مو الفقار كعدت الفجر شفت البنات نايمات رحت اصلي خلصت صلاه دخلت اسبح جاي البس ب ملابسي سمعت صوت بجي عرفتها كعدت طلعت لكيتها تبجي و خددوده تفاح حمر من البجي و كلهن دموع و اخواتي كاعدت على صوتها يردن يسكتنها ما تقبل رحت شلتها
. اش اش يروحي هاي انا يمج
. باباااا
. روح البابا هسه تردين ممه
. اي
حطيتها على الجربايه
. فاطمه روحي جيبي ماي دافي و حليب
راحت فاطمه و زهراء يمها تسكتها رحت امشط شعري اجت فاطمه الممه مسويتها
. هاي ليش حبيبتي تعبتي نفسج
. لا امي كاعده سوتها
. تمام
رحت انطيتها الممه بقت نشرب و البنات نزلن لبست لبس ادوام وتمددت يمها بست خدودها تفاح شويه و رجعت نامت نزلت سلمت على اهلي ردت اطلع امي صاحت وراي
. ولك و بتك وين
. يمه نايمه من تكعد لا تنطيها ممه وكليها اكل و اخذي البنات فاطمه و زهراء وميلا للسوك اشتريلهن ملابس
. المن ماخذه اخواتك عدهن بس بتك تشتري
. يمه اخذيهن و تشتريلهن جديد
. اي حبيبي الله وياك
+
ميلا /
كعدت من النوم الساعه 10 بقيت ادور عليه ما موجود بلغرفه خفت كلش بقيت ابجي شويه و سمعت صوت على الدرج و انفتح اباب دخلن بنات ثنين يشبهن بابا
فاطمه. ها حبيبتي اش تعاي نروح لا ماما
ميلا. اريد بابا
فاطمه. بابا راح للشغل شويه و يجي
زدت بجي من عرفت ما موجود سمعت صوت يصيح من جوه
ام ذو الفقار. ولج زهيره شيليها و نزليها
زهراء. يمه ما تقبل تبجي
الحجيه(ام ذو الفقار). شيلنها
اجت يلي اسمها فاطمه شالتني و نزلتني الدرج لكيت مره جبيره بلعمر
الحجيه. تعاي حبيبتي هسه يجي ابوج تعاي اكلي لكمه
شالتني غسلت وجهي و حطتني يم البنات و راحت للمطبخ
فاطمه. شنو اسمج
ميلا. اسمي ميلا
زهراء. وانا زهراء وهاي فاطمه
ميلا. شنو تصيرون من بابا
. زهراء. اخواته
فاطمه. يعني هسه احنا صديقات
ميلا. يسسس يلا تعالن نلعب عدجن العاب
فاطمه. اي هواي عدنه بغرفتنه امس نمنه وياج
ميلا. اي شفتجن من كعدت
فاطمه. اي هوا من يجون اعمامي احنا انام وي فقار لان ما يقبل انام وحدنه والبيت كله ولد يخاف علينه ف انام يمه
ميلا. اي بعد كل يوميه انام سوا
زهراء. يلا نطلع نلعب بلحديقه
كضيت اديهن و كمت نلعب دخلنه للمطبخ حتا نطلع للحوش
الحجيه. وين رايحات
فاطمه. نلعب
الحجيه. ولج ميوله بعدهي ما متريكه خلي تاكل
. زهراء. اوفففف يلا بسرعه
اخدنتي الحجيه كعدتني بحضنها و توكل بيه شبعت
. ميلا. ما اريد كافي
الحجيه. مو بكيفج يلا اكلي حتا تصير بيج روح شوفي نفسج هل كدوتج المثلج متروسه ترس
ميلا. ما اريد شبعت
كامت توكلني غصب ترست بطني ترس يلا خلتني اكوم غسلتلي و غيرت ملابسي و مشطت شعري و البنات لبسن حجاب و عبايه و كالت اخذجن للسوك نشتري ملابس صدك رحنه للسوك و شترتلي هواي ملابس اخير شي شفت محل العاب
. فدوه فدوه خلي ندخله
. يلا ولج بسرعه راح نتأخر
بسرعه رحنه دخلنه للمحل البنات اشترن وانا اخذت نص المحل
. ولج كافي منو يشيل هاي الغراض
. ما عندي العاب هنا غير اشتري كلشي
. اخ منج يلا بسرعه شنو تردين بع
