احببتك بصدق

لانعلم ماذا يخبئ لنا المستقبل انا اعلم كل شي بيدي ولكن هناك حالات استثنائيه لم تستطيع اتخاذ القرار لو حدك .
في كل بيت عراقي هناك احاديث تطرح ومشاريع تخطط رحلات تقرر ونحن في منزلنا عندما يكون الاخ الاكبر والاب والام في مكان واحد هنا الكره الارضيه تدور بنا فعلا ونحن في اماكننا بيوت تنبني ومحلات تفتح حديقه مليئه بالزهور زياره مراقد الائمه ونختار افضل الفنادق ونتناول الغداء والعشاء ونشرب الشاي ونحن في نفس المكان هههههههه لكن اليوم يختلف
امي:عندي فد موضوع وياكم بما انو الكل موجود
ابي :خير ان شاء الله
امي:اليوم زينه انخطبت مني
فهد:اي منين هذا الولد
زينه:سدي الموضوع من يمج مااقبل
ابي:خلي نفتهم
فهد:مو بكيفج متقبلين اذا خوش ولد شكو باقيه زينه:اريد اكمل دراستي اني ممفكره ازوج هسه
ميار:انتظري لتحكمين يجوز يعجبج
زينه:لا محد يعجبني بابا ماما اني ماازوج
ابي:هاي هي الابنيه متريد
امي:حبيبي انت حتى معرفت منو هو
ابي:منو
امي:ادم ابن علي صديقك اليوم اجتي امه خطبتهه
زينه:شنو لو يموت لو يبقه اخر واحد بالدنيا مااخذهه
فهد:مو بكيفج عبالج اداومين كليه واجيبيلي واحد مناك تعالوا وافقوا لا حبيبتي الولد مابي عيب اخذي وانجبي
زينه:رجاء لتدخل انت من ازوجت واختاريت اني مدخلت اوك هاي هي حياتي مو حياتك
فهد:اني اخوج واعرف مصلحتج مااريد اختي ينضحك عليهه
ابي:كافي عاد خلي نفتهم
زينه:بابا اني مااقبل هذا كل الي عندي
ابي:غير افتهم ليش مثلا
زينه:اريد اكمل دراستي
ابي:كمليهه واتتي مزوجه هاي مو ميار كدامج حتكمل
زينه:مااريده مااطيقهه مغرؤر وشايف نفسه
فهد:اتحبي يصير دلوع مثلا لو شنو غير رجال قابل يصير ملطلط
زينه:واكبر مني بهواي عبالك ابويه
ابي:هاي مو اعذار ترى
امي:معليكم بيهه هاي دلع بنات شنو رئيكم انتوا
ابي:اني موافق مراح الكه احسن منه
فهد:حلمي هذا يأخذهه واحد نعرفه ونعرف اهله
امي:وانتي خاله ميار
ميار:هذا شي زيزو هي تقرره يعني هاي حياته لااني ولااي واحد حيعيش بمكانه
فهد:بنتي هاي قسمتهه خلي تقبل بيهه
زينه:والله مااريد
امي:مو بكيفج زينه
زينه:هسه اخابر خاله واكولهه مااريد
امي:حتى اكسر ايدج والله خلينه محترميج ونأخذ رأيج
ذهبت الى غرفتي وانا العن ادم بعد لحظات
جائت امي واغلقت الباب علي
امي:باعي خاف عبالج تحبين وازوجج لا حياتي لو تموتين والله لو ابن وزير ماانطيج اوك
زينه:ليش مثلا
امي:يعني رجعتي لسوالف صديقاتج الطايح حظهن
زينه:ماما هاي شبيج الحب مو عيب ولاحرام اني مدااحب بس اكيد مااخذ واحد مااحبه
امي:اتعرفوا ع بعض بفتره الخطوبه وراح اتحبي
زينه:مااريد
