احببتك بصدق

سما:بكيفك ادم بس شوف الطيور ع اشكالها تقع وانت تعرف نفسك شلون جنت لتصور تأخذ وحد ماعدهه ماضي مثلك
ادم :انتي متستحين والله
(زينه)
استيقظت في الساعه 11 صباحأ استحميت وبعدها بدأت انظف المنزل مع خالتي
اتصلت بي والدتي في الساعه ال1
امي:هلو زيزو
زينه:هلو ماما شلونج
امي:تمام بنتي انتي عبالج شلونهم
زينه:الحمدلله كلهم زينين
امي:شوكت كعدتي
زينه:بال11 ماما كعدت .
امي:شعندج نايمه بنتي كعدي من وكت عندج رجل وعيال يظلون يحجون عليج شكو هالنوم لظهاري
زينه :ماما عيالي قابلين انتي ليش ضايجه
امي:طاح حظج غير علمودج
زينه:سالم مودج حبيبتي ميار شلونهه فهودي بابا
امي:صدوك نسيت اكلج ميار حامل
زينه:صلاوات ع محمد الف مبرؤك
امي:شدي حيلج حتى نفرح بيج هم
زينه:شكراااا شكراا ع جهودج حبيبتي
امي:ابقي هيج بهاي سوالفج لحد ميمل منج
زينه:ماما مخابرتني اضوجيني لو شنو
امي:لا حبيبتي
زينه:يله حياتي سلميلي ع الكل
امي:الله يسلمج انتي هم يسلمينه
زينه:الله يسلمج
لااعلم مابها امي تحاسبني على كل شي اعتقد انها تتقصد بأزعاجي لم يكن لدي اي عمل اخر سواء انتظار حبيبي ادم قبل موعد قدومه غيرت ملابسي وضعت عطري الذي يحبه ووضعت القليل من المكياج وانتظرته
زينه:الله يساعدك حبيبي
ادم:هلو حبيبي
زينه:اتأخرت ليش
ادم:ازدحام واتأخرت
زينه:شبيك حبيبي اشو مو ع بعضك
ادم:لا مابيه بس اريد انام
زينه:اوك حظرت الحمام اسبح ونام
ادم:اي شكراا
لااعلم مابه اليوم اعتقد بسبب ضغوط الحياة والعلم اكمل الاستحمام وبعدها نام ع السرير بدون ان يتكلم معي
زينه:حبيبي
ادم:امم
زينه:شبيك ادم والله مو ع بعضك اخاف ضجت لان سويت البيضه حلوه
ادم:كتلج مابيه شي اريد انام شبيج تلحين
زينه:ماشي لتعيط ماكو داعي تعيط
ادم:زينه روحي يم امي كعدي
زينه:شنو
ادم:مثل مسمعتي اريد ارتاح
قاطعني اتصال ميار
زينه:هلو حبيبتي ع خير
ميار:هلو زيزو شفتج متصله كلت اخاف اكو شي
زينه:حبيبت اباركلج
ميار:تسلمين حبيبتي يوم الج
زينه:ههههههه لااسم الله مااريد اكلج نسيت اكول الأمي الحبوب الي عندي صار اسبوع خلصانات اريد خلي اجيبلي
ميار:اوك حياتي
زينه :باي حبيبتي
ادم:اي حبوب
زينه:حبوب مال منع حمل اي حبوب قابل
ادم:ليش دتأخذين مثلا
زينه:حبيبي انت تعرف اني اخذ من زمان
ادم:اها تأخذين من زمان لا متأخذين بعد
زينه:بس اني مااكدر هسه اتحمل مسؤليه ادم
ادم:هذا الموجود والله ست زينه
زينه:هاي شبيك اليوم ويايه اكو شي سامع شي انت
ادم:ليش انتي ضامه شي
زينه:ليش شنو الي عندي حتى اضم
ادم:مااعرف والله كمت مااعرف انتي شنو
زينه:منو شفت اليوم
ادم:محد شفت طفي ضوه وطلعي يم امي
