غصون كانت لسه هتتكلم بس قاطعها يونس و هو بيتكلم بحده
= بتعملي اجها.ض هناا و لا نشوف دكتوره تانيه!!!!
غصون بصتله بصدمه كبيره و دموعها نزلت بتلقائية و هي بتحط ايديها على بطنها بخوف
اتكلمت بدموع
= يونس انت بتقول ايه!!!
اكيد هنلاقي حل و هناخد احتياطتنا
بصلها بجمود عكس اللي جواه من حزن و الم و اتكلم بنفس الحده
= مسمعتش ردك على سؤالي يا دكتوره
اتكلمت الدكتورة بهدوء
= بعمل بس لو الطرفيين موافقين
كملت و هي بتطلع الاقرار من درج مكتبها
= امضولي على الاقرار دا و تيجوا بكره عشان نعملها
غصون كانت قاعدة و هي مش مستوعبه الكلام اللي بيتقال قدامها
حاسه انها في كابوس نفسها تصحى منه
مش مصدقه انه قدر ينطقها و انه فعلا عايز يموت... ابنه!!!!
قامت وقفت و اتكلمت بغضب ممزوج ببكائها
= بس انا مش موافقه
انا مستحيل اسمح بحاجة زي كدا و هكمل الحمل حتى لو فيه خطوره.... على حياتي و بعدين انتي مجرد سبب و مش هيحصل غير اللي ربنا عايزاه
قالت كلامها و طلعت من الاوضه بسرعه و هي متجاهله يونس اللي كان قاعد بيبصلها بحده
اتكلم يونس بهدوء و هو بياخد الاقرار
= بكره الاقرار هيكون عندك و عليه امضتنا احنا الاتنين
قال كلامه و خرج ورا غصون بسرعه
نزل وراها جري و لحقها قدام باب العماره
اتكلم بحده و هو بيمسك معصم ايديها
= هو ايه اللي انتي عاملتيه فوق دا!!!!
بقلمي يارا عبدالعزيز
اتكلمت بغضب و هي بتبعد ايديها عنه
= انا اللي المفروض اسألك السؤال دا
انت ايه اللي قولته دا
انت بجد موافق على موضوع الإجهاض.. دا قدرت تنطقها!!!!!
انت في عقلك يا يونس!!!
اتكلم بغضب
= و انتي مسمعتيش هي قالت ايه
غصون الولد احنا نقدر نعوضه انما انتي لو حصلك حاجه انا هيحصل فيااا ايه
انا مش عايز ولاد انا عايزاك انتي غصون انا مقدرش اعيش من غيرك مش هقدر استحمل انك تكوني في خطر... بسبب الحمل داا
هزيت راسها بغضب و اتكلمت بحده
= و انا مش هتراجع عن قراري يا يونس و الاقرار دا انا مش همضي عليه
و لو انت هتستسلم بالسهوله دي انا مش هستسلم و مش عايزة منك اي مسااعده اعتبريني مش موجوده لحد اما اولد
قالت كلامها و دخلت جوا العربيه و قعدت في الكنبه اللي ورا
دخل وراها و بصلها بغضب و طلع بعربيته
وصلوا قدام باب الڤيلا اتكلم يونس بحده
= انزلي انتي انا هروح مشوار و جاي
ابتسمت بسخريه و اتكلمت بحزن
= ماما كان معاها حق
انا بجد ندمانه اني جيت معاك يا يونس من سااعه ما جاينا و انت بعيد عني و دلوقتي بكل سهوله بتتخلى عني و انت عارف انا اد ايه محتاجك روح مكان ما انت عايز و حتى لو مرجعتش مش هتفرق انت اصلا عمرك ما كنت معاايا
