رواية رجلان وجَديلة
للكاتبة Jawhara
قريبا إن شاء الله تعالى
بيدها قلم تنقر عالدفتر الموجود عالمكتب / اني حجيت لأن انتي بنت عمهم وتعرفين سوالفهم بالله شلون اقبل اتزوجه كل عقله هذا
/ شكو بيها بعدج شابة وحلوة واقلها يلم جهال اخوه
ذبت القلم من أيدها وتقربت بجسمها عالمكتب تنقهر وتضوج من تسمع هيج كلام / اني اتزوجه ؟!!! شنو تخبلت لج عيني هو بكل مكان عنده نخلة صاعدها تريدين اصير وحدة من نخلاته هه استحالة هالشي
/ ليش هيج تحجين عليه تشوهين سمعتو
ضحكت بسخرية / ابن عمج وتعرفينه ميحتاج اشوه سمعته ، يمعودة اسالي عليه بالفوج وجنوده يحجون
/ ست هنوف مابيها شي اذا فكرتي
هنوف بغيض واضح بملامح وجهها / مستحيل اتزوج جساس الا اذا عقلي ضرب
سكتت بعدما رن جرس الفرصة واستاذنت ندى معلمة التمهيدي وطلعت من غرفة الإدارة وبيدها موبايلها اتصلت على جساس ، راحت وكفت عد الحديقه اللي تقسم جهة غرف الإدارة عن غرف الصفوف
ندى بصوت ناصي بعدما انفتح خط سلمت وبعدها / حجيت وياها ورافضة الموضوع اصلا متفكر بالزواج
جساس وهو يمد رجله وبسطاله الجلد الحنائي عالطبلة رد بصوت فخم / كلتيلها التريدو يجرالها
ندى بهدوء / ابن عمي ماتقبل شسوي
جساس وعيونه مليانه غضب بسبب الرفض / هين انزل هالاسبوع وانا اعرف شلون اتصرف وية ام خشم اليابس
ندى بحذر / يخوي خلها بحالها اللي شافته مو قليل
جساس وكف وأيده بحزام بدلته العسكرية فتح جراب سلاحه وذبه عالمكتب / وليدات اخوي ما يباتون عدها الليلة وخل يفيدها التعنطز
ندى وگلبها انخلع لأن تعرفه من يطكن براسو / ايمن رابي عدكم هو بس انس عدها ترى خطية هم حقها ليش هيج تريد تحرگ گلبها
ضيكت عيونها عالشاشة سده بوجهها جرت تنهيدة طويله والتفتت اجت عينها بعين هنوف اللي واكفه بداية الممر اللي يودي للحديقة
ـــــــــــــ
جساس سيطر على أعصابه وهو يتنهد بقوة اتصل على ايمن ابن اخوه الله يرحمه هذا رايي عدهم بالبيت ما لحك امو عمره عشر سنين يروح ايام عدها بس يرجع لبيت جده بس اخوه انس عمرو سبع سنين وياها
سلم عليه / هلا يبة ايمن شلونك يعيون عمك
ايمن / أنا زين الحمدلله شوكت تنزل جدي يكول عدكم انذار ويطول
جساس بحب / مشتاگ لعمك يوول
ايمن بفرحة / ايييه چثير والله
جساس / يحبيبي لعيونك باجر نازل واونسك ونسة فول
ايمن / نطلع للصيد اروح اعاين السلگ ( سلوقي ، السلق كلاب صيد) عمتي أميرة تكول خلهن بمحبسهن
جساس فرحان لفرحة ايمن / دروح شوفهن تطمن عليهن وارجع يلا يالبطل
سده وتنهد هو مقرر يسوي اللي على باله
رفع موبايله من رن ، ضيك حاجبه فتح خط
جساس وقبل ما يسمع حرف نتر / شعندج متصلة مو كلتلج انجعمي بمكانج وانا اجي حد بيتج لو هي دودة تكرص بيج
هدى / اووي شبيك جساس هو هذا حجي صوجي متصلة اتطمن عليك
جساس/ الف مرة اكلج أنا اجي لا تخابرين بس عگلج مجيم يلا سدي لا اسدو بوجهج
هدى / خوش ، بس مو تجي ادور وتحظن والله ولا انفهلك
جساس بغضب / بنت مشعول الصفحة مانة علية بنت الحذي ( الحذاء) خل انزل وانا اكضج الا افين حظج
ـــــــــــــــــــــ
قريبا يتم التنزيل إذا شفت قراءات وتصويت عليها
صوتو وعلقوا چثير خل اشوف صعود الرواية
لا تنسون دوسو النجمة ⭐
أنت تقرأ
رجلان وجَديلة
Romanceستبحث كثيراً وسيرهقك البحث عن أنثى تشبهني ولن تجد، فقط تذكر قولي لك اليوم، بأنني امرأة لا تتكرر.
