هيام رجعت وهي بتطير من الفرحه راحت لأيلين وقالت:تخيلي شقال لي
ايلين:وش قال
هيام:يبي يخطب وحده خق عليها
ايلين:اها الله يوفقه ومين هي؟
هيام مسكت يد ايلين وقالت:ايليني انتي مخطوبه؟
ايلين باستغراب:لا ليه
هيام بابتسامه:اخوي يبي يخطبك
ايلين باحراج وصدمه:بذي السرعه؟
هيام ضحكت وقالت:ماعليك بيعلم امي وبنجي نخطبك رسمي بتوافقين؟
ايلين باحراج:استخير يابنت الحلال شفيك مستعجله
هيام بفرحه حضنتها وهي تضحك:والله من فرحتي شسوي
جات حنان وشافتهم وهبدت كل وحده فيهم ع راسها وقالت:تتحاضنون بدوني وانا اللي عرفتكم ع بعض
ايلين حضنتها وهيام حضنتها بعد قالت هيام بابتسامه:اخوي خطب ايلين
حنان بصدمه تحسبه حمد:حلو الله يوفقك ياقلبي وحضنت ايلين وتحس روحها بتطلع
ايلين حست فيها وقالت ف اذنها بخفيف:لا تخافين مب حمد
حنان بفرحه واحراج لأنها فهمتها:كليزق
هيام قالت: عقبالك حنوني
حنان:امين وعقبالك وضحكت
هيام بتعب:بنات نطلع الغرفه بطني يوجعني
حنان وايلين بقلق:شفيك
هيام وهي بتصيح:الدوره
حنان:اها بسم الله عليك
ايلين وهي تمسك يدها:يلا تعالي
مشو البنات وطلعو الغرفه حقت هيام
وحنان طلعت لها بجامه وهيام دخلت تتروش وايلين نزلت للهنوف تقولها تسوي لهيام ليمون وقرفه والهنوف قالت لها تمام وبعدها طلعت ايلين لقت هيام منسدحه وحنان جالسه يمها وتمسد بطنها بخفيف
ايلين:باقي يوجعك بطنك؟
هيام بألم:كثير اخ
حنان وهي تناظرها:ليه توجعك بقوه كذا؟
هيام وهي تصيح وشوي ويغمى عليها:لانه يمكن م جتني سبع شهور
ايلين بصدمه:منجدك انتي؟؟؟؟
هيام وهي ماسكه بطنها:بنات والله بموت وجلست تبكي
البنات توترو ف النهايه حنان قالت لازم تروح المستشفى ايلين وافقتها الرأي وجلسوها كانت بتوقف بس اغمى عليها من شدت الألم البنات خافو عليها مره وايلين جلست تصحيها وحنان نزلت تركض للهنوف وعلمتها طلعت الهنوف تحاول تصحيها بس م صحت دقت ع حمد قال لها مو موجود قال بيجي الحين بس الخط زحمه مافيه الا البراء موجود دق عليه حمد :براء
البراء:هلا
حمد:موجود ف البيت؟
البراء:اي نعم الحين رايح ليه فيه شيء؟
حمد وهو خايف ع هيام:ادخل البيت هيام مغمى عليها ومافيه احد موجود مننا ولا السواق موجود
البراء :ابشر لا تخاف وهدي مع الخط بروح لهم الحين اشوف وش العلم
حمد:وطمني عليها
البراء: ابشر وقفل
راح البيت والهنوف استقبلته وقالت له يسرع البراء طلع يركض وشاف هيام بدون غطاء ولا شيء لف عنها وقال:غطوها بشيلها الحين وهو يستغفر من الجمال اللي شافه
حنان غطتها بسرعه م كان غطاها ساتر زين جاء البراء وشالها والهنوف راحت معهم وحنان وايلين مشو وراهم
وصلوا المستشفى وشالها البراء ودخلها عند الدكتوره
بعد ٣٥ دقيقه
طلعت الدكتوره والبراء تقدم منها وقال:طمنينا عنها؟
الدكتوره قالت:لا تخافون مابها شيء بس هرموناتها ملخبطه وبعطيكم حبوب تنظم لها الدوره وحاولوا انها تاكل اكل صحي عشان م توجعها الدوره
البراء تراجع وهو منحرج:تمام الله يعطيك العافيه م قصرتي
الدكتوره:ولو هذا واجبي
حنان وايلين يناظرون البراء ومعاهم ضحكه بالغصب كاتمينها لان وجهه محمر ومتوتر
دخلو البنات عندها واحترمو وجود الهنوف ولا لو م كانت موجوده يمكن حتى مدير المستشفى يجي ع ضحكهم
حنان بابتسامه:شلونك الحين؟
هيام بصوت مبحوح:تمام الحمدلله بس بطني للحين يعورني
ايلين وهي تجلس يمها :بسم الله عليك ف عدوينك يارب وجلست تمسح ع بطنها بخفيف هيام عجبها الوضع ونامت
الهنوف وهي تناظرهم بابتسامه:م قصرتو الله يعطيكم العافيه مشكورين مره
حنان وايلين بابتسامه:ولو هذا واجبنا وهيام مثل اختنا
لفو ع بعض وضحكو لان كلامهم نفس بعض ضحكت معهم الهنوف وطلعت للبراء وقالت له بس ينتظرون هيام تصحى ويرجعون وقالت له يرجع البيت بس البراء رفض وقال بيجلس معهم حتى تصحى والهنوف تنهدت من عناده ووافقت
البراء دق ع حمد:الو؟
حمد وهو خايف:هلا طمني
البراء وهو يلعب باعصاب حمد:حمد بقولك شيء بس لا تبكي ووقف ع جنب
هنا حمد وقف قلبه:شفيها اختي!!!