امي:بلا عناد اخوج عباله عندج احد لو منتظره احد محب يحجي يم ابوج بس كلي
زينه:هذا تفكيره اني ماعندي احد ولا راح يصير هيج شي
امي:لعد شلون تزوجين
زينه:ها
امي:سئلتج شلون حتزوجين اذا مراح تاخذين ادم ولاراح اتحبين
زينه:احب واحد بالكليه بس مااحجي وياه ويجي يخطبني
امي:دتقرين قصص هالايام اتشوفين تركي هوايه
زينه:ثنينهن سوه
امي:هو محد طيح حظج غير هالسوالف بنتي وافقي وعد مني اذا معجبج بالخطوبه وفصخي
زينه:واذا ضحكتوا عليه
امي:محد يضحك عليج
زينه:اوك افكر
كان كلام امي صح وكلامي ايضا اصبحنا في زمان لا نعلم ان نفرق بين الصح والخطأ لا نعلم هل هو حب ام مجرد لعب كل شي يدعو لشك حتى اذاااحببنا بصدق ﻻنستيطع ان نثق بأحد
(ادم )
دخلت الى منزلي ورأيت امي وابي واحمد ومروه يجلسون ومبتسمين لي لااعلم مالذي يحصل
ادم:سلام
الجميع:وعليكم السلام
ابي:ليش تأخرت
ادم:ازدحام شويه
امي:تعال اكعد عدنه موضوع وياك
ادم:خير
احمد:خير ان شاء الله
ابي:شوكت ناوي تزوج
ادم:يابه كتلك من اريد اني اكلكم
امي:وتلومنوي ع الي سويته
ابي:لا والله شوكت كالولج نرجع خبر
امي:بعد يومين
ادم:لحظه شنو سويتي يمه
امي:خطبت زينه الك
ادم:منو
ابي:زينه بنت ابو فهد
ادم:ههههههههه صدوك تحجون والله
احمد:خوش ابنيه وحلوه
مرؤه:احم احم
احمد:بس مو احلى من مرتي
مرؤه:فديتك حياتي
ادم:بس لحظه روميو وجوليت يمه شنو سويتي امي:اني اريد اشوف جهالك يعني كافي مخلص حياتك بس تصرف ع الدايحات وانت ردت بنت الحلال وهاي اجتك
ادم:ردت بنت الحلال مو خبله حلال
مرؤه:لا ادم الابنيه دره من الله وحبابه بعد شنو تريد وحلوه
ادم:الغي كوليلهم اتسرعت وخطبت لاابني بدون مااخذ رأيه حتى اتوبين بعد من سوالفج
امي:والله خطبت وحيرجعولي خبر
ابي:ادم ابني كافي عاد لحد وين نتظرك يعني عندك وحده اتريدهه
ادم:لا
ابي:لعد شنو منتظر ابني
ادم:بابا شوف الوضع شلونه اتريد ازوج
ابي:حظرتك بالجيش
ادم:لا بس يجوز اروح
امي:وكت متروح الله كريم اني خطبت وبعد ماارجع بكلامي والله شنو اكول للعالم
ادم:والله اني مكتلج روحي خطبي اني دزيتكم
احمد:خاله غلط تروحين بدون متاخذين رأيه
امي:ابني شوفه هو ينطيك مجال يعني لايقبل هو يختار ولااحنه نختارله هو جبرني
ابي:هاي هي انتهى النقاش خلي ننتظر ردهم والله كريم
مرؤه:يجوز الابنيه متوافق
ادم:ههههههه
احمد:ههههههههه تعال ادم اريدك فوك
ادم:تعال خويه والله سالفه هاي
ولم اكن اعلم امي سوف تفعلها هكذا صدمت من قرارها كيف تفعل ذلك
احمد:اني اخوك وانت تعرفني قبل لااخطب مرؤه مو
ادم:اكيد حمودي
احمد:انت كبرت يعني عادي عندك اني عندي ثنين جهال وانت بعدك ممزوج وانت اكبر مني
ادم:مااكدر اتحمل مسؤليتهم وبعدين هي خبله شايفه لو لا
