رواية رجلان وجَديلة
للكاتبة Jawhara
ـــــــــــــــــــــ
هنوف عاطت من دفعها عالحايط وأيده كتمت حلكها ورجع فرك شفتها بين أصابعه يريد يعاقبها يريد يموتها يشرب من دمها اليوم ، خمشت شعره بقسوة تركها وتلفت بالغرفة يريد شي يكرمعها بي ( يضربها) شاف باكورة أبوه بسد الكنتور طفر اخذها ورفعها على هنوف
جساس بغضب مدمر رافع العصا / يولي منهو اللي مخلف نغولة ومايدري عنهم
ضربها على زندها بقسوة صرخت بالم وهجمت عليه وروحها شاغت / لا تبيض صفحتك وهي مفحمة صاير شريف براسي احترررم نفسك جساس وابعد عني والله اوصل خبر لاخوتي يشكون حلكك
جساس كضها من راسها ونكتها بيده بقوة وهي ايديها كلبشت بيده تريده بعدها صرخ بيها / انعل ابوج لابو اخوتج خل اشوف يا كواد يگرب لا انعل سلفاه
صرخت وعيونها تريد تطلع من محاجرها / والله احرك روحي إذا طخيت شعره من راسي لا عبالك تايهة لشكولاتك
جساس بعصبية رجع تلها بسرعه من راسها وقرب راسها وبفحيح غاضب / هذا انا وبيدي شعرج يلا شسويلي تكصين عي....
عاطت مشمئزة منه ومن كلمته وتقززت أكثر لأن قربه علها / حيواااان متخجل ماعليك عتب
صوت أبوه وعاه دفعها انضرب ظهرها بالكنتور
خزرها وعيونو جمر / عبالج انسى كلامج بأذني سمعتج يالخبيثة تحجين بالموبايل
عدلت حجابها ورجعت دلكت مكان ضربته بزندها نترب بعصبية من الوجع / أعلى ما بخيلك اركبه لو بيك خير احترم كول زوجة اخوية
تقدم بخطوتين سحبها من ذراعها وطلعها برا الغرفه صار أبوه بوجهه
جساس بثقة وتحفز وناوي يخربها ويكعد على تلتها / يبة ام ايمن مريتي اخذتها على سنة الله ورسوله ورقة عقدها عندي
الحجي بقى متبلهت ( مستغرب مصدوم) وعى لصريخ هنوف اللي تضرب جتف جساس ورجعت تلطم وجهها / جذااااب والله العظيم يجذذذب ، عمووو لا تصدكه هذا واحد ملعب وحيااال ، ولك ليش هيج تسوي بية ليش مو حرااااام عليك
ضربها على خدها بس خفيف / اصصصص انطمي ما اسمعلج حس
أخذ أبوه وطلعو للمضيف وعافو هنوف تصرخ وتلطم وحمواتها اربعتهن التمن عليها سمعن اخوهن شنو حجى وكل وحدة تريد تفهم كلامه صح او لا وهنوف تفتر بالبيت وتصرخ ادور على جهالها تريد تأخذهم وتنهزم
ــــــــــ
صوتووو وعلقو حتى تصعد الرواية ودوسوها للنجمة ⭐
أنت تقرأ
رجلان وجَديلة
Romanceستبحث كثيراً وسيرهقك البحث عن أنثى تشبهني ولن تجد، فقط تذكر قولي لك اليوم، بأنني امرأة لا تتكرر.
