🥂𝑫𝒆𝒂𝒓 𝑭𝒖𝒕𝒖𝒓𝒆 𝑯𝒖𝒔𝒃𝒂𝒏𝒅༄ⓈⒿ

Episode 1

ទីក្រុងឆើតឆាយ ភ្លើងពណ៌រត់ខ្វាត់ខ្វែងពេញក្លឹបរាត្រីមួយកន្លែងកណ្ដាលទីក្រុង។ ក្លឹបរាត្រីនេះមានម្ចាស់ជាកូនសេដ្ឋីនីដែលមាន កេរ្តិ៍ឈ្មោះល្បីល្បាញរន្ទឺ តែក៏មានរឿងអាស្រូវមិនតិចពីសំណាក់កូនប្រុសទោលតែមួយដែលបង្កបញ្ហាចូលមកមិនលោះមួយថ្ងៃ។ ទំព័រកាសែត ទស្សនាវដ្ដី ទូរទស្សន៍ តាមប្រព័ន្ធបណ្ដាញសង្គមគឺកូនប្រុសរបស់គាត់នេះហើយឈរនៅលំដាប់ទី១គ្រប់ទំព័រមុខ
ម្នាក់នោះគឺ Sunghoon Adrian ជាកូនប្រុសទោលតែម្នាក់គត់របស់លោកជំទាវ Yuna Adianដែលម៉ាក់របស់គេជាជនជាតិកូរ៉េ ប៉ារបស់គេជាជនជាតិ អ៊ីតាលី។ បច្ចុប្បន្នជាចៅប្រុសសំណព្វចិត្តរបស់ត្រកូល Adrian អ្វីដែលនាយចង់បាន សុទ្ធតែយកបានទាំងអស់មិនថាលុយ ឡាន ផ្ទះ ក្លឹប នោះទេ គ្មាននរណាអាចហាមឃាត់នាយបានឡើយក្រៅពីម៉ាក់របស់គេនិងលោកតា

«អ្នកប្រុស ស៊ុង!! ថ្ងៃនេះលោកជំទាវខលមកអោយអ្នកប្រុសចូលទៅជួបនៅការិយាល័យព្រោះមានរឿងសំខាន់»នាយជំនិតដើរចូលមករកនាយចៅហ្វាយមុននិងប្រគល់Laptopអោយនាយកម្លោះត្រួតពិនិត្យការងារ

«ខលប្រាប់ម៉ាក់យើងទៅ ល្ងាចយើងនិងទៅជួបគាត់នៅផ្ទះ ព្រឹកនេះយើងរវល់»នាយកម្លោះយកLaptopមកចុចមើលការងារមុននិងបញ្ជាអោយកូនចៅខលទៅប្រាប់ម៉ាក់នាយវិញ មួយរយៈនេះគេរវល់ណាស់គ្មានពេលចង់ជួបនរណាទេ

«មិនបានទេអ្នកប្រុស, លោកជំទាវបានព្រមានថាបើអ្នកប្រុសមិនទៅ ក្លឹបមួយនេះនិងបិទចោលភ្លាមៗ»

«នេះ ម៉ាក់យើងចង់លែងស្អីទៀត!! ធុញណាស់ ទៅក៏ទៅ»នាយចងចញ្ចើមចូលគ្នាមុននិងបោះ laptop លើតុលឺតែព្រូសដោយការធុញហប់ជាខ្លាំង។ នាយកម្លោះក៏ជំហានទៅរកឡានដោយមានកូនចៅអមសងខាងដោយអំណាច

ឡានទំនើបម៉ាក BMWស៊េរីចុងក្រោយបានធ្វើដំណើរចេញពីក្លឹបរាត្រីឆ្ពោះទៅក្រុមហ៊ុន Golden Lion ♌🦁
សន្តិសុខនៅច្រកផ្លូវចូលរបងមុខក្រុមហ៊ុនគ្រាន់តែឃើញឡានរបស់គេពីចម្ងាយភ្លាមក៏ចុចតេឡេបញ្ជាអោយបើកយ៉ាងឆាប់រហ័សមិនធ្វើអោយនាយខ្នក់ចិត្តឡើយ
ឡានស៊េរីទំនើបបានចុះចតនៅពីមុខក្រុមហ៊ុនទាំងមូលដោយមានអង្គរក្ស5នាក់ឈរតម្រៀបគ្នាខាងមុខឡាននាយ អង្គរក្សម្នាក់ក៏បើកទ្វារឡានអោយកម្លោះរូបសង្ហារចុះមកជាមួយនិងអាវសសាច់ក្រណាត់ នាយបក់ដៃដេញអោយអង្គរក្សទៅសម្រាកសិនមុននិងបោះជំហានចូលក្រុមហ៊ុនដោយដំណើរហំហួនជាអ្នកប្រុសនៃត្រកូលអភិជនសមជាបុរសដែលនារីៗប្រាថ្នា