فى 3 ثوانى اختفى كل شئ

الحلقه 1

**********************************************************

انتى من عيله كانت غنيه ولكنها افلست

انتى عندك 19 سنه وليكى اخت اسمها منه 17 سنه ومامتك متوفيه (بعد الشر ) وباباكى كان بيشتغل بعد مافلس عامل فى مصنع الراجل الشبب فى افلاسه باباكى اضطر يبيع القصر تبعكم واشترى بيت صغير على قدكم

انتى كنتى بتساعدى باباكى فى الشغل بتشتغلى بعد الجامعه فى كوفى شوب وبعد ماتخلصى الشغل بتروحى تشتغلى عامله توصيل فى احدى المطاعم كانت يومك ع طول شاق

****************************************************

يوم الاجازه بتاعك جه يوم الاجازه ده يعتبر اليوم الوحيييد انك بترتاحى من كل الشغل والكليه

فيوم ده اتفقتوا انتى وصحابك تخرجوا باليل تروحى المكان المفضل ليكى وبالزات باليل وهو خان الخليلى ( ده مكان كده شعبى فى مصر )

واخدتى اختك معاكى ورحتوا قعدتى انتى وصحابك هناك وكل واحد طلب مشروب ليه

وانتوا قعدييين عمالين تهظروا جه واحد بتاع خواتم قعد يعرض عليكوا خواتم انتو وصحابك قعدتوا تتفرجوا انتى عجبك خاتم فى وسط الخواتم (اللى صورته تحت )

انتى خدتيه

انتى : حلو الخاتم ده

الراجل : ده خاتم الامنيات انتى بس تلبسيه وتتمنى

انتى : ههههههه يسلام وعلى كده امنيتى هتحقق

الراجل : لا هما بيقولو كده وخلاص

انتى : اوكى انا هشتريه بس مش عشان التخاريف دى عشان بس شكله عجبنى بكام بقا ؟

الراجل: ب 100 جنيه

انتى : اوكى اتفضل

انتى لبستى الخاتم وبصيتى عليه فى ايدك

منه : (اسمك ) انتى مصدقه فالسحر والهبل ده

انتى : لا طبعا يا منه انتى بتقولى ايه

منه : اوكى يالا بقا نروح احنا كده اتأخرنا

انتى : اوكى يالا

سلمتى ع صحابك ومشيتى

روحتى سلمتى ع باباكى وفتحتى الكومبيوترلقيتى كل البيدجات بتتكلم على ذا فيف ( فى الوقت ده ذافيف انشهروا اووووووى وعايشين بامريكا )

قفلتى الكومبيوتر ونمتى ع السرير وحطيتى ايدك ع الخاتم وانتى نايمه وقلتى : يااااه نفسى اقابل ذافيف واصحابهم واعيش معاهم واشوفهم بيعيشوا حياتهم ازاى بعيد عن بلادهم

بعدها دخلت فى نوم

صحيت تانى يوم دماغى وجعانى اووى وقمت بصيت حواليا لقيت نفسى فمكان غريب مش عارفاه باين عليه بيت حد غنى اوى نايمه على سرير مش سريرى بصيت فمرايه لابسه هدوم غير اللى انا لابساها مش فاهمه حاجه فضلت انادى حد هنا حد هنا محدش رد قعدت ادور فالبيت انى الاقى حد لا البيت كبييير ده مش بيت اصلا دى فيلا دماغى هتفرقع من تفكييير انا فين وايه المكان ده ايه اللى جابنى هنا دخلت اوضه فيها صور كتتير ليا ومكتوب تحت الصور ريانا

قطع تفكيرى صوت جرس الباب مشيت ناحيه الباب وانا مش عارفه ايه اللى ممكن يكون او يحصل اول مافتحه

فتحت لقيت شخص

this person : hi am your Neighbor are you have some a tube of color

انتى :سس..سسعييييد

واغمى عليكى ساعتها ..