مُلتقى جديد
لا تنسون التصويت + تعليق حلو يشجعني استمر
قناة التلي @hajerhadel
انستا dorj __32
وَ أيضاً
dh_ el53
لقد زرعوا فينا خذلاناً، نخشى بعده كل يد تمتد إلينا وإن كانت صادقة..!
....
مكان واسع على شڪل حديقه بس فارغه وضلام دامس أسود كَسواد أيامي.، ألتفتت واني اجحض عيوني بخوف وصَدمه ڪان ڪلب اسود شكله مرعب وَ فجأه. صارت دائره من النار اني والڪلب بداخلها وصارت تحرق كلشيء حولي اصرخ وابجي وبعد كل صرخه يعلى نباح الكلب،. بجيت أڪثر وَ اني اشوف عمو خالـد وشخصين مو واضحه ملامحهم بس ڪانو مقيدين بـأغلال تلهب بنار نسيت كلشيء حولي وركزت بيهم ركضت حتى اعبر النار وَ نسحبت بقوه وايدين تقيدني
وهمس بأذني بفحيح
_ جَحيـم حقـيقي قادم..
_ جَحيـم خلصني ساعدني
وفزيت ارجف وشفايفي يابسه مسحت وجهي وَ أتعوذ من الشيطان وايدي على ڪلبي أحساس مو حلو وَ مخنوڪه خايفه لان أحساسي مايخيب تمنيت هذه المره غير ويخيب احساسي،. لكن عبثاً!
كمت من مكاني اشوف ساعة تلفوني كانت ساعه 6 الصبح نزلت للمطبخ اشرب مي لان خلص الي بغرفتي،، فتحت البراد وأخذت المي اشرب سديت البراد وَ شهڪت بخوف ايدي لا أرادي صارت على صدري
_ أسم الله، يمعوده شبيـج شنــوَ شفتي جني
دَيلان _ هـو هيـج كالوها غير تحجي تكول جان متت
_ لا ما تموتين لا تڪبرين السالفه، وَ بعدين شعرفني أنتِ هنا
دَيلان _ شنــوَ شنــوَ أڪبر السالفه شبيـك ڪالب خلقتك بوجهي مُتيم..
مُتيم _ هسه شكلت انه يا حجايه ردي بمكانج
دَيلان _ اي هيـج احسن
هز ايده وسحب كرسي كعد واني عود اسكت أكيد لا شلون هيـج تجاهلني! تخصرت وكلت
دَيلان _ أووي عيني تهز ايدك عليه شنــوَ ما عاجبك..
رمقني بنضره و رد
مُتيم _ يـا صبر أيوب دَيلان اني تعبان وَ ما نايم لو تسكتين وتڪعدين لو تتفضلين
كمل ڪلامه وهو يأشر بأتجاه الباب.،
دَيلان _ تمام تمام سكتت،، زين تريد جاي ريوك
مُتيم _ بس جاي
هزيت رأسيّ بـ اي وَ حضرت الجاي بس افڪاري مُشتَّته
التفتت الـه ڪان شابك اصابع ايدي وشارد
_ مُتيم
همهم الي حتى أكمل
_ مادام الڪل نايم اريد احجي وياك
_ امم
_ ليـش شمم ما تعرفك.
التفت الي وعيونه بيهن لمعه غريبه،. جَميله مُختِلفه،. مُثيِره.، تجبرني اتعمق واعرف شنو داخل هذا القاع العميق المُظلم
_ ألمهم انه اعرفها
أنت تقرأ
في اعماق البحر
Короткий рассказقصه من واقعنا من احد الازقه والاحياء مروراً بالمنازل نغوص ونبحر في روايه جديده جميله مختلفه كانت تهرب له عند خوفها وتهلع له عند ضجيجها لكن ما فعله بها دمرها وكان لها جحيم حقيقي وترك في روحها ندبه لا يمكن الخلاص منها فهل ستهرب له مجددا ام لا ابي...
