ලිලී

කදු මුදුනට ගමනක්

" ලිලී,ඔය මල්ල ඇතුලෙ මොනවද තියෙන්නෙ. "

'ආ... කදුකරයට යන ගමනෙ දි ටිකක් මහන්සි දැනෙයි. ඒක නිසා මම කෑම ටිකක් ගෙනාවා.
"ඕඕ... ඒක නම් හොදයි. මට එහෙම දෙයක් නිකමටවත් මතක් වුනේ නෑ නේ."

' ඔයාට මොනාද දැන් බලන්න දැනගන්න ඕනේ '

" හැමදෙයක්ම " මගේ මූනට එබී බලමින් ඔහු පැවසුවේය.

එයින් ලජ්ජාවට පත් වූ මගේ මුහුනට ලේ පිරීයනු මට දැනුනි.

" ලිලී ඇයි මේ මූන රතු වෙලා ? "

' ටිකක් සීතලයි ඒකයි '

" එහෙනම් අපි හෙට එමු "

' නෑ නෑ මේක ටික වෙලාවකින් හරියයි . '

" විශ්වාසද ඔයාට ? "

' ඔව් . මන් මුලින්ම ඔයාට මේ අවට ගෙවල් වල ඉන්න අය ගැන කියන්නම් '

" හොදයි "

'පහල තියෙන ගෙදර ඩග්ලස් නෝනගේ ගෙදර . එහේ ඉන්න විලියම් මාමයි. ඩග්ලස් නෝනයි . එයාගේ පුතා පීටරුයි '
' අර උඩහ තියෙන ගෙදර මැඩිල්ඩා නැන්දගේ . එයා අපෙ අම්මගේ නන්ගි. එයාගෙ දුව තමයි ඈන් අපිට උදේ හම්බ වුනේ '

" ඕ.. හෝ.. ඒ කෙල්ලගේ නම ඈන්ද හරි ශෝක් කෙල්ලෙක් "

ඔහුගේ ඒ වචන වලින් මගේ පපුවට සියුම් වේදනාවක් දැනුණි. හේස් ඈන් ගැන හොද පවසන විට මට රිදෙන්නේ ඇයි ? මම මුහුනට සිනහවක් ගෙන නැවත කතාව පටන් ගතිමි

' ඊට එහා තියෙන්නේ මේරියන් ආච්චිගේ ගෙදර, ඇයට දරුවෝ නෑ . ග්‍රිෆිත් සීයා නැති වුනාට පස්සේ මේරියන් ආච්චි තනියම ජීවත් වුනේ'
'අර පැත්තෙන් තියෙන ගෙදර ඉන්නේ ජේඩන් පවුලේ උදවිය , ඒකට පහල ගෙදර ඉන්නේ ගොපල්ලෙක් විතරයි. ඔවුන් අපේ අසල් වාසින් උනත් වැඩි ආශ්‍රයක් නැහැ '

" ලිලී ඔයාලා හරි නිදහසේ ජීවත් වෙනවා නේද මේ කන්දේ "

' ගොඩක් අයට එහෙම තමා පෙන්නේ . ඇත්ත මේ කන්දේ ජීවිතය නිදහස් හැබැයි ගොඩක් දුෂ්කරයි. '

ඔහු සිනාසෙයි. උත්තර දිය නොහැකි ප්‍රශ්න හමු වේ ඔහු කරන්නේ සීනාසීම පමනකි.කෙමෙන් කෙමෙන් අප කදු මුදුනේ එක් පාර්ශ්වයකට පැමිනියේය. එතැන විශාල ඉඩක තනබිස්සකින් වට වුනු පිට්ටනියකි.