🕊️♥️
#مغوار _الغربيه
#.الكاتبة:-الـميار
Inst:-mayar23.o
لا تنسون التصويت+ وتعليقاتكم الحلوة مثلكم🕊️♥️
رغم كل هذهِ الخُدوش الداخلية فيك
ما زلتَ تضحكُ ..
تُواسي..
تسألُ ..
تهتمُ
تصنعُ الكثير والكثير لأجلهم
تُراعي مشاعر الجميع حَولك
تحذرُ طيلة الوقت بأن لا ينتبه أحدهُم
لحقيقة ما يجري بداخلك
أما زلتَ تظن بأنّك مُجرد إنسان عادي؟
-النار گبت ورانا فز ابوي يركض ميشوف شي من الدخان حتى مايگدر يحجي بس يگح اني جمدت بمكاني بألف ياا علي طفت النار يجيب مي ابوي ويطفي ورا ماطفت ابوي يركض منا ويرجع منا يدور على امي عباله هي الي احترگت
بعدين انتبهت عليها يم الباب واگفه وصافنه علينه
-بويه هاي امي هاي تعال
-وينها ولچ ماشوف من الدخان
-شافها ركض عليها يتفحصها خايف عليها وهي ماكو صنم ودحگ عليه بحقد
-شنو الي احترگ سميره گلبي وگف حسبالي انتي
ماري:-اجت عليه وأبوي صار بيناتنه
سميره:-هل مره حرگت هدومچ كلها المره الثانيه احرگج لعد اني انضرب من وراج سهله يبت ابوچ
جابر:-ياا مرا احترمي الواگف فوگ راسچ شهل صلافه شنو هل حقد الي بگلبچ على ضناچ
ماري:-عوفها يابه عوفها گلبها مايحن لو تحچي لباچر والأ اكو ام هيچ تسوي تردين تحرگين بنتچ
-واني احچي خنگتني العبره احس طاقتي خلصت وياها ادحگ ثيابي كلها محترگه شكو شي عزيز عليه جابته من خانتي وحرگته شنو هل حقد الي شايلته هل مرا صدگ گلبي خاف منها اتوقع اي شي منها بل ايام الجايه .
جابر:-ادحگ على ماري عيونها مغورگه وعينها على غراضها الي احترگت ادحگ على سميره ودها تاكل بنتها من الحقد يول شنو من أم هاي
-ماري بويه تعالي وياي
اخذتها لغرفتها حاولت ارضيها
-يبويه امج هاي ساعة عصبيه الشيطان شاطر وضحك عليها والا وين اكو ام هيج تسوي
:-انفجرت بكل ماعندي طاقه ودموع
لا اكو ام هيج وأمي اكبر دليل
گعدتني من المدرسه وماحچيت
شمرت اخواني من زغيرهم لچبيرهم عليه وماتفكر بيهم واني گلبي معلول علمودهم اركض منا وارجع منا بس كون الحگ بل شغل
حسره عليه النومه تجي بكل طاقه تضربني وتسحلني اختي الصغيره تبچي تريدها تريد امها وهي ماكو ولا تحس ولا تنشد عليها
تبعتتت من امي تبعت شنو تريد مني ليش هيچ.كسرت ضهري
:-اهدي يبويه اهدي كافي عيونج راح تنعمي من البجي كافي
:-خاف اني مو بتكم خاف امي احد شامرني عليكم احچولي گلولي حتى اعرف روحي ليش يوميه اگعد الصبح اتأمل اشوف امي تضحكلي تسولف وياي تگعد تتريگ ويانا يوميه اگعد بأمل امي اليوم زينه وياي تعبت واني انتظرها
أنت تقرأ
مغوار الغربيه
Misteri / Thrillerمرحبًا عزيزي القارئ، هل يتوهم لي الآن، أو انتَ بالفعل بدأت الآن بفتح قيود هذهِ الرواية لتفهم ما بهِ هذا الحر؟ لكن عليك الأكمال معنا حدَّ النهاية، ولا تخون عهدك بفتح قيودها،وتتكلم هذهِ القيود عن حرٍ ينشأ في عالم القيود، في عالم قاتلين للحُرية، لا...
