شيطان بين النساء

الحلقة الحادي عشر"أخوان أشهم"

اللهُمَّ صلِ علىٰ مُحَمّد وآلِ مُحَمّد .

كل الرسائل كانت عابرةً
الا تلكَ الرسالة ايقضت
شعور والاحاسيس في
قلبً من حجر

*ملاحظة* اني ملاك و علقت ببارت لاحد تلوم كاتبة اريد اطلع لبكلبي شوي*

أشهم: بعد وفاة زوجتي حياتي تغيرت حيل صرت مانزل للبيت هواي ودائما بالبيت وبالي وفكري كله شلون اوصل لمنصب اعله واعله جانو دائما يخابرون عليه اخوتي بس اكثر المرات مااجاوب لان ادري بيهم عدهم مصلحة وياي لو يردون شغله مني

أشهم: كل اخوتي ساعدتهم بكلشي وماقصرت وياهم بس من وكعت اني بشده محد وكف وياي اخوي الجبير مصطفى راد يشتري بيت ونطيته 25 مليون وبدون مقابل او حتى يرجعهن ومن طاح بكورونا وكفت ويا وساعدته واني الي اخذته للدكتور وعالجته من جانت كورونا ببدايتها والوضع خطير

أشهم: واخوي اصغر من جبير علاء من راد يبني بيته احتاج 16 مليون وانطيته واكثر من مرا يحتاج فلوس مستشفى عالمود يسوي عمليه لزوجته الحية الخبيثة ونطيتة

أشهم: واخوي اصغر مني مرتضى من راد يبني بيت احتاج مبلغ 11مليون وانطيته ووكع بمرض كورونا اني اللي اخذته وعالجته وقبل اكثر من سنتين احتاج مبلغ سبعة مليون عالمود يسوي عمليه قلب قسطره وبالون وهم انطيتة

أشهم: واخوي اصغر واحد مسلم من راد يبني بيته احتاج مبلغ 9ملاين ونطيتة ومن راد يشتري سياره انطيته 20 ورقة وكل هاي واكثر واكفلهم ومع هذا كلة محد وكفلي من اتمرضت بكورونا وزوجتي اتمرضت ومحد وكفلي من زوجت ولا وكفولي من ماتت

*هوا اني موجوده ذاك وقت واخليك تنطيهم لو يوصلون تهي بهي اسوي العمايل بيهم لان ذول خيس وحرام اسميهم خوانك*

أشهم: كل هذا واكثر زاد حقدي على اخوتي مرات احس اني مو اخوهم ليش هيجي يسون بيه مع العلم  لحد هسه هما علاقتهم وياي مصالح لا غير ومع هذا اني اعرفهم واعرف حقيقتهم

أشهم: وصرت اعاملهم ورا ماتوفت زوجتي بشكل رسمي ابد مانطيتهم وجهه ولاظليت احن عليهم بس همه يبقون اخوتي ومن خلصت دورة السنه مالت زوجتي ظلو يتوددون عليه كل شوي وجاين للبيت لحد مامر اكثر من شهر على دوره سنة اجو اخوتي هما ونسوانهم الخبيثات

مصطفى: شلونك اشهم ان شاءالله زين

أشهم: الحمدلله بخير

مصطفى: شلونة وضعك

أشهم: بعد موت زوجتي وضعي هوا شغلي وبس

مصطفى: هوا احنه جايك عالمود هاذ الشي

أشهم: خير ان شاءالله

مصطفى: انت تدري ان الموت حق والحياة لازم ماتوكف والانسان لازم يكمل حياتة وانت بعدك شباب ومو زغير

*ايييي والملطوووب شنوو 🤨*

أشهم: ادري الموت حق بس وره هاذ الكلام اكو شي