العجمي //في منتصف الجيش

13 Bart

الكاتبة//سحر الجبوري
اتمنى يعجبكم البات او لا تنسون لايك او الومنت الحلوو

ـــــــــــــــــــــــــــــــــــــــــ♡ـــــــــــــــــــــــــــــــــــــ

ورا نص ساعه اجو الشباب صكر او صخر او فهد من المركز واضح على وجوهم التعب او الارهاق

_صكر:  مغاني وان

_ارسلاان: فوك بل غرفه هيه او البنات

صعد صكر لغرفت مغاني او هو واضح عليه التعب او الندم لأن شك اب اخته او هيه كالتله او اصرات انو يصدكه بس هوه جان نافي هاي لفكره

صعدت الدرج او يادوب اكدر اشيل رجلي اصعد الدرج وصلات مقابيل باب غرفت لبنات مادري شلون راح ابوع بوجه اختي كلش ضايج من نفسي او ضايج من السلوب الي عاملته بي دكيت لباب اجت سوسن فتحت الباب ضالت صافنه بوجي

_سوسن: ها تفضل

_اريد احجي ويا مغاني على نفراد

_تمام يله بنات خلي نطلع

_حوراء او جواهر: تمام

دخالت على مغاني لسه مامغيره ملابسه او اول ماشفتني وكفت تقربت عليه او حضنته بكل قوتي هيه ماحضنتني ضالت بس واكفه او ساكته

_مغاني اعرف اني غلطت وياج او شكيت بيج بس هاذا جان غلط ساعت شيطان

_صكر على ماعتقد ضاليت اتوسل بيك حتى تصدكني بس انت جنت تعاملني معالمت الچلب ولاهمك اختك صدكت لغريب او جذبت اختك

_مغاني اني اعترف انو غلطت بحقج او حقج عليه او اسف لأن شكيت بيج بس سامحيني

_افكر بل موضوع تمام

_مغااني لاتصطريني جاي اكلج صار سوء فهم ليش كل هاذا

_موقليل الي سويتو بيه او اهنيتني كدام اليسوه او المايسواه فوك هاذا كله زوجتني لواحد ماريده ولاهوه يريدني صكر اتحمالت اكثر من طاقتي اخويه على عيني او راسي

ضاليت صافن على كلام مغاني كل كلامه صحيح اني خذلته او جرحته ماجنت متوقع هيج تحجي مغاني بيوم لوحيده الي وصاني عليه ابوي او امي ماحطيته بصط عيني ماخلايت دموعه ينشفن بل عكس زيدت الدمع بعينه ماخلايته تعيش اليوم الي كل بنيه تتمنا او هيه فرحانه بس خلايت هاذا اليوم بل نسبه ئله اتعس يوم من يوم الي ا اتوفو امي او ابوي مغاني مارتاحت ولا شفته تضحك كل شوفتي ئله او تبجي لو مغندبه

_تمام مغاني براحتج فكري شويه

_احوول افكر اريد ارتاح لوسمحت

طلعت او سديت لباب وراي لتفتت لكيت سوسن واكفه على الباب او مكتفه أديه او تبوعلي اب حقد حتى سوسن كلبت عليه