زينه:طفي انت اني مااشتغل عندك تطرديني وتريدني اطفي
تكلم بنبره مخيفه ارتعش جميع جسدي مجرد سماعها
ادم:طفي الضوه
زينه:ماشي
لم استطيع النوم او الراحه انا اثق بزوجتي واعلم هي تحبني ولكن كلام سما كان غريب ارتديت ملابسي وخرجت من البيت رأيتها جالسه بمفردها لم استطيع ارضائها كان صعب جدا عليه
ادم:اني طالع لتنتظروني ع العشه
زينه:
ادم:سمعتيني
خرجت من الغرفه وذهبت الى الاعلى كان ملجئي الوحيد بيت اختي مروه اعاقد يجب ان اتكلم مع احد لكي يشجعني او ينصحني ماذا افعل
ادم:اسف ضوجتكم
مرؤه:لا بالعكس وين زينه ليش مجبتهه وياك
ادم:بالبيت بقت احمد وين
مرؤه :تأخر شويه اليوم بالدوام شبيك حبيبي
ادم:ماكو احد غيرنه بالبيت مو
مرؤه:اي احجي
ادم:تعبان والله باعي قبل لتحجين ودكولين اني عندي ثقه بيهه واموت عليهه شكد ماهي هي خبله وزعطوطه اني احبهه بس هذا ميمنع اعرف شنو جانت هي
مرؤه:شكو خوفتني
ادم:باعي ....
بدأة اقص عليها الموضوع من البدايه الى النهايه كانت في عينها نظرات غضب او حيره لااعلم
مرؤه:وانت شنو سويت لزينه كتلهه
ادم:ﻻ ماكدرت
مرؤه:باع اني عندي ثقه بزينه وانت كلتهه هاي جانت حبيبتك يعني حاقده لو عدهه دليل
ومتأكده جان جابته الك منتظرت كل هاي الايام
ادم:مااعرف مرؤه
مرؤه:باع لتخلي هالشي يأثر على علاقتكم حبيبي ترى الابنيه انت من البدايه كتلهه مااريد هسه طفل مو معناتها متحبك
ادم:اوووف
مرؤه:اتحب ترتاح وتفكر
ادم:اي احسن حل
مرؤه:اوك ارجع لبيتك وكول عندي ايفاد اي شي وتعال يمي كم يوم وارجع الهه
ادم:اوك انتي فهمي احمد بالموضوع ماشي باجر اجيكم
مرؤه:اوك حبيبي هلا بيك
الحياه صعبه جداا لانعلم ماذا تخبئ لنا في المستقبل كل ماعلينا فعله هو القبول والاستمرار في الحياة
من كثرة بكائي غفيت بدون ان اعلم سمعت صوت في غرفتي نظرت له يجهز حقيبه السفر لنفسه
ادم:باجر رايح اني ايفاد وارجع بعد كم يوم تحبين اخذج لبيتكم لو تبقين هنا
لم اجب خرجت من الغرفه دون ان اتكلم جلست بجانب خالتي وعمي
خالتي:شبيج اليوم تعبانه حبيبتي
زينه:لا خاله جنت نايمه هههههههه
خالتي:هههههههههه نوم العوافي
زينه:الله يعافيج خاله
عمي:ادم وين
زينه:بالغرفه
مريم:زينه خلي نطلع والله ضوجه
زينه:بكيفج وين تحبين نروح
مريم:انروح لزوراء اهلج واهلي نتونس ومروه وحمودي
زينه:اوك شكو بيهه نتعشه هناك مو غده
عمي:اي خلي نشوفلنه يوم جمعه
خالتي:اي والله نتونس
زينه:اني احجي ويه اهلي ونجهز كل شي
ادم:وين
زينه:
مريم:سفره لزوراء كلنه
ادم:شوكت
مريم:الجمعه كلنه نروح واني وزينه نحظر الاكل
زينه:هههههههه لاتعشينه
خالتي:لا اني اجهز العشه
ادم:متروحين انتي
