حنان:تمام
حمد:ودك نرجع؟
حنان:اي خلاص تعب
حمد:ابشري
مشت قدامه وركبت السياره وحمد ركب ومشى لفت عليه وقالت عادي احط اغنيه؟
حمد:حلالك
حنان استحت بس تجاهلت وحطت راشد الماجد وجلست تغني معه:مشكلني حبك ياروح الروح مشكلني ومنطربه وحمد يتأملها ومبتسم انتبهت له
حنان:وراه تناظر لي كذا؟
حمد:لا يابنت الحلال م اناظرك
حنان:اي اي واضح
وصلوا الشقه ونزلها وقال بيروح شوي ويرجع قالت تمام
دخلت الشقه وحمد راخ
حنان:دامني فاضيه ليه م اكلم ايلين والله وحشتني الدبه ودقت عليها رنه رنتين ثلاث
ايلين وصوتها رايح فيها: نعم شتبين
حنان:نايمه؟
ايلين وشرايتس؟
حنان:اشتقتلك يالدبه بعدها رمت الجوال بعيد من الصراخ
ايلين بصراخ:ماني دبه وبعدين وينك عني من زمان م كلمتك ياكلبه دخلتي ونسيتيني م كأن لتس صديقه اخ يالدنيا بس
حنان:هدي خذي نفس عميق بس لا تشفطيني
ايلين بعصبيه:كليزق
حنان وهي تضحك:ههههههههههههههه لا خلاص اسفه الا اسمعي بقولك سالفه
ايلين بفضول:وش
حنان علمتها بسالفتها هي وحمد كلها وبعض البهارات وكذا
ايلين بصدمه:لايكون حبيتيه؟
دخل حمد عند الكلمه ذي
حمد:حبيتي من؟
حنان باحراج:ايلين بعدين اكلمك
ايلين:اخ يالدنيا جاء حبيب القلب ونسيتيني
حنان:خلاص كليزق
حمد بفضول:من ذي ووشقالتلك حتى وجهك حمر كذا
حنان باحراج وعصبيه:كلتبن انت الثاني ومشت من قدامه
حمد وهو يضحك:ابك امشي امشي امزح الا تعالي بعلمك قلت لاختي عنك وقالت تبي رقمك وعطيتها وقالت ودها ترسلك وتتعرفون ع بعض قبل العزيمه عشان يوم العزيمه محد يتفشل وضحك
حنان:انت وراه تضحك كل شوي وش شارب
حمد وهو يضحك:والله مواصل
حنان وهي تناظره :روح نام الا حمودي عادي اجيب خويتي لان من زمان عنها وحشتني والله
حمد وهو يناظرها وفيه النوم:جيبي اللي تبين بس كلمي هيام
حنان:مين هيام ذي
حمد :اختي يالمصفوقه
حنان:اها اجل يلا نام بروح اشوفهم انا
حمد :زين قفلي الباب والنور معك
حنان:تمام وطلعت
حمد:ابوك يالعناد وقام قفل النور والباب وراح ينام
حنان راحت تجلس بالصالة ودقت ع ايلين
ايلين:يالدبه وقت جاء سحبتي ع خويتك الوحيده المسكينه
حنان:اص بقولك شيء
ايلين:وش هو؟
حنان:العزيمه حقت ام حمد عزمتك عليها
ايلين:احلفييي الله يونس متى هي؟
حنان:بكره بس بشوف اخته طلعت مرسله لي واتس المسكينه وانا مادريت
ايلين وهي تضحك :ردي يالمخبوله
حنان وهي تشوف رسايلها:اسكتي اسكتي بقولك شتقول قالت السلام عليكم ورحمة الله كيفك يالمزيونه يالبيه حتى هي تعرف اني مزيونه
ايلين:كليزق وكملي
حنان:المهم قالت تراك معزومه ع عزيمة امي انتي واللي تبين ياحلوه وحمد كلمني عنك دامه اخوي علمني اكيد طايح ع وجهه ووش رايك نتعرف أكثر ونتقابل ردت عليها حنان وهي منحرجه وقالت لها ابشري وكلمتها عن ايلين وقالت لها هيام تم نتقابل احنا الثلاث وقالت تبي رقم ايلين وعزمتها وسوو هم الثلاث قروب وتعرفو ع بعض وصارو صديقات الكترونيين حنان تركت ايلين وهيام يسولفون ويتفقون وش بيسوون ف العزيمه وراحت تنام لبست لها بجامه وربطت شعرها قرنين وكتبت لحمد رساله وراحت تنام
الرساله هي:حمودي انا بنام إذا صحيت لا تصحيني بنام ولا تدخل غرفتي لان ملابسي م يصلح تشوفها وصحيني ع اذان المغرب عشان بتجمع مع البنات يالدب لا تنسى وسلام ورسمت له ذا الايموجي🥺
حمد صحى وشاف الساعه ١١ الظهر قام وهو فيه خمول بس قام يتروش ويتجهز للصلاه طلع وصل الفجر واستغرب من حنان م شافها بس انتبه ع الرساله اللي ع السرير:وش ذا وفتحها وشاف الرساله وابتسم وقال يازينها بس قام وطلع من الشقه وتأكد منها مقفله ولا لا وطلع راح مع اخوه وولد عمه اللي تو رجع من الدمام
حمد:أرحب البراء شلونك والله من زمان عنك ياولد
البراء بابتسامه:متأكد مني ولا منك ياولد العمه
حمد:اقول انطم محد يرحب فيك انت وحضنه
البراء بضحكه:خنقتني
حمد: الحق علي انا اللي حضنتك اركب بس لاصفقك الحين
عبدالاله بصوت عالي:يعيال تراكم نسيتو واحد فيه جفاف عاطفي
ناظروه وكأنهم تو ينتبهون له
حمد:ياشيخ متى رسبنت انت
البراء :ياولد وربي نسيت انك هنا
عبدالاله انصدم:اهينكم الصدق
حمد والبراء ضحكو عليهم وحضنوه
عبدالاله بتمته:قليلين ادب
حمد:شقلت؟
عبدالاله بنكبه:امزح بس اطقطق
ضحكو كلهم ع التكليجه ومشو رايحين الحلاق يحلقون ويصلون الظهر
عند حنان صحت وهي مثلجه :ابك المكيف كيف كذا صار بارد ولا انا اللي م تغطيت شافت الساعه وقالت اوف تأخرت ع الصلاه قامت مسرعه ورجولها نشبت ف السرير وطاحت قامت وهي متنكده من حظها الزق وراحت تتروش وطلعت صلت ودقت ع حمد
حمد شافها تدق قام رد عليها:هلا بالزين حقي صح النوم
حنان وهي فيها النوم:حمود متى بترجع؟
حمد وهو ذايب ف صوتها:شوي وراجع فيك شيء؟
حنان وهي شوي وتنام:لا تتأخر علي
حمد داخ:ابشري ياروحي وقفل
حمد لف ع العيال وهم كاتمين الضحكه من قوتها عبدالاله عاض ع شفايفه
عبدالاله:اخوي طلع خروف
البراء بضحك:اوف ولد عمتي طايح ومحد مسمي عليه
حمد:كلزق انت وياه
اتمنى عجبكم البارت تكسرت وانا اكتب بس صدق لعيون اللي علقت
