Dear, Jenny [One Shot]

Simula lumipat si Jenny sa apartment sa Ortigas, araw-araw na siyang nakakatanggap ng love letters. Tuwing papasok na siya sa trabaho ay nakakatanggap siya ng mga simpleng mensahe na nakaipit sa ilalim ng kanyang pintuan.

Dear Jenny,

         Ang ganda ng umaga pero mas maganda ang ngiti mo. Keep smiling, dahil may napapasaya ka sa bawat ngiti mo.

                                                                                                                                                                       AJ

 

Dear Jenny,

      Where there is love there is life. ~ Mahatma Gandhi

  Mahal kita kaya nabubuhay ako. 

                                                                                                                                                                     AJ

 

Dear Jenny,

    Ika nga ni Lao Tzu 'being deeply loved by someone gives you strength, while loving someone deeply gives you courage.' 

    Dahil sa pagmamahal ko sa'yo ay nabibigyan ako ng sapat na tapang humarap sa bawat hamon ng buhay ko kaya't sana'y mahalin mo rin ako para magkaroon ako ng lakas ng loob na magpakilala sa'yo.

                                                                                                                                                                    AJ

 

Dear Jenny,

   Araw-araw kitang tinitignan sa malayo, sana isang araw magkalakas ako ng loob na magpakilala sa iyo.

                                                                                                                                                                   AJ

 

***

"Ayos yang secret admirer mo ah? Walang palya, simula lumipat ka rito araw-araw na rin yang love letters mo." Sabi ni Allan na kapitbahay niya. 

"Oo nga eh, hindi mo pa rin ba kilala?" Sabi ni Aaron, ang nakababatang kapatid ni Allan.

"Hindi eh pero gusto ko na nga rin siyang makilala." Sagot ni Jenny.

"Mag-ingat ka rin baka masamang tao yan." Sabi ulit ni Allan.

"Oo nga, tama si kuya. Mag-ingat ka pero malay mo gwapo di ba?"

Nagtawanan sila sa sinabi ni Aaron, masaya kasama ang magkapatid na ito. Call center agent si Aaron habang si Allan ay hindi niya alam kung anong trabaho. Tinuring niya na itong mga kuya simula nang lumipat siya rito dahil sila ang tumutulong sa kanya tuwing nangangailangan siya.

Tama sila na kahit gusto niya ng makilala ang secret admirer niya, aminado siya na may halong takot pa rin ito na baka nga masamang tao ang nasa likod ng mga sulat na iyon.