شيطان بين النساء

الحلقة السادسة"رفل"

اسأل الله أن يتعافى كل حزين
يخفي حزنه عن الناس.

ليَلةٌ فارغَه
مَثل اليَالي السابُقه
اكُملها وحيدٌ
لا احد مَعي سِوى حُزني
تأخُذني افكارَي لمكَانًا بعيَدُاً
وانظُر الى خسَاراتي واحدة تلِوى الاخُرى
اتأمَل الجروح المُتبقيه على يَدي
بيَنما انا مُتأكد هذهِ الجَروح لا تُضاهي
جروح فؤادَي .

أشهم: اجتي الزفة وراحت فتنة لبيت زوجها وانتهى اليوم وبقيت بيتهم اني وحسين واسماعيل وامها وخالها حكيم

اسماعيل: أشهم لاتروح ابقى هنا ليله بات اريد اشرب هوايه اريد انسى زواج فتنة

أشهم: تمام. رحنة اني وحسين جبنة شرب وظلينة نشرب وراح اسماعيل طلع صور فتنة من البوم وظل يبجي على اختة واني جنت اريد ابجي بس خاف دموعي تفضحني

أشهم: ظلينة اني وحسين نصبر بي ونكلة ادعيلها تكون سعيده بيت زوجها وخليها تشوف دربها وسعادتها جنت احجي هيج بس من وره خشمي ماطالع من كلبي

أشهم: ولكيت ام فتنة تبجي وظليت اواسي بيها ورجعت كملنة شرب وبتت عدهم وثاني يوم كعدت من الصبح وتريكت اني وحسين ورجعت للبيت لبست ملابسي ورحت للدوام

أشهم: خلص اليوم وصار اليل وردتة بس يجي رحت جبت شرب وسكرت فول واني مطلع اغاني وابجي على فتنة

*طماام العار يطمم فتنة*

أشهم: جنت كلشي متوقع منها بس صدفة زواجها هدتني وزادت حقدي على النساء أكثر

أشهم: مرت الايام وظلينة بين فتره وفتره يجي اسماعيل ونروح وياه للبيت نشرب ونسكر ومرات نعكد على ابو نؤاس بالمختصر صارت حياتي شرب وسكر ودوام

أشهم: وب يوم خابرني اسماعيل كلب تعال ربتبت روحي ورحت للبيت دكيت الباب طلعتلي ام فتنة

أشهم: سلام عليكم

ام فتنة: وعليكم السلام اشهم شلونك

أشهم: الحمدلله اسماعيل هنا

ام فتنة: طلع هسه وكال من يجي أشهم خلي ينتضرني. تفضل

أشهم: طبيت للبيت وكعدت وجانت الصدمة لكيت فتنة وهاي اني صار اكثر من خمس اشهر ماشايفتها
من عهد العرس

فتنة: هلو اشهم شلونك

أشهم: هلو فتنة بخير انتي شلونج. وجانت امها كاعده يمنة

فتنة: الحمدلله أسال عليك

أشهم: سئلت عليج العافيه

فتنة: شكو ماكو وين هالغيبة

أشهم: مشغول بالدوام

فتنة: بالدوام لو بغير شي

أشهم: غير شي مثليش

فتنة: انت بعد اعرف

أشهم: لا مااعرف كولي ولاسوينها حزوره

فتنة: عبالي ويا علياء موتريد تزوجها