أنتِقام أبن العم ...
اهج من ذكرياتك وين؟
كل شارع الك بي صوت
زحمه العشرة تكضي بزعل
كون بموت ......
" بقلم الكاتبة هواجيس "
_________________________
صخر: وافقت سمر وزوجت اسعد ابن عمتي خلال اسبوع وتركت وراها رفراف الي بيوم عرسها مجلبة بذيال بدلتها
تمرضت رفراف ع سمر وع فراگها سمر سافرت وراحت تعيش وية زوجها بلخارج لان هوه اصلاً مقيم خارج العراق بس جان رايد يرجع يقيم بلعراق بس شاف الوضع مساعد بسبب ضورف العراق الي مر بيها اخذ سمر ورة زواجها بأيام وسافر
ورفراف روحها متعلگة ب سمر شگد حاولت وياها تركت الشغل علمودها صارت بس اني تريدني حتى امي متريدها ولا تريد خواتي زاد تعلقها بية صارت اذا تگعد ومتلگاني تتخبل
وبيوم قررت بعد ارجع للشغل صار اقل من شهر عايف شغل طلعت صبح وصيت امي ع رفراف
بشغل وتصلو علية رفراف كاعدة من نوم ملاگيتني ومتخبلة ونازلة تركض واكعة من درج وناقليها للمستشفى ...
تخبلت ركضت بكل مابية من قوة للمستشفى اول ما وصلت لگيت امي هناك وافراح وعمي جاسم
صخر: هااا شبيها رفراف وينها زينة؟
جاسم: روح افتهم من الدكتور
صخر: ركضت للدكتور جان هستوة طالعة من العناية المركزة الي بيها رفراف ، دكتور بنتي بيها شي؟ طمني
الدكتور: والد رفراف؟
صخر: اي اي انا ابوها احجيلي هيه زينة؟
الدكتور: الحكني للمكتب
صخر: ثگلت رجلية وباد جسمي ليش ميحجي هنا بيها شي رفراف؟؟؟ ...
رحت ورا كوة وصلت لغرفة الدكتور
الدكتور: تفضل استاذ اكعد
صخر: كعدت ع كرسي المقابل الدكتور ... ها دكتور بشرني شلونها رفراف ،، لم شفتة داخل حلگة وگال
الدكتور: انا اسف ع هذا الكلام بس بنتك رفراف بعد متكدر تمشي الوگعة اثرت عليها وصار عدها أعاقة
صخر: غطيت وجهي بايدي لااا دكتور لاا دگولهاا رفعت راسي بفزع ... دكتور تكدر تحجي تكدر تنطق
الدكتور: هيه اصلاً من الاساس عدها ثكل بلسانها ومتكدر تحجي مثلنه وكلامها قليل بلنسبة العمرها مفرروض هسه منطلقة بلكلام بس هسه عدها مشاكل بلنطق وهسه بسبب الوگعة هم أثرت ع نطق وبعد متكدر تحجي
صخر: دكتور شنو العلاج وين علاجها لو بأخر الدنية انا اروح اجيبة
الدكتور: هيج اعمار حتى عمليات منكدر ندخلهم لان هيج مشاكل تحتاج عمليات كبرا وهيه جسدها مو مستعد للبنج العام ولا مستعد ان يخضع العملية مدتها 14 ساعة او اكثر
أنت تقرأ
أنتِقام أبن العم
Actionوفي غابة تحتلها المفترسات هناك أميرة صغيرة تبحث عن الأمان ...... قصة عراقية حقيقية جريئة 🔞
