امـاني :18سنة سادس علمي
زينة & داليا صديقات اماني 18سنة وايضا سادس علمي يعيشون جميعهم في العراق
عائلة اماني مكونة من :اب وام و اماني واخ اماني صغير يبلغ من العمر 13 عام ويعتبر اب اماني صاحب اكبر شركات في البلد..
اما زينة فكانت والدتها متوفية لديها اخت تكبرها ب4 سنوات /متزوجة/ اسمها فرح واخت اصغر منها اسمها هدى وتعيش مع ابيها واختها في منزل صغير ..
اما داليا فكانت تعيش مع ابيها وامها وهية وحيدة لأهلها ولكن والديها لم يكونوا متوافقين فيما بينهم ولديهم الكثير من المشاكل ..
كان هذا اليوم هو اهم يوم بالنسبة للفتيات لأنه سيحدد مصيرهن /يوم نتائج السادس/
اتصلت زينة على اماني :
اجابت اماني بصوت ناعس : ممممم شتريدين
زينة :ولج گومي اليوم النتائج شنو نسيتي
اماني: واذا نتائج يعني اول تالي رح اشوفهن
زينة:گبر لفج رجعي نامي ..واغلقت الهاتف
فقامت اماني بأطفاء هاتفها ورجعت الى نومها
/اماني كانت واثقة من نفسها كثيرا لان كما ذكرت ابيها لديه اكبر شركات في البلد حتى وان لم تستطيع ان تأتي بمعدل عالي سيدخلها احسن الجامعات الاهلية وهي لم تكن بشطارة عالية /
ولكن زينة كانت مُجدة كثيرا لا تُظيع وقتها ابدا وتحب الدراسة واغلب اوقاتها تقرأ(سجاجة )وكان حلم حياتها كلية طب الاسنان
اما داليا فكان مستوى دراستها اعتيادي لم تكن بشطارة عالية ولكنها تنجح بدرجات جيدة ..
اتصلت داليا على زينة :
داليا: الوو
زينة: هلا دلو شلونج
داليا:بخير وانتي
زينة:خاايفة حيل دانتضر النتائج
داليا : ااي اني هم ، اكلج خابرتي اماني شو اتصللها يطلع مقفل ليش ?
زينة :اي خابرتها جانت نايمة
داليا: يااا اكو بهيج يوم واحد ينام لهسة
زينة :يعني متعرفين اماني ميهمهة
داليا: اي يلة شسويلهة بعدين احجي وياها
زينة :اوك يلة اني اروح
داليا: اوك باي
زينة :باي
،،،،،،،،،،،،،،،،،،،،،،،،،،،،
بعدها خرجت النتائج و لكن الصدمة كانت هنا !!
زينة كان معدلها 60
داليا71
اماني52
صُدمت زينة فور سماعها للخبر وبدأت دموعها تتساقط و اُغمي عليها
فتحت عينها بتعب ورأت اختها بجانبها
فرح: حبيبتي زوز تسمعيني
زينة: وين اني?
فرح : انتي بالمستشفى
تذكرت زينة ما حصل و عادت للبكاء
زينة : ليش هيج ليش مو حرام ليش !
فرح : حبيبتي كلشي قسمة ونصيب و منگدر نغير شي احنة
زينة : صارلي شكد هنا
فرح : صارلنة يوم واحد
زينة :اريد اطلع منا
فرح : الدكتور كال باجر تطلعين
زينة: لا عفية ماريد باجر ماتحمل منا لباجر اختنگت
وبأثناء الحديث دخل الدكتور وقال
الدكتور:الحمدلله ع السلامة
زينة& فرح :الله يسلمك
زينة : ااا .. دكتور ممكن تسمحولي اليوم اطلع من المستشفى
الدكتور: الباجر تكدرين تطلعين
زينة: بس ماكدر انتضر لباجر ..هاهية مابيه شي
الدكتور: بس ديربالج على نفسج
و وجه عينه صوب فرح وقال : ديربالج عليهة و اني هسة احاول
فرح : ان شاءالله ..تسلم دكتور
نضر الى فرح بنضرة معناها لا داعي للشكر و خرج من الغرفه ،عُدت للمنزل بعدها وبقت اختي فرح بجانبي و هدى ايضا كانت معي
اما انا فكانت حالتي متدهورة جدا ورأسي ملخبط واقضي وكتي بلبكاء واتذكر امي ياليتها بجانبي الان انا حقا احتاجها احتاج الى حضنها وان تخبرني بأن كل شي على ما يرام ..
اما اماني فكان الوضع لديها طبيعي لم تبالي للأمر لان والدها وعدها بأنه سيرسلها لخارج البلد لتكمل دراستها
و داليا كانت راضية على معدلها و تحب اللغة الانكليزية كثيرا فقررت ان تذهب اداب لغة انكليزية في جامعة بغداد
ذهبت داليا لبيت زينة لانها علمت بما حصل ..
طرقت داليا الباب
فتحت هدى الباب واحتضنت داليا
داليا: هلاوو حبيبتي
هدى: هلاا
داليا: زينة موجودة
هدى: اي تعالي فوتي
داليا: زوووز حياتي هاي شمسوية بروحج ليش هيج
اجابت زينة بتعب: هلو حبي شلونج
داليا: بخير ، بس ليش هيج لا تردين على التلفون وهيج مسوية بنفسج ترة مخلصت الدنيا
زينة: داليا بالنسبة الي خلصت و /بدأت بالبكاء / ليش اني هيج من دون الناس الله يسوي بية ليش !
امي واخذها مني و حلم حياتي متحقق بعد اكثر من هيج شنوو
احتضنتها داليا وقالت : ميخالف حبيبي ميخالف
مسحت زينة دمعتها وقالت : انتي شخبارج، اماني?
داليا :الحمدلله والله ضال بالنا عليج ، يلة حبي اني اروح
زينة: ماشي حياتي و شكرا لأن جيتي
داليا: ولوو كم زوز عدنا احنا
ابتسمت زينة .. و ذهبت داليا
عودة الى عائلة اماني في يوم النتائج :
خرجت اماني من غرفتها ونزلت الى الطابق الاسفل
رأت امها
اماني: اكلج مام
والدة اماني: كولي
اماني: طلعت النتائج مالتي
والدة اماني : ااا.. اي و معدلج 52
اماني: اها و رح اسافر مو
والدة اماني: اي رح نوديج لأوكرانيا
اماني: امممم
والدة اماني: اي يلا بسرعة بدلي رح يجون بيت خالتج
اماني: يلا اوك
----------------------------------
رأيكم ک بداية ?!!!
لايک وڤوت اذا عجبتك/ج
