مها انصدمت و سحبت أيدها و نشت..
سلامي : مها قوليله شكراً انزين!!
والريال ساكت واقف منزل راْسه ومستحي ..مها تقاطع هدوء المصعد ( مشكور اخويه) رد عليها العفو ..
من طلع من المصعد تنقع سلامه ضحك 😂😂😂 مهوه شو ياج!!
مها: سكتي عني وين ويهي من الفشله! لكن شفتييييه! وفي عيونها قلوب من الوناسه😍 .
وركبن المصعد وسارن حجرتهن السويت.
تسبحن وغيرن وتلبسن ، كل وحده لبست بجامه وربطت شعرها ذيل حصان وطلعن ع البلكونة .
سلامي تصور سناب ومها حاطه اغاني وكل وحده عايشه جوها وفجأة سلامي تنتبه انه في سيارة تحت دعمت اليدار وسيارة الريال اللي ضحك عليهن يوم يغنن (مابنكسر صابر).
سلامي تضرب مها وتقوللها: مهوه شوفي السيارة راعيها شكله سكران طالعي كيف يسوق يلف يمين ويسار.
مها: شت مينوون هذا!!
سلامي: الله يغربله شرد!!
وبعد دقايق يطلع السكيورتي ويشوف انه اليدار مدعوم والسيارة.. ويزقر المدير ويبلغه.
سلامي ماقدرت تصبر وتبا تبلغ: مها قومي اتصلي بالرسبشن.
مها: اوك . شو اقول ؟
سلامي:قولي أنه في حادث صار ف الباركنات ونحن شفنا اللي يدعم وخبريه بالتفاصيل.
مها: أوكي شو رايج انتي تكلمينهم،والله استحي وما اعرف أتكلم تعرفيني انتي.
سلامي: خلاص أنا بتصل وبرمسهم(وهي معصبه تآخذ التيلفون وتبا تتصل).
مها: اونه عاد عصبت هههه يبي التيلفون خلاص انا ارمسهم انتي روحج بتقفطينها وبتضحكين خليني ساكته احسن (وتضحك)😂.
وسلامي تضحك وياها😂😂.
مها: الو.
الرسبشن:hello madam, how can I help you?
مها خبرتهم باللي دعم وشو صار بالضبط.
راعي الرسبشن على طول اتصل للشرطة وخبرهم بالموضوع.
وصلت الشرطة قصر الامارات و فجأة نسمع تيلفون الحجرة ايرن.
مها: الو.
الرسبشن: الو ، السلام عليكم.
مها: وعليكم السلام.
الرسبشن: معاج عبدالله من قسم الشرطة، وصلنا بلاغ عن سيارة دعمت اليدار و السيارة .... الخ وقاللنا راعي الرسبشن انكم انتو شفتو كل شي وعندكم معلومات نقدر نستفيد منها.
