خلال دوامي الا تعدا شهر ونص كنت اللاحظ شخص من أبدا دوام لين يخلص وهو نظراته مركزه علي او محنطه بالاحرى كنت انزعج منه دائما كان ودي اشلع عيونه بس ماكان باليد حيله كنت احاول اتجاهل واتجاهل بس احيانا ماقدر اتحمل اكثر فكنت اروح افضفض لاقرب موظفه موجوده وهذا اكبر خطأ سويته زميلات العمل لاتفتح معاهم إي نقاش او تقول لهم شيء قبل لاتعرفهم زين وتعرف نواياهم !
>>>>>>>>>>>>>>>>>>>>>>>>>>>>>>>>>>>
كنا في البداية ٦ بنات ماكنت اعرف منهم الا اسمائهم ومره واحنا جالسين نشتغل نادوا علينا وقالوا المدير يبيكم ورحنا احنا البنات ٦ وهذي اول مره نشوفه فيها توقعت واحد كبير في السن وعنده كرش بس الا شفته شيء ثاني شخص طول بعرض مفتول العضلات يعني هيئته ماتنفع مدير ينفع مصارع طبعا من خلال الاجتماع عرفنا شيء واحد في ثلاث بنات راح يجلسون في الفرع هذا والباقي بيرحون فرع غيره والفرع الا قال عنه يبعد عن بيتي ساعه زياده !
طبعا انا بكل طواعيه رحت ودقيت على ابوي وشرحت له الموضوع بس كانت وابوي قام يوصيني تمسكي في الفرع بكل قوتش لان غير هالفرع مافيه !
>>>>>>>>>>>>>>>>>>>>>>>>>>>>>>>>>>>>
الصراحه حسيت إني داخله حرب مب وظيفه رجعت للمصارع عذرا القصد مديري وقلت له انا إذا بتنقلوني ماقدر اكمل معاكم لان ماعندي مواصلات ومادري الشيء الا قلته صح او خطأ ؟
>>>>>>>>>>>>>>>>>>>>>>>>>>>>>>>>>>>>
صح إذا بتسالوني ماتسوقين سيارة ؟ بقولكم لا ، لان عندي فوبيا من السيارات من بعد حادث وممكن اذكره وممكن لا إذا تبون اكتبوا لي وبضيفه هنا 😊
أنت تقرأ
مذكرات كاشيرة 😎
Actionالسلام عليكم ورحمة وبركاته كيف حالكم ؟ انقطعت عنكم بعد فترة غايب طويلة ورجعت لكم بشيء خفيف ولطيف نفس ماكان خفيف ولطيف وانا اكتبه .. مذكرات كاشيرة راح تسرد لكم عبير المواقف الا صارت لها خلال وظيفتها كـ اول مره تجرب هالنوع من الوظائف وبيكون في مواقف...
