"بيت رامي"
هزت رجلها بتوتر ترفع يدها لفمها تعض اظافرها بتوتر تشوف الابتوب قدامها تنتظر قبولها باالمستشفى الي قدمت عليه والقسم الي هي تبيه وقف رامي خلفها يحط يده على كتفها تلف له توقف تحضنه: يبُه متوتره تكفى شوف عني مابي اشوف!
ابتسمت ايلام تتقدم تحضنها تنطق: بتنقبلين ان شاء الله ادعي ربك بس!
لفت وراها تنطق بتوتر: وين أسر ابيه تكفون!
لقت للباب من دخل أسر تترك ابوها تركض تحضنه تنطق: أسر تكفى تعال شوف نتيجه القبول بدالي وعلمني تكفى!
شد عليها أسر يمسح على راسها: لا تقولين تكفى وابشري
ابعدها يمسك يدها يتقدم امام الابتوب يشوفها مغمضه عيونها اخذ الابتوب من الطاوله يحطه على رجوله يحدث الصفحه وسرعان ماتغيرت ملامحه ناظرت ملامحه أسيل توقف تهز راسها باالنفي: ماانقبلت صح! قول أسر عادي!
رفع نظره لها يهز راسه باالنفي: للأسف!
تجمعت الدموع بعيونها يتقدم رامي يحضنها وشدت عليه تبكي تنطق: يبه ماانقبلت يبه!
تقدمت ايلام تاخذها لحضنها تنطق: خيره يايمه خيره!
بكت أسيل ووقف أسر يتقدم يسحبها من حضن ايلام يحضنها وانحنى لاأذنها يهمس: للأسف كذبت عليك مبروك عليك يروح اخوك انقبلتي!
ابتعدت عنه بسرعه ترفع نظرها له ترجع للخلف تنطق: كذاب!؟
لفت بسرعه لابتوب تاخذه تبدأ تقرأ المكتوب وسرعان ماصرخت تضحك: انقبلتت!
ضحك أسر وتقدمت تضرب صدره تنطق: كذاب أسر خير!
ضحك يسحبها لحضنه بنطق: بتشتغلين معي بنفس المستشفى!
ابتعدت عنه تضحك بسعاده وتقدمت تحضن ايلام بقوه تشد عليها وابتعدت عنها تحضن رامي الي ضحك ورفعت جوالها من وصلتها رساله تشوف موعد الدوام الي بيبدأ ل بعد يومين ترفع الجوال ل أسر تنطق: شوف
هز راسه باالايجاب وبحكم ان أسر انقبل من الدفعه الاولى عكس أسيل الي كانت من ضمن الدفعه الثانيه
ابتسم يهز راسه باالايجاب يهمس: مبروك عليك ياورعه!
ضحكت تضرب كتفه تنطق: خير انت الورع!
تجمعت الدموع بعيونها وتقدم يمسك وجهها بذهول ينطق وهو يضحك: ليه الدموع ليه
ضحكت تمسح دموعها بسرعه تنطق: فرحانه مرا أسر!
ضحك أسر يضمها ينطق: عاد حظك بعد يومين انا عندي مناوبه وبكون موجود لما تبدين!
ابتعدت عنه تلف بأنظارها لا ابوها وامها تنطق: بابا وماما ابي اروح عند موج!
ضحك رامي يهز راسه باالايجاب وكذلك ايلام وتقدم أسر يمسك كفها يسحبها ينطق: انا بوصلك!
ضحكت تغمز له: متأكد عشاني!
هز راسه باالنفي وهو يضحك يطلعون من البيت يركبون السياره يطلعون متوجهين لبيت اتاش.
"بيت اتاش"
نزلت موج بسرعه تنطق لين: شوي شوي يماما!
ضحكت موج بفرحه تنطق: ماما أسيل انقبلت بقسم الجراحه!
التفت غيث بسرعه من سمع طاريها يحس بشعور غريب معها لكنه يضن انه اعجاب فقط وبروح مع الايام ومشاعره لها ماعطها اهميه عقد حاجبه من وصلته رساله مكتوب فيها"وينك ياحبيبي مختفي!"
عض شفته بغيض يلتفت يطلع بسرعه من البيت قبل وصول أسيل لكن مع الاسف من طلع شاف سياره أسر امام البيت نزلت أسيل بهدوء تتعده تدخل لاالداخل وسرعان ماصرخت موج من شافتها وصرخت معها أسيل تنطق: انقبلتتت!
هزت راسها موج تتقدم تحضنها وهي تضحك تنطق: مبروك يروح روحي انتي!
شدت عليها أسيل تضحك: موج مرا مبسوطه!
لفت لباب من دخل اتاش تتقدم تحضنه تنطق: خالو انقبلت
ضحك اتاش يقبل راسها ينطق: مبروك ياروح خالو!
طلعت لين من المطبخ تتقدم لها تفتح يدها لها تنطق: أسيل!
تقدمت لها أسيل تحضنها: خالة انقبلت
هزت راسها لين وهي تضحك تمسح على شعرها: اعرف يروحي انتي مبروك والله يوفقك!
رفعت نظرها أسيل لموج وهي بحضن لين تنطق: ما شاء الله نشرتي الخبر!
ضحكت موج تهز راسها باالايجاب وابتسمت أسيل بخفه تتقدم موج تسحب كفها تنطق: لازم نحتفل بقبولك هذا لازم تعالي معي!
طلعو فوق وفتحت الباب موج ورفعت أسيل يدها لثغرها بذهول من الحفله الي مجهزتها لها موج تعض شفتها تنطق: متى أمداك تجهزي هذا كله؟
رفعت اناملها لخصلات شعرها تلعب فيها بدلع: عندي مصادر خاصه عرفت منها قبلك!
ضحكت أسيل لنها عرفت ان أسر وصل لها الخبر، تقدمت أسيل تحضنها تشد عليها موج وهمست أسيل: شكراً موج!
عقدت حاجبها موج تبعدها عن حضنها تنطق: لا تشكريني على شي سويته من قلبي ومن حبي لك أسيل انتي مو بنت عمتي انتي اختي وروحي بعد!
تجمعت الدموع بعيون أسيل تتقدم تحضنها تنطق: أحبك ياحيوانه والله أحبك!
ضحكت موج تنطق: اكثر يبعدي انتي اكثر
هي تحب أسيل اكثر من اي شي تشوف أسيل اختها الي ماجابتها امها لنها اقرب لها من روحها وتحبها اكثر من اي شي في الحياه.
