(زينة)
بعد ذهاب صفوان قلت لأماني :
ولج هذا منوو وشلون شفتي شبساااع
اماني:هاي شبيج زينة مو حجيتلج واذا يعني
ترا عادي ساعدني وخلص
زينة:امممم اوك رح اصدك
اماني:باعي هاي، لج بابا انتي مو تعرفيني مستحيل اسوي هيج شغلات
زينة :ايي افتهمنة يلا كافي خل نروح عدنة محاظرة ثانية
اماني:ووي مابية حيل
زينة:اوك اذا تريدين ابقي هنا ارتاحي و اني ادخل وعود نقلي المحاظرة مني
اماني:اوكي حبي
زينة :يلا بايي
اماني:باي
(داليا)
ذهبت للمحاظرة وعند خروجي منها صادفت وسيم .. نظرت له وعندما نظر لي اشحت بوجهي للجهة الاخرى
رأيته قادم نحوي
ثم تكلم قائلا :مرحبا انتي مو اسمج اااا..اا
قلت انا :داليا
وسيم:اي اي صح داليا
ابتسمت له ..
ثم قال :يعني جيت اكلج انو شسمة
داليا: شنو شتگول
وسيم:جيت داگلج انو اي شي تحتاجين اني موجود
داليا:شكرا متقصر
وسيم :لا ولو
ثم ذهب .. ابتسمت☺ ثم ذهبت
(زينة)
ذهبت الى المحاظرة كتبت ما اعطانا الاستاذ ،،
ثم خرجت و ذهبت الى اماني ..
كانت تضع السماعات في اذنها
تقدمت نحوها وخلعت احد السماعات عن اذنها وصرخت في اذنها:هوووو
اماني:ووووجع شبيج فززتيني
زينة :ههههههههه يلا كملت امشي نروح
اماني :اي اوكي ..
ذهبنا الى سيارة اماني (كانت تضعها في الكراج)
وفي طريقنا قلت لها :شسويتي مسويتي من رحت؟
اماني:كعدت اسمع اغاني و خابرت امي سألت علينة
زينة :اهاا
اماني:ايي ..
زينة :وغير هيج ؟
اماني:شنو قصدج ؟
زينة:مشفتي احد .. محد اجاج ؟؟
اماني :اهوو ،،،وين تريدين توصلين ؟
زينة:لا هيج هاهية ..
اماني:.. يلا صعدي
ركبنا في السيارة متجهين للمنزل
وفي الطريق قالت اماني اريد ننزل بمطعم شي لان جعت
زينة:اوك يلا
نزلنا وتناولنا الطعام ثم عدنا للمنزل
استقبلتنا عمة اماني قائلة :هلا بنات ،شلون جان يومكم ؟؟
اماني:والله عمة تعبت بس الحمدلله يعني حلوو الجامعه عجبتني حلوة كلش
زينة : يووم حلوو .. اتحمست كلش
ايمان :عفية عليكم بناتي يلا بدلو خل اصبلكم غدة
اماني&زينة:هستوني اكلنة
ايمان: ياا ليش تاكلون .. يلة لعد روحو ارتاحو
اماني:رح اسبح واروح انام
زينة:اوك واني هم وعود نقلي المحاظرات
اماني:اوك يلا ..
(اماني)
حين تركتني زينة وذهبت للمحاظرة رأيت صفوان يهم بلخروج من محاظرته .. نظر لي وابتسم بادلته الابتسامة ثم ذهب
..(مگلت لزينة الي صار حتى لتضل تحجي وتفكيرهة يروح بعيد)..
،وجائت زينة بعدها وذهبنا الى المنزل ..
كان اول يوم متعب لكن لابأس به (^.^)
(داليا)
خرجت من الجامعه بعد انتهاء محاظراتي جميعها وفي طريقي للمنزل ذهبت بـ(خط) ومعي بنات ..
وصلت للمنزل استقبلتني جدتي بقبلة ثم قالت :حبيبتي شلون جان يومج .. اتونستني يا عمري؟
قبلت رأسها ، ثم قلت :اممم اي يعني حلو بس انطوني محاظرات ولازم اكعد اقرةة
جدة داليا :يلة حبيبتي ارتاحي شوية واكلي وبعدين اقري
داليا:اوكك فديتج
ثم ذهبت وبدلت ملابسي .. اكلت ،وبعدها فتحت هاتفي بعثت برسالة للبنات(اماني&زينة)
:ولكم هلوووووو
شنو من اول يووم نسيتوني ؟
شسوويتو مسويتو احجولي ؟؟؟!....
