အရင်းနှီးဆုံး သူစိမ်း

အမှာစာ

" မင်္ဂလာပါ။ မတွေ့ရတာကြာပြီနော် "လို့ပဲ
စရေးလိုက်ပါတယ်။

ရှင်းအတွက်တော့ စာရေးခြင်းဆိုတဲ့ ဝါသနာက နေ့ခင်းအိပ်မက်တစ်ခုလို ဝိုးတဝါးဖြစ်နေခဲ့ပြီး ယောင်လို့တောင် ခြေဦးမလှည့်ဖြစ်ခဲ့တဲ့
နောက်တစ်နှစ်ပါပဲ။

ဒါပေမယ့် တစ်နှစ်တစ်ခါ ရေးဖြစ်ဖို့ အကြောင်းဖန်နေသေးတာကိုက ရှင်းအတွက်
ကံကောင်းထောက်မ တယ်လို့ပဲ ဆိုရမယ်
ထင်ပါတယ်။

ဟုတ်ပါတယ်။ ဒီနှစ်လည်း တစ်နှစ်တစ်ခါ
မိရှင်းပေါ်လာခဲ့ပါပြီ။

Heartbeat: 52 Hz ဆိုတဲ့ fundraising project လေးတစ်ခုကို အကြောင်းပြုပြီး
" အရင်းနှီးဆုံး သူစိမ်း " လေး
ပေါ်ပေါက်လာခဲ့တာပါ။

မရှုပ်တရှုပ် နေ့တဓူဝတွေမှာ အချိန်မပေးဖြစ်ခဲ့တဲ့ ဒီစာရေးခြင်းဝါသနာလေးအတွက်
သေချာလေး စိတ်နှစ်ပြီး ရေးခွင့်ရတဲ့အတွက်လည်း တကယ်ဝမ်းသာရတာပါပဲ။

Project လေးကို ဦးဆောင်အကောင်ထည်ဖော်ပြီး ပါဝင်ဖို့ ဖိတ်ခေါ်ပေးခဲ့တဲ့ Ursa ကိုရော project မှာ ပါဝင်ပေးခဲ့ကြတဲ့ စာရေးသူတွေရော စာဖတ်သူတွေအားလုံးကိုလည်း ကျေးဇူးအများကြီးတင်ပါတယ်။

စက်တင်ဘာရေစက်လို့ပဲပြောရမလား။
မနှစ်က ရေးဖြစ်ခဲ့တဲ့ Summer Rain ရော
ဒီနှစ် ရေးဖြစ်တဲ့ " အရင်းနှီးဆုံးသူစိမ်း "
ကိုပါ စက်တင်ဘာထဲမှာပဲ ရေးဖြစ်ခဲ့တယ်။

ဗျာများရင်း လည်ပတ်နေတဲ့ လတွေထဲမှာ ဒီလိုလလေးတစ်လတော့ နှစ်တိုင်း ရှိစေချင်တာပါပဲ။

ရေးနေကြ ချစ်ခြင်းမေတ္တာကြိုးလေးကိုပဲ
သီကုံးဖြစ်ထားတဲ့ " အရင်းနှီးဆုံး သူစိမ်း" လေးဟာ စာဖတ်သူတွေအတွက် တစ်ထောင့်တစ်နေရာကနေ ခံစားချက်တစ်စုံတစ်ရာပဲဖြစ်ဖြစ် ဖြစ်ပေါ်စေနိုင်မယ်လို့ မျှော်လင့်ပါတယ်။

အားလုံးပဲ ချစ်ခြင်းမေတ္တာအားဖြင့်
စိတ်ချမ်းမြေ့ကြည်လင်ကြပါစေရှင်။