ومازلت اتذكر .. صوت امي تصرخ
صرخات امي تندب والدي .. تبكي وتصرخ
قاتل ابي هرب .. دون عقاب .. هذا عار لدى عائلتي
كانه بالامس قد حدث كل شئ الحزن العذاب كل ماحدث لنا بعد ذلك ..
ام ميار: ميار جيبي المشط دمشطلج
اووف الله يرحم ابوج اليوم السنويه مالته لو عندي ولد جان هسه ماخذ بثار ابوج ومجان خله عمامج ياخذون الورث ويكولون البنت متورث 😞
ميار:لاتزعلين ماما اني راح اخذ ثار ابويه وارجع فلوس بابا كلياتهم
ام ميار:اووف لله يحفظج الي بنتي انتي الي بقيتيلي من ريحه ابوج
ميار: ماما ليش كتلو بابا
ام ميار: يمه ابوج جان اكبر واحد من اخوانه والمنطقه كلها تحبه وتحترمه بس الله لاينطي جان واحد سرسري بالمنطقه ابوج راد يصلح حاله الولد اجه وكتل ابوج وباك فلوس البجيبه
ميار: وين راح الكتل بابا
ام ميار: انهزم ناس تكول سافر للخارج وناس تكول مات
ميار: تربيت طول حياتي وانا اسمع تلك القصه حفظت كل حرف بها كل ليله افكر بقاتل ابي كبرت وانا اسأل عن من دمر حياتي بداخلي بركان من الحقد كنت مستعده ان اقتل ذلك الذي حطم قلب والدتي من حرمني من ابي من جعلني اعيش تحت رحمه خالي وزوجته 😠
ميار: كنت اعيش مع بيت خالي .. بيت خالي عدهم ولد واحد اكبر مني بسنه اسمه (رائد ) شاب طيب بس كنت اعتبره اخوي لان تربيت وياه
ميار: ولحسن حضي خالي حصل لجوء للسويد ورائد مقبل يعوفنه بالعراق دز علينه هناك يمكن رب العاللمين جان يريد يساعدني
رائد:ميار ميمو تعاي
ميار: جيت شكو
رائد :محضرلج مفاجأه
ميار:شنو شكو ..ً جر ايدي رائد طلعني بره
رائد: غمضي عينج يله
ميار:والله مخبل شكو
رائد:شوفي ...
ميار:سياره هاي المن ؟؟
رائد :الج راح اعلمج تسوقين
ميار:رائد جان كلشي يسويلي دللني هواي واعرف بيه يحبني بس اني اعتبره اخويه امي تحب رائد وتتمنه ازوجه حتى تطمئن عليه ... كملت الاعداديه ودخلت للجامعه دخلت حقوق (قانون)
هناك صدف قد تغير مستقبلك كله قد توجه حياتك لاتجاه مختلف تماما عما كنت تضنه
دخلت للكليه ، اول مره اشوف هيج مكان الكليه فدشي حلوه كلها حدايق كانو بغير عالم اوووف حرامات العراق مو هيج
رائد:ميار تعالي
ميار:رائد خايفه حييل
رائد:هههه فديتج تعالي حخليهم يدلوج ع القسم