البراء سوا نفسه يكلم احد:ايه هلا مشكور وصلت اوصلها لحمد ان شاءالله
حمد وهو شوي ويصيح:البراء علمني تكفى
البراء بابتسامه:اختك عندها الدوره وهي اللي مطيحتها
حمد بعصبيه:ياشيخ والله لاكسر ضلوعك ومحد يفكك مني
البراء بابتسامه:ول شفيه الاندرتيكر
حمد براحه وشوي عصبيه:والحين شلونها؟؟
البراء :تقول عمتي انها نايمه
حمد:اسمع صوت القطار وقفل ف وجه البراء المصدوم من وقاحته وصفق يده ببعض
وبعدها راح يمشي ف الممرات
عند البنات يسولفون بهدوء هيام بذا الوقت صحصحت :بنات ويننا فيه
الهنوف :صح النوم احنا ف المستشفى يادلوعتي
هيام بابتسامه لامها:احبك واحبكم انتوا بعد واشرت للبنات
البنات ابتسمو لها وبعدها قامت هيام وقالت بترجع البيت تعبت من السدحه
الهنوف دقت ع البراء وقالت:وينك ياقلبي؟
البراء :هلا عمه موجود فيه شيء؟
الهنوف بابتسامه لخوفه:لا ياقلبي بس هيام صحت ونبي نرجع
البراء بابتسامه :انتظركم
الهنوف قفلت وراحت لهيام تعدلها والبنات سلموا عليهم وودعوهم ومشو الهنوف خذت هيام وطلعت للسياره
البراء وهو يحاول م يناظرها :كيفك يابنت العم عساك طيبه؟
هيام باحراج :الحمدلله تمام
البراء:الحمدلله وجلس يسولف مع الهنوف
وهيام تدعي ربها انه م عرف ان عندها الدوره وصلو البيت لقيوا حمد وعبدالاله وهم خايفين عليها جاء حمد بسرعه وحضنها وقال بسم الله عليك ياقلبه كنت خايف مره عليس
هيام بابتسامه لاخوها :ياجعلني م انحرم
حمد ابتسم لها جاء عبدالاله دف حمد وحضن هيام وحط راسه ع كتفها وقال:خفت عليك مره ليه تخوفيني عليك وانا تو ادري انك بالمستشفى وطول بالحضن
هيام وهي تمسح ع شعره:مافيه شيء ياقلبي لا تخاف
عبدالاله دمعت عيونه يخاف يفقد اخته الوحيده او احد من اهله هو متعلق فيهم مره ويبي يموت قبلهم عشان م يحزن ع احد فيهم
هيام حست ع شهقته الخفيفه رفعت راسها وشافت دمعته الصغيره رجعت حضنته مره وصاحت:لا تصيح والله مافيه شيء
حمد صفق عبدالاله وقاله لا يخليها تصيح
عبدالاله رفع راسه وضحك عليها:ليه تصيحين الحين
هيام وهي تمسح دموعها :عشانك صحت
حمد وهو كنه ينتبه للبراء اللي جالس يتأملهم :اوريك يالمخنز
البراء لف عليه وهو يتقطع لدموع هيام:ابك تقصدني؟
حمد وهو يمشي له:ايه اوريك كيف تخوفني
البراء وهو يمشي بسرعه:ياولد العم استهدي بالله
حمد وهو يركض له:تعال تعال والله م اخليك
البراء ركض :اسمع بيننا عشره عمر لا تخربها
هيام ضحكت عليهم وهي تعشق ملامح البراء وضحكته ورجولته وكل شيء فيه تحبه بس ماودها تعلم احد بحبها ودخلت
حمد مسك البراء:الحين شسوي فيك؟
البراء متوتر:ياشيخ فكني كنت امزح
حمد شال الشماغ وخبطه
البراء وهو يمثل الألم عشان م يخبطه مره ثانيه:اح وش الصفقه ذي توجع
حمد :ادري فيك كذاب بس عشانك ولد عمي بعذرك ذي المره
البراء وهو يبوس خد حمد:احبك ياولد عمي
عبدالاله يضحك ويصورهم وارسله لقروب العايله لفو عليه ولقوه يصورهم حمد حط يده ع راسه وصفق كتف البراء وقال: النحشه
البراء وهو ركض قبل حمد :ابك والله م أوقف الا البيت
حمد:بجي معك قبل جدي م يشوف الفيديو
البراء بضحكه:حياك
كيف البارت؟
عجبكم؟
كم تقيمونه من عشره؟
اكثر شخصيه عجبتكم ؟
حاولت أطول البارت بس ذا اللي طلع معي