زينه:اني
ادم:اي انتي ماكو طلعه اني مموجود شكو رايحه
عمي:بس ابني هي ويانه رايحه
ادم:لا يابه مااتروح
زينه:اوك ماكو شكال اني اروح اخابر اهلي من رخصتكم
ذهبت الى غرفتي وانا ابكي لااعلم لماذا هكذا يعاملني مالذي فعلته لكي استحق هذه المعامله
امي:شبيك ويه الابنيه وانت وين رايح
ادم:ايفاد عندي للبصره
امي:كم يوم
ادم:مااعرف
ابي:الابنيه تروح ويانه شنو تبقه وحده قابل
ادم:لتخاف عليهه تبقه شكو يعني
مريم:معقد والله
ادم:لصمي حلكج انتي
امي:كوم شوف الابنيه خطيه قهرتهه
ادم:مابيهه شي اني طالع اشتري غراض واجي
ذهبت الى الاسواق لااشتري لها بعض الحلويات ونظرت الى الصيدليه واخذت لها حبوب منع الحمل رجعت وانا افكر هل هذه الخطوه صحيحه لااريد ان اخسر زوجتي ولااريد ان ابقى بحيرتي اعدك سوف اعود افضل من قبل
ادم:هاي غراض الج والحبوب هم جبتهن
زينه:مااريد اي شي منك
ادم:بلا هالعناد وروحه لزوراء ماكو تبقين بالبيت اوك اذا رجعت وسمعت رايحه منيتج
زينه:افتهمت اوك
ادم:لتعلين صوتج عليه زينه لشقه حدود ماشي
زينه:ومنو مشاقي وياك
اخذت وسادتها ورحلت لأختي لتنام بقربها
زينه:مريم عادي انام يمج
مريم:تعالي حبيبتي عادي خير اكو شي بيناتكم
زينه:مااعرف شبي مااريد انام يمه اخاف اموته بالليل
مريم:ههههههههههه يله نامي
عن اي نوم تتكلمين كيف لي ان انام وانا تعلمت ع حضنه كيف لي ان انام وانا لا اسمع دقات قلبهه لكل منا شخص يمر بظروف تجبره على فعل اشياء لم يعنيها لكل شخص منا ظروف تجبره على خلق عالم له وحده لايوجد ضجيج الحياة معه مرة الايام وهو ليس بجانبي اليوم
جمعه وهو لم يعد الكل يجهز نفسه الى الرحله الا انا اجلس بغرفتي جائتني لولو ابنت مرؤه
لولو:زيزو ليش متجين ويانه
زينه:تعبانه شلونج انتي
لولو :زينه اني
مرؤه:ولج ليش مدكليلهه خاله
لولو:ماما هي صغيره مثلي
زينه:هههههههههه ولج
مرؤه:دكومي روحي ويانه اني اكله لأدم
زينه:لا حياتي مالي خلك والله
لولو:خالو يمنه ينام يمي
زينه:شنو
مرؤه:تشاقه وياج
لولو:لا ماما خالو ادم يمنه والله
زينه:صدوك تحجين ادم يمكم يعني ممسافر
مرؤه:اني مااكدر احجي اكيد انتو بيناتكم
زينه:اوك حقج حبيبتي
لولو:تجين ويانه
زينه:لا اروح لبيت اهلي اني
مرؤه:زينه
زينه:ادم ميريد يجي لهنا لان اني هنا اني مااعرف شنو السبب بس كوليلهه خلي يرجع اني يم اهلي اوك
ذهبت معهم لأهلي تفاجئة امي اخبرتها اريد ان ارتاح قليلا في منزلهم كيف يمكن ان
يكون ادم تغير هكذا كان يجب ان يخبرني ان اذهب لبيتي بدلا من اختراق كذبه انه في عمل لم اتصل او لم اتجرئ لااعلم ماذا حدث له
عادو اهلي في الليل وكنت انتظرهم
