روايـة الحُب المحظور

الـحلقـة الأولى

الحُب المحظور "
شن يعني ؟ كيف يقدر يحب شخص و هو محظور عليه الحُب كيف يقدر يتعايش مع حُب مستحيل يكون اصلا ، الحُب مش ضروري يكون بين ولد و بنت أحيانا شخص يكون محظور عليه حب عائلته أصحابه و الأصعب وقت يكون محظور عليه حُب نفسه هل يجي يوم و تنفك هذي العقد !
هل الحُب يشفي الانسان أو الوقت بروحه كفيل بهذا الشيء .

الـحلقة الأولـى

إلياس : يا حشمتي و يا عاري دكتور و نسيق في حوش مش كان نديروا شغاله وربي نخلصها سنويًا

جميلة : كمل تسيق و سكر فمك ، و سمعت صوت تكسير شن طيحت يا زيد ولله كان كسرت ماعيني لما نكسرك باهي

زيد خايف : لا لا هذا عمود فقري متعي تكسر ما تخافيش يا جمول جو فستري

معتصم : جمول شن رأيك نزوقلك جنان و نديروا اجواء زي عيت نوريه

الياس بعد ما كمل تسيق طاح ع صالون من تعب : قدام ناس من شموخ لين ادوخ و واقع ستات بيت

جميلة : اه يا ميمتي صغاري طلعو عاقين ما عرفتش نربي

سالم و زيد و معتصم و الياس مع بعض : غدوا تحطوني زي دار عجزة و بوكم يأخد مرأه تانيه و يلوحكم في شارع و تقعدو بلا ام يا ناري

جميله نشبحلهم بفرح : حافظين الدرس ضمو وانتم ساكتين

زيد حضن امه : قوليلي يا جمول ما تبيش كنة تساعدك و تقيم الحوش بدلك

جميله : ابعد عليا غادي كان بنزوج بنزوج الياس كان هذا اقعدو الياس هو الكبير

إلياس مجرد ما ذكرت سيرة زواج سكتت و اذكر اللي صار : اني عاجبني حالي و عاجبني كل يوم تسيق الحوش

معتصم : نديروا سكب على إلياس زوجيني اني لأروي

جميله : أنت كان تتبث على وحده حتى شرع ربي فته يا وليدي برا شوف طنجره قبل ما تنحرق برا خير ما بوك يروح يقلبها على روسنا

جميلة مرت وليد
صغارها إلياس م88 دكتور خارج الخدمة
معتصم : م90 مهندس
زيد : م92 يقرا اقتصاد ادراة اعمال
سالم : م94 يقرا قانون لكن موقف سنةً ثالثة

في كندا 🇨🇦
تحديدًا تورونتو

البنت الليبيه ازهار مركزه في ملامح يوسف الرجوليه اللي واضح عليها القوة و الحزم و الهدوء : امتى ح ترجع لليبيا ؟

يوسف ماسك الابتوب و مركز : مش راجع

ازهار تحاول اقرب منه : بابا قال حيفتح فرع في ليبيا و قال نمسكوه اني وياك و ح يكون اكبر فرع في ليبيا

يوسف بحزم : مانبيش نمسك شيء

أزهار سـكـرت لابتوب : ممكن تركز معاي يوسف هذي فرصه ليك و ليا و يمكن تقدر تفتح فرع خاص بيك فكر شوي