حبيتك من بينهم كلهم واخترتك من بينهم كلهم

Part 17

جت شوق وهي تصحي نجد
شوق: نجد نجد
نجد بنوم: هاااا
شوق : بسرعه قوميييييي
نجد قامت وهي منخرعه : ها وشو
شوق: الان الضهر ، وجدي قال اليوم شوفتك انتي وناصر —————————————————————————————————————
سالم دخل على ناصر و هو يقومه
سالم: ولد ولد قم قامت قيامتك
ناصر بنوم: شتبي اطلع وسكر الباب
سالم : ولد قم اليوم شوفتك انت ونجد قم اخلص
ناصر قام و رجع رقد
سالم راح و كب على ناصر مويه بارده
ناصر قام و صفقه بالمخده : انقلع برا
سالم: جدي يقول اليوم شوفتك انت ونجد و تجهز لأن الشوفه بالعصر
ناصر: طيب طس
—————————————————————————————————————
شوق: الان الضهر ، وجدي قال اليوم شوفتك الي وناصر
نجد قامت مفزوعه و شوق تضحك عليها نزلت شوق و نجد قامت طلعت تبي تدخل الحمام الا تصقع بواحد
ناضرته و لقته ناصر دفته و فتحت باب الحمام ببرود و دخلت وسكرت الباب
وناصر منصدم يناضرها راح ناصر الغرفه وسكر الباب شوي وطلع دق الباب مافي صوت دخل الحمام {الله يكرم القارئ}
في غرفه نجد بدلت ملابسها و حطت كريم للوجه و بلشر خفيف و مسكرا و قلوس
نزلت تحت نجد و سوت لها قهوه بارده كلعاده و جلست بالصاله و قعدت على جوالها شوي و نزل ناصر وسالم
نجد همست لشوق : كنهم هم العرسان سلامات
انفجرت شوق تضحك و هم يناضرونها بأستغراب
سالم: وشفيكم ؟
شوق: انتم العرسان ؟
ناصر بصدمه: تعقبين
و نجد ميته ضحك تتشمت فيهم قعدو يسولفون
نجد: ناصر
ناصر: سمي
نجد ابتسمت: سم الله عدوك اسمع ، تتذكر يوم قعدنا قبل كم يوم و لعبنا اونو
ناصر: ايه ؟
نجد: تراك ما رجعتها و الان بنلعب اونو وينها ؟
ناصر: بالدرج الي جنب الدولاب
نجد : طيب
رقت نجد فوق وقعدت تدورها ما لقتها
نجد بنرفزه: ناصرررر وينها حشى ، وين حطها ذا الثور
جاء ناصر : شلون ما لقيتيها
نجد تخصرت: يلا وينها دورها
ضحك ناصر و فتح الدرج و لقاها و ناضر نجد
نجد؛ مشكلتك انت قلت الي جنب الدولاب و طلعت نزلت تحت
جاء العصر و الجد قال اليوم شوفت نجد وناصر
نجد ما قالت شي و لبست بلوفر وردي و بنطلون اسود
اما ناصر لبي ثوب اسود طلعو و شافتهم العمه نوره : سلامات رايحين عزا
نجد: عمه فال الله ولا فالك
ناصر ضحك من طريقه كلامها
نجد: خلاص ياخوي اذلف المجلس
ناصر بهمس: المرّ تقول لزوجها كذا الله يستر ذي بدايتها
نجد وهي تلف متجهه للمطبخ: سمعتك
ناصر ابتسم و دخل المجلس
نجد: وين العصير بالله ، ولا تصدقون مب لازم
راحت دخلت بدون عصير
ناصر : حشى وين العصير
نجد: بذمتي انك مشفوح ، ما تستاهل وجـ
ما كملت كلامها الا و الخدامه داخله ر بيدها العصير
انفجر ناصر يضحك
و نجد منغبنه و بنفس الوقت مقهوره : اذلفي برا طسي
و رمت على ناصر المخده
سكت ناصر و قعد يناضرها
نجد قعدت على الكنب و تربعت: شف انا عندي شروط اذا ما وافقت دزها بطلقك
ناصر ضحك: ايوه يا انسه نجد وش شروطك
نجد: اولاً لو سمحت ابغا بيت لحالي مابي اشوف وجيه تسد النفس من صباح الله خير
ناصر: ايوا
نجد كملت: و ابي خدامه
{المشكله تجيب شروط المفروض و لازم يسويها الزوج 💔}
ناصر: طيب بدل الخدامه خدامتين
نجد: لاااااا ، ابي وحده
ناصر: خلصتي ؟
نجد: اممممم ، اي على طاري الحمل مابي احمل الا بعد ثلاث سنوات
ناصر رفع حاجبه: ايوه اي ان شاءالله
نجد قامت تبي تطلع
سحبها ناصر من يدها و همس بأذنها : نشوف الحمل بعد ثلاث سنوات ولا ثلاث ايام
نجد انصدمت : تعقب و تخسى يا ما كملت كلامها
الا ناصر قبلّها بثغرها
نجد صفقت ناصر كف وطلعت وهي مغبونه منه
{ابوها من رومنسيه}