امي:شبيج بنتي متعاركين انتي وادم
زينه:لا ماما ليش
امي:لعد شبيج لارحتي ويانه وجيتي بقيتي هنا
زينه:ماما اجيت اتونس يمكم شبيج ويايه
امي:مابيه بنتي بس المره من تزعل متطلع من بيت رجلهه عيب
زينه:اهووو صدوك تحجين
ميار:خاله ع كيفج ويايهه ترى ماكو شي
امي:اني علمودهه غير
ابي:شلونهم وياج عيالج
زينه:زينين بابا بس امي مو زينه ويايه والله الله انطاي امه عبالك حماتي تحاسبني ع كل شي
ابي:لان تحبج غير تريد مصلحتج
زينه:بعد مااجيكم ولاابات يمكم
ابي:ههههههههه لابنتي هذا بيتج كل هلا بيج بأي وكت بس من تزعلين لا منريدج يمنه لان المره الاصيله تبقه بيت رجلهه ومحد يدري بيهه زعلانه
زينه:اعرف بابا
امي:ابوج من يحجي وياج هيج اجاوبين واني تعطين
زينه:
ابي:كل واحد واسلوبه
امي:اي عيني ابو الاسلوب
فهد:يله حبيبتي كومي انام
ميار:اوك حبيبي تصبحون ع خير
الجميع :وانتو من اهل الخير
ابي:اروح ارتاح اني
امي:وين تنامين انتي
زينه:ترى من صدك بعد مااجيكم شنو هالاستقبال هيج تنامون وتعفوني
امي:غير تعبانين والله تونسه اليوم
زينه:بالعافيه رايحه لغرفتي اني
امي:اوك بنتي
(ادم ومروه واحمد)
كنت جالس انتظر رجوعهم لبيت وكان وجوهم لاتبشر بخير
ادم:تونستو
مرؤه:امم
ادم:شكو شبيكم
لولو:خالو زينه مراحت ويانه
ادم:هههههههه اعرف
مرؤه:انتي صايره بخور السوك
ادم:شبيج وياها هي طفله
مرؤه:لا لان كل مره هيج تحجي راحت وكالت لزينه انت يمنه
ادم:شنو
مرؤه:اي والله ادم انطيني خلي اربيهه
احمد:مرؤه شنو تربيهه شبيهه هي طفله تحب الابنيه وتحب خاله متعرف كل شي حبت تسولف
مرؤه:اي هو هذا الي يخربهه
ادم:اتركو الطفله وخلي اعرف زينه شنو كالت
مرؤه:مكالت شي انصدمت واخذت غراضهه وراحت لبيت اهلهه كالت خلي يرجع لبيتهم اذا هو رايح علمودي
ادم:خرب شنو هالسالفه
احمد:اعتقد لو تفهمه احسن
ادم:اوك باجر اروح وافهمهه
مرؤه:اي طولتهه انت هم كافي ارجع لمرتك
شنو ذنبهه تاركهه
ادم:الله كريم
احسست بخيانته لي لم استطيع النوم استيقظو اهلي جميعهم احظرت لهم الافطار اشغلت نفسي بالعمل في المنزل طرق الباب وخرج فهد لفتح الباب
فهد:هلو ادم شلونك
ادم:الحمدلله شلونك انت
فهد:تفضل جوه
ادم:عمي هنا
فهد:اي موجودين تعبانين من البارحه بس مرتك جنهه جني تنظف من الصبح
ادم:هههههههههه شغلتوهه
فهد:يابه اجه ادم
ابي :هلا بي ابني
سمعت صوته اشتقت له كثيرا خرجت لااسلم عليه خوفا من اهلي ان يعلمون بما بيننا
زينه:هلو ادم
ادم:هلو زينه شلونج
زينه:تمام وانت
ادم:الحمدلله حظري نفسج انروح
زينه:اوك ابدل واجي
امي:لاتتغدون هنا
ادم:لا خاله والله امي مسويه غده ومنتظرتنه كلت اخذ زينه اخاف مضوجتكم