احمد:اي شايفه لابنيه دخلت جامعه واكيد انت حتعلمهه
ادم:اني اكعد تالي عمري اربي من جديد
احمد:تعرف عليهه وشوفهه بفتره الخطوبه وراهه كول مصارت قسمه عادي لاانت اول واحد ولااخر واحد يفصخ
ادم:تعال اقنع اهلي بهيج حجي
احمد :معليك بوكت ماانت تمللها بسوالفك هي
تفصخ مو انت وهنا ماعدهم حجه عليك
ادم:اوك
احمد:ويجوز الابنيه تعجبك وترتاح وياهه
ادم:لا مستحيل ابدا
احمد:الله كريم خلي اكوم اروح لبيتنه
ادم:ابقه بات هنا
احمد:لا باجر دوام لازم اروح يله حبيبي شايف كل الخير
ادم:هههههههه خير يصيبك
(زينه)
لااعلم اضحك ام اصرخ ام ماذا افعل حاولت معهم مدة يومان ولم ينفع مع اهلي اي شي بعدها اتصلت امي بأم ادم واخبرتها بموافقتي
عليه او موافقت امي عليه لست انا بل اهلي هم الذين وافقوا عليه سوف يندم حقا سوف اجعله يكره اللحظه التي خطبني بها
(الخميس الساعه 5 عصرا )
والد ادم:الفاتحه
سمعت صوتهم هكذا كانت كتشييع روحي وجسدي ولكن جنوني جعلني ابتسم لهم
اقامت امي حفله بسيطه من اجل لبس خاتم الزفاف وبنات خالتي معي وغدا خطوبه سميره هكذا اصبح الحظ معنا ولكن هناك فرق انا ارتديت الخاتم وانا غير سعيده وهي سوف ترتديه بكل سعاده مع من تحب
اسماء:حقيرات بس اني بقيت
مريم:اني هم
زينه:ههههههه يوم الكم
سميره:كلبه كل هذا بدون متحجين
زينه:والله ع سريع صارت
سميره:الله يوفقج وين سعيد الحظ خلي انشوفه
امي:بنات حيدخل العريس لبسن الشال
اسماء:اي خلي نشوفه
دخل ادم وهو ينظر لي ويبتسم هل انت سعيد ياعزيزي سوف اجعل هذه الابتسامه صرخه وجع بالنسبه لك انتظر وسوف ترى قبلني ع جبيني وبعدها جلس بجانبي
من بعيد نادتني سميره
سميره:
زينه:ههههههه
يعني انه يستحق المحاوله والسرعه بعد ان انتهت الحفله جلسنا انا وادم بمفردنا في غرفه الجلوس والجميع في الاستقبال
ادم:مبرؤك
زينه:الله يبارك بيك
ادم:اريد رقمج او لا تركي هذا رقمج حجيبلج رقم اني اكلج منو تخلين عندج ومنو لا
زينه:اها
ادم:مااحب الطلعه والطبه اي شي تردين كولي اني اجيبه
زينه:اي وبعد
ادم:متسوين شي بدون مدكولين ومن اتصل بعده ممكمل اول دكه اجاوبني اذا اتأخرتي متلومين اله نفسج
زينه:هههههه اي
ادم:احترمي ومااحب طولت اللسان ولااحب الي متسمع كلام
زينه:الي بعدو
ادم:طريقه لبسج تتغير والحجاب لبسي
زينه:بعد
ادم:افكر واكولج
زينه:اتحب اغمض عيوني من انام لو ابقيهه مفتوحه اخاف اضوج من اغمض اتحب راسي يبقه معلك بجسمي لو نشيله مأذيك
ادم:ها ونقطه ثانيه اكره الاستهزاء مثل هاي طريقة حجيج هذا الي عندي اوك
زينه:هههههههه حباب من ترجع لبيتكم تغطه ونام اوك هاي السوالف تحجيهن لبنتك اني ابنيه الي حياتي مو انت صرت خطيبي يعني تتحكم بيه
