الرجل الخارق

شخصيتي

في يوم من الايام كعادتي صحيت متاخر علي الجامعة الساعة سبعة ونص وانا المفروض ابقي في الجامعة الساعة ٧ ايه الكسل والاهمال ده ، المهم قمت في السريع اخش الحمام واخد دش ياااه انا مالي هبطان كدة ليه النهاردة، كله من السهر قدام التلفزيون العبيط طلعت من الحمام جررري علي قوضتي حضرت لبسي جينز اسود وقميص ابيض وجزمة بيضا وبعد ما خلصت رحت نازل السلالم ورحت الصالة افتح التلفزيون ايه البرود ااي انا في ده رحت قافله قبل ما بابا وماما يصحوا علي فكرة بابا بيروح الشغل علي الساعة ٩ وماما بتصحي.متاخر اساسا المهم دخلت علي المطبخ بعملي ساندوتش في السريع مربي بزبدة الفستق وحطيته في الشنطة سمعت صوت بابا وهو بيفتح الباب وهيدخل الحمام انا استخبيت بسرعة قبل ما يشوفني عشان لو شافني انا لسه في البيت وما رحتش الجامعة هيبهدلني اول ما دخل الحمام رحت اجري علي الباب هههه عايز اخلع لو اتقفشت هيبقي يومي اسود وانا ماشي رايح الجامعة علي فكرة الجامعة قريبة من بيتنا يعني ربع ساعة واكون في الجامعة وانا ماشي طبعا بفكر لسه هقابل نفس الاشخاص ونفس الناس انا زهقت امتاا بقي اخلص جامعة واشوف حياتي واعيش حر