امي:هههههههههه لا خاله بالعكس نظفت خطيه
ادم:هي نادره هههههه تسوي بيض بالشكر
فهد:هههههههههه فاهمه الموضوع غلط هاي
زينه:كملت اني
ادم:يله اترخص عمو الكعدوه وياكم حلوه
الجميع :كل هلا بيكم
ذهبنا معا كان ينظر لي بدون ان يتكلم
زينه:انتبه لطريق احسن مااريد اموت
ادم:خايفه على نفسج
زينه:طبعا اخاف على نفسي
ادم:شلونج
زينه:الحمدلله عايشه
ادم:اني هم زين
زينه:طبعا مرؤه متقصر ويه خطارها
ادم:اي صح ليش رحتي لبيتكم
زينه:احسن ليش تترك بيتكم علمودي اني اتركه اني محبيت احجي يم اهلي بس طلكني احسن
ادم:هههههههههههههههه
زينه:
ادم:ليش منو كلج اريد اطلك اني
زينه:انت مو تكرهني ومتحبني شكو باقي ويايه ادم:نوصل ونحجي
زينه:اوك
عند وصولي للمنزل ذهبت الى غرفتي ودخل ورائي هو وقفت امامه ونظرت له
زينه:اي احجي
ادم:اوك اني سويت هيج ردت اريح بالي
زينه: بس اكعد عيني نحولت
ادم:لان كصيره هههههههه غير
زينه:احجي انت طويل زياده
ادم:اي سما حجت ويايه وحاولت تغير نظرتي بيج بس اني مصدكتهه
زينه:اي مبين مصدكت من هيج انت رحت وعفتني اذا انت ماعندك ثقه بيه شكو رجعتلي
ادم:لتبجين اني بس ردت ارتاح والله مردت أذيج حبيبتي
زينه:انت اذيتني من عفتني تعرف شنو صار بيه من هيج عاملتني من عرفت انت يم مرؤه اتأذيت اكثر والله
ادم:حبيبتي كافي حبيبي اني اسف والله مو قصدي اشك بيج
زينه:لتعوفني بعد والله
ادم:مااعوفج والله تعالي خبله مشتاقلج
زينه:مو بكدي والله
ادم:هههههه لتبجين ولج مااريد اشوف دموعج حبيبتي
زينه:اوك حبيبي لتزعلني واني ماابجي
ادم:هههههههه انجبي لج
(بعد مرؤر سنتين)
فهد:هاي شنو مرتك تحجي صدوك
ادم:جنهه طوبه والله راح تختفي خرب بحضي لو اطول شبر هههههههه
فهد:يرادلهه ابر
زينه:سمعتكم ترى
ميار:اتخبلين حبيبتي هسه بعد شهر تولدين وترتاحين
زينه:اول مره واخر مره احمل بعد لو مو
ادم:اي
زينه:اوف
ادم:عبالي
الحب ليس خطئيه نرتكبها في حقنا انفسنا الحب شي جميل يمكن ان نحصل عليه في اي وقت ولكن ليس مع اي شخص نعتقد ان الزواج التقليدي مجرد ربط شخصين وحرمانهم من حريتهم يمكننا العمل والتعب والتضحيه من
اجلها يمكننا التنازل امام من نحب كل شي في حياتنا جميل انا اعلم هناك الحزن والألم والمرض ولكن كل شي يزول وتبقى مجرد ذكره عابره في حياتنا ....
هذه حياة زينه التي تعلمت منها معنى الصداقه من اشخاص غير جديدن تعلمت ان ليس كل صديق صالح في حياتها وليس كل علاقه تكون اخر تجربه تعلمت بأن الصبر مفتاح فرج لكل شي في حياتها
جمَيل ان يگووُن لك شَخصّ يعررف مآذآ يسعدگ ليفعلہَ
و يعرف مآذآ يضايقگ ليتجنبة
النهايه ...ريتا الخفاجي