___________الحب "الأبيض"__________
﷽
- ݕجَݛحي آݪݪڪآڪ ݦۅ ۅيآي .
عـلـي:-فـاطمة انتِ طالگ طالگ طالگ
فاتحـه عيوني مَصدومه رجف گلـبي بقَهر هوه يباوعلي بعتاب ظليت ما اسيطر على وكفتي عثرت ردت اوكع بس سلوى لزمتني هوه دخل للغرفه وسد الباب بعصبيه ، إريد انطق كلمه بس مجاي اكدر
جريت نفس طويل وكلت
فـاطـمة:- سلوى وديني لبيت اهلي
هـزت راسهـا موافقه طلعت من البيت ولكـل مكانـه مصدوم ، دخلت للبيت ولا واحد موجود بس خديجه دخلتني لغرفتي وكالت
سـلوى :: فـاطـمة ليش ستعجلتي بقرارج هذا ليش شوفي وين وصلتي بيا حال
- سـلوى علي خايني
- وليش مصدكه انو هوه خاينج
- سمعتـه بذني سلوى سمعته بذنـي
- صدكينـي ما خاينـج
- لعـد منو جان يحجـي ويـاها ممكن تكليلي؟
ارتبـگت وما حجـت ابـد عَـافتنـي وطلعت من الغـرفه واني لميت رجليه لصدري وضليت بس ابـجي واشهگ معقوله علي يخوني؟ ليش هيج يسوي بيه توقعته من الكـل الا علي ، مقهوره وبس ابجي صحيح اني كتله طـلگنـي بس ما توقعتـه راح يطلكني بس هـوه لو يحبني صدك چا ما طلكني ، اني حبيت عَـلي اكثر من روحـي صحيح ما ابينله حبي اله بس حبيـته كلش كلش....
سـلوى :: اول ما دخلت للبيت صـار عباره عن صياح واسـمع صوت من غـرفه عَـلـي صـوت تكسيـر ركضت بتجاه غرفتـه افتح الباب بس طلع قافله ضليت ادك بـالبـاب
- عـلـي حـباب افـتح لبـاب لا يصيـر بيك شي
ما رد ضليت ادك حيـل شوي وصـار هدوء بعد ما سمعت صـوت من غرفه عَـلي رجـف گـلـبي بخـوف يمكـن صار بيـه شي ضليت ادك بـالبـاب واصيح عليـه بس ماكو اي رد اجـو اخوانـي من سمعونـي اصيح كتلـهم يكسرون البـاب وهـزو راسهم موافقين تبعـدت وهمـه كسـرو البـاب ركضت وشفـت علـي كاعد على الارض مهدود حيـله وجـه شَـاحب حضنتـه حيـل كـلش
- يـا بعـد اختك ليش هيـج اسـوي بـروحك هـا ليش هيـج تسـوي
- سـلوى راحت من بيـن ايديه راحت فاطمة راحت
- يجـي يـوم وتـرجع صـدكني تـرجع
- والله ما ترجع فاطمة بعـد ابد ما ترجع ولا حتـى تحط عينها بعيني
بـرزان : يـا خويـه كـول يـا الله صـلي على محمـد بس لا سوي هيـج بروحك مو زين عليـك اهم شي صحتك ، وعلى فاطمة ان شاء الله ترجع والله ترجع
عـلـي : ولـكم لبنيـه بعـد متثـق بيـه بعد شلون ترجـع هاا شلون ترجع
ذو الفقـار : وانت ليش ما كتـلها علـى مـ......
