့ကို သပ်သပ်ရပ်ရပ်ထောင်ထားပြီး Suit အပြည့်ဝတ်ထားတဲ့ အသက် ၃၈ နှစ်ကျော် လူရွယ်က ရှေးရဲ့စကားကိုကြားသည်နှင့် မျက်နှာပျက်ထွက်သွားသည် ။ စိတ်ကထောင်းခနဲ ဖြစ်သွားပေမယ့်လည်း ငြိမ်ခံပေးနေသည်က အကြောင်းတရား တစ်ခုရှိသည် ။ နောက်တစ်ပတ်ကျော်လျှင် တူမဖြစ်သူနဲ့ ရှေးတို့ လက်ထပ်ကြတော့မည် မဟုတ်လား ။
MONTAGEM ဂိုဏ်းကို အပိုင်သိမ်းချင်နေတဲ့ သူ့အတွက်တော့ တူမဖြစ်သူက မြေစာပင်သာသာ ။ ရှေးကလည်း ဒီမင်္ဂလာပွဲလက်ခံသည်က နှလုံးသားဆန္ဒမပါဝင်တဲ့ ဦးနှောက်ရဲ့ ဆုံးဖြတ်ချက်တစ်ခုကြောင့်ပါပဲ ။ ရှေးအမရာသွေးဆိုတဲ့သူက ယောက်ျားတစ်ယောက်ရဲ့ အစွမ်းအဆတွေ အပြည့်အဝရှိနေတဲ့ မိန်းမတစ်ယောက်ပဲ ။ အခု သူလက်ထပ်မယ့်လူသာ သူ့ဆန္ဒမပါပေမယ့် သု့မျိုးဆက်ကို မွေးပေးနိုင်မယ့် တစ်ဦးတည်းသော မိန်းမ ။
ဒီမိန်းမကို မချစ်ပေမယ့် ဂိုဏ်းတစ်ခုလည်း ရေရှည်တည်မြဲဖို့အတွက်ဆို မဖြစ်မနေလုပ်ရမယ့် အရာတစ်ခုပဲ ။ သူ့ရဲ့မိဘတွေကလည်း ယောက်ျားတွေပဲဖြစ်သည် ။ MONTAGEM ဂိုဏ်းဟာ ခေတ်အဆက်ဆက် ယောက်ျားတွေသာ အုပ်စိုးခဲ့ပြီး ရှေးအမရာသွေးက တစ်ဦးတည်းသော အမျိုးသမီး အုပ်စိုးသူဖြစ်လာခဲ့သည် ။ ဆွေမျိုးတစ်ခုလုံး ယောက်ျားလေးတွေသာ မွေးဖွားလာခဲ့ပြီး သူတို့မိဘတွေအလှည့်မှ မိန်းကလေးမွေးလာခဲ့တော့ ဆွေမျိုးတွေဟာ သူ့ကိုသတ်ဖို့အထိတောင် ကြံရွယ်ခဲ့ကြသေးသည် ။ အသက်ပြင်းတဲ့ ရှေးအမရာသွေးဟာ မိဘတွေရဲ့ ကာကွယ်မှုနဲ့ အသက်ရှည်ရှည်ကြီးပြင်းလာခဲ့ပြီး ဂိုဏ်းတစ်ခုလုံးကို အုပ်စိုးတဲ့လူ ဖြစ်နေခဲ့တော့ပြီ ။
