عندما التقيت بك

مشاهد ٭

المشهد الاول

_______☆☆☆_______

ظلام دامس و ريحة زفر و مو حلوة مجرد من راح تفتحين الباب الريحة راح تكفخج

سميت بسم الله و فتحت الباب طبيت للغرفة اجتيني ريحة جكاير و ريحة مو حلوة و العطاب مال الجكاير مشمورة بالارض

دورت عليه بالغرفة ماكو لحد ما لمحت خيال بصف الزاوية الي تصير بين المُجرات موجود بصف السرير

رحت يمه گمبصت احجي وياه ميجاوب اريد ارفع راسه ما اكدر ميقبل و ايديه الاثنين حاطهم على رجليه

رفع راسه شفت عيونه حمر رغم ظَلمة بس الضوء مال بره داخل للغرفة و هو قريب البلكونة كاعد

-شبيك تكدر دكول شصاير

-ميجاوب

- د احچي وياك شبيك ليش هيچي حالتك و ايديك ليش ضامهم صاير شي احچي اسمعك

-اطلعي بره و لتوصلين يمي ما اريد اشوفچ

ارتاحيت من حجه صحيح جاوبني بعصبية بس كلت احاول وياه اشوف شنو بي

-حباب لتسوي هيچي بس احچي كول و وعد اعوفك

-اطلعيييييييي بره كلتلج

-خايفة عليك و ما اعوفك اذا متحجي

-ليش تخافين عليه منو اني اطلعي روحي عوفيني اني شخص مجرم

-ليش تحچي بهالطريقة على نفسك

-لان اني مجرم افتهمي افتهميييي مااتتتتت راحتتت خلص

-شنو؟ منيه؟

-كُله بسببج راحت و عافتني ماتت خلص ماتت

-منو هيه شبيك ياهيه الماتت

ضل يهذي بكلمة ماتت خوفني اريد اعرف منيه و ليش هيچي حالتهه

طلع ايديناته صح مكدرت اشوف بس ريحتهم مو حلوة عاف ايديه كدامي و كال

-شوفي شوفي هذا دمهه دمهه

-شنو؟

خفت رجعت ليورة بالكوة كدرت اكوم على رجليهه ركضت افتح الضوء اريد افتهم شنو ديكول

شغلت الضوء شفت ايديناته دم خفت والله خفت فكرت انو قاتل شخص اذكرت كال هو مجرم خفت يطلع هو الي قتلهه

-ل ليش ايديك دم ش شنو هذا

-دمه ههه دمه شوفي