#مغوار الغربيه
#للكاتبه ميار العلي
انستا:-mayar23.o
تعليق+تصويت+متابعه ✨🦋
سويت اضافه صغيرونه للبارت الأول ضروري ترجعون تشوفونها بس بالبدايه ركزوا بيها!
وهسه تفكيري اختلف
راحه البال من انعزل
وانساها للحنيه
واسراري خليهم الي
ماريد اي واحد بعد
يعرف الصاير بيه .
شام:- راسي موتني من گد التفكير بلي صار
مستحيل اتخطى ولا راح اتخطى اصلا
چنت متمدده بغرفتي وفاتحه الكتاب ومخليته على وجهي اشم ريحة الورق الي مستحيل اشبع منها
اسمع صوت اماني
:-شنو اماني هنا؟؟ من يمتى
نهضت حيلي وگمت لميت شعري خليت الفاصله مال الكتاب لوين وصلت ورجعته مكانه
طلعت بسكته تااسمع شيحچون وليش هيج مندمجين ويحچون بهدوء وكلها مركزه
مديت راسي لغرفة امي لگيت امي گاعده وداير مدايره البنات ود واماني وبنت اماني الچبيره
وأمي كلعاده كل متحصل فرصه تگعد تحچيلهم ع الماضي ماقاطعتهم ضليت بلباب واستمع ألهم
ود :- يوم يعني من طلعتو بذيچ الليله بعد مارجعتو لبيت جدي ؟
ماري:- لا يمه جايتج الأحداث اسمعي
بعد الي صار بذيچ الليله والكسره الي تكسرها الحر من أهله حلف مايرجع للبيت
اماني:- يمه كملي شقرر الحر بذاك اليوم
ماري:- ماچان گدامه غير عمته مره چبيره بلعمر
وچانت گاعده لحالها بيتها وهي على طول يمرها
من ينزل من الدوام.
واساسآ منگدر نروح لغيرها لأن اهلي چانو يسببون أذيه ومشاكل بسبب امي الله يسلمها
الحر :- دگيت الباب مرا مرتين ماكو حس
ماري:- خاف نايمه المره
الحر:- لا يول وين دگول خفاش ماتنام
اجانه صوت مره چبيره بلعمر من گد ماچبيره صوتها يرعش
:- منوو
الحر:- اني الحر عمه
فتحت الباب شهگت من شافتنه بهل وضع وبنص الليل
رمله:- هلا بيك ييمه تعال فوت فوت شعدكم بهلبرد والضلام بيكم شي ابوك بي شي ؟
:- لا عمه ماكو شي محد صايرله شي
ماري:- رجعت دحگت عليه واجتني لزمتني من ايدي
رمله:-معسمات ايديج يعمه تعالو فوتو
دخلنا جوه بيتها دافي ومن بيوت قبل من گد مادافي عبالك واحد حاضنك ومرتب وبكل جهه فارشه زوليه حمره مخططه وعالگه صوبه ام النفط
بلنص وعليها قوري چاي
نزعنه احذيتنه ودخلنا للصاله جابت فروه قديمه خلتها عليه اني والحر ولفلفتنا الحر بس يضحك شلون تسوي هيج ويانا عبالها جهال
أنت تقرأ
مغوار الغربيه
Mystery / Thrillerمرحبًا عزيزي القارئ، هل يتوهم لي الآن، أو انتَ بالفعل بدأت الآن بفتح قيود هذهِ الرواية لتفهم ما بهِ هذا الحر؟ لكن عليك الأكمال معنا حدَّ النهاية، ولا تخون عهدك بفتح قيودها،وتتكلم هذهِ القيود عن حرٍ ينشأ في عالم القيود، في عالم قاتلين للحُرية، لا...