نهضت من مكاني وامسك بيدي هو
ادم:طولت لسان مااريد فاهمه
بعدت يده بيدي وقلت بنبره واثقه
زينه:واني مااحب احد يتحكم بيه اوك
خرجت وصعدت الى غرفتي بدون ان اتكلم مع اصبحت الساعه 11 مساء اتصلت بي رقم غريب
زينه:نعم
ادم:حلو تفتحين ارقام غريبه
زينه:لا حسيته واحد شايف نفسه وعرفته انت
ادم:جاوبي عدل
زينه:خير
ادم:سجلي رقمي يمج بين مااجيبلج تلفون ورقم جديد
زينه:اوك امر خدمه
ادم:سلامتج
زينه:باي
اغلقت الهاتف وبعدها ذهبت الى بيت عمي اوصلني اخي انا وميار من اجل مساعدتهم
حيدر:عاش من شافج
زينه:شكرا
حيدر:مبرؤك عيني الخطوبه شبسرعه انخطبتي
زينه:ابنيه حلوه ليش ماانخطب
خالتي:روح تلفونك راح يحترك من وره ذني الي يدكن عليك
حيدر:معجبات ههههههه
زينه:طايح حظهن وميفتهمن
سهرت مع بنات خالتي وضحكنا كثيرا وثاني يوم تمت الحفله بنجاح لم اتصل ع ادم وهو كذلك ولكن في 7 مساء وجدت اربع مكالمات
زينه :الو
ادم:وين انتي
زينه:شنو وين مسمعت التلفون
ادم :يعني انتي بيتكم
زينه:ها ليش
ادم:اطلعي اني بالباب
زينه:اريد اسبح
ادم:اني اباب بيت عمج اطلعي رحت لبيتكم وابوج كلي ع بيت عمج حاخذج مشوار يعجبج
زينه:ها
ادم:5 دقايق انتي بالباب
زينه:اوك
كانت نبره غضب انا اعلم انا المخطئه كان يجب ان اخبره ع ذهابي خرجت بعد دقيقتان وجدتهه بوجه الجميل يقف بجانب سيارته
حيدر:شنو رايحه وحدج
زينه:لا ادم حيأخذني
حيدر:ها خلي اروح اسلم عليه
لقد اكتملت عندما ذهب معي حيدر رأيت الغضب يظهر من نظراته
زينه:سلام
ادم:هلا
زينه:حيدر ابن عمي ادم خطيبي
ادم:اهلا وسهلا
حيدر:هلا بيك تفضل للبيت ليش واكف
ادم:والله مستعجل عندي شغل
حيدر:هلا بيك بأي وقت
زينه:يله باي حيدر
حيدر:خلينه نشوفج زيزو
زينه:ان شاء الله
ادم:مع السلامه
حيدر:الله وياكم
بدأت السياره تتحرك وبدأ لسانه معها
ادم:بسم الله ماشاء الله اول يوم هذا وهيج لعد لو اسبوع شهر سنه شنو اتسوين اني شكلت مو كلت ماكو طلعه
زينه:بس هاي خطبت بنت عمي وهي نفسه بنت خالتي
ادم:اني مسئلت هيج جاوبي
زينه:لتعيط عليه
ادم:استغفر الله شنو عذرج يله انطيني عذر يقنعني بالسويتي
زينه:اني رحت وياهه من البارحه وهمه ماعدهم احد وحتى مرة اخويه ويايه
ادم:شنو يعني انتي بايته يمهم
زينه:ليش ابويه ماكلك
ادم:انتي خبله
زينه:حرامات جان كتلك هسه رحتلهم
ادم:ام درؤب اها اوك من عيني جيبي فونج
زينه:هاك
اخذه وضعهه في جيبهه واعطاني واحد بمكانه
ادم:هذا بعد تلفونج خليتلج الارقام الي مسموحلج بيهن ونزلت البرامج الي مسموحلج بيهن ياريت الكه رقم لو برنامج غير ذني
زينه:انطيني تلفوني بي صور مال حفلتي