" අරේ මතක නැතුවද ම් "
" ආ..... අපේ පන්තියේ යාලුවෙක්ද සමනල "
සමනල නැවතිලා මන් දිහාම මූණත් අමුතු කොරන් බලන් ඉද්දි මන් ඔලුවත් කහලා අරහෙම ඇහැව්වා.
ඇත්තටම කිව්වොත් මට එහෙම ඇත්තෙක් මතක නැතුවා නේ.
" කලූ...... නිකන් කතන්දරයක් කියන්ඩද ම් "
" ඉන්ඩ අතනින් ගොහිල්ලා ඉද ගමුකෝ. ඊට පස්සේ උබැහෙ කියන්ඩ කතන්දරයක් "
මන් සමනලගේ අතිනුත් ඇදන් ගෑටුවේ වෙලේ ඇල පැත්තට වෙන්ඩ තියෙන ගහ මුලක් ළගට.
" කෝ කියන්ඩේ නැතුවද ආ සමනල "
" කලූ ඉස්සර කාලේ කොල්ලෙක්ට පුංචි දොස්තර මහත්තයෙක් ආදරේ කරා බන්. මේ දෙන්නයි තව කොල්ලෙකුයි චූටි කාලේ ඉදලා හොදම යාලුවෝ. කොහේ ගියත් මේ තුන් දෙනා හිටියේ එකට. හැබැයි ඔතනින් අර දොස්තර මහත්තයා යාලුවාට ආදරේ කොරා හොරෙන් "
" මොන යාලුවාටද සමනල. යාලුවෝ දෙන්නෙක් හිටියනේ "
" සුදු කොල්ලට ආදරේ කොරේ. අනිත් කොල්ලා සර් කෙනෙක්ගේ පුතෙක් කලූ . හැබැයි ඉතින් පුංචි දොස්තර මහත්තයගේ හැංගි හොරා කොරපු ආදරේ අර කොල්ලට තේරුණා. මුලින් මුලින් අර කොල්ලා දොස්තර මහත්තයට මනාප නැති වුණත් පස්සේ ඒ කොල්ලත් අර දොස්තර මහත්තයට ආදරේ කොරා කලූ. දන්ඩවද දෙයක් ම්... "
සමනල හරියට කතන්දරේ මට දෙඩුවේ හරියට උන්දැ ඒකෙ ඇතුළේ ජීවත් වෙලා වයේ. මට පේන හැටිද මන්දා සමනලගේ ඇස් වල පෙනෙන නොපෙනෙන ගානට කදුළු පටලයක්.
" මක්කද සමනල "
" සමහර ආදර කතා වලටත් ඇස් වහ වදිනවා මයෙ මැණික "
උන්දැ කියනවා සමහර ආදර කතා වලට ඇස් වහ වදිනවලු. ඒවුනාට ලෝකෙ තියෙන රසම දේ ආදරේ. හරි මිහිරියි. කොයිම ආදරේකට වත් ඇස් වහ වැදිලා කඩා කප්පල් නම් වෙන්ඩ හොද නැතුවා.
" ඒ දෙන්නගෙ ආදරේටත් ඇස් වහ වැදුනද සමනල "
" මේ දෙන්නා හරි ආදරෙන් කලූ හිටියේ. ඒත් ඒ ආදරේට ගොඩක් කල් යනකම් පැවැත්මක් තිබ්බේ නැතුවා කලූ "
YOU ARE READING
කටු ඉඹුල (Completed )
Phi Hư Cấu" මම කී ලෙසටම ආයේ හමුවෙන එක වෙනවාමයි මායාවක් මයි ආදරේ.......... " - අන්ගුලු මුහන්දිරාම් -
