الرجل الخارق

في البيت

فتحت الباب بسرعة ولقيت ماما بتحضر الغدا وبتقولي
ماما ; ايه الي رجعك بدري كدة اكيد عملت عاملة مهببة .
انا ; مش.قادر يماما بطني بتتقطع .
ماما.جريت عليا وراحت جابتلي دوا من الخزنة حنونة اوي ربنا يخليهالي اول ما اخدت الدوا طلعتني قوضتي عشان ارتاح فيها شوية .
ماما : حبيبي انا تحت لو عايز حاجة اندهلي عاي العموم انا اديتك مسكن قوي هيريحك .
انا ; شكرا يماما انا هنام شوية .
ماما ; ماشي يحبي
وانا نايم صاحي كدة علي السرير بفكر ايه الي وجع بطني كدة انا ما اكلتش حاجة اصلا لقيت في نور وشعاع طالع من جيبي انا اتخضيت في الاول بس المنظر تحفة دخلت ايدي في جيبي وطلعت الحجر لقلته بيشع بشكل جميل اوي وفجاة الاقي الحجر خبط في قلبي بشكل مرعب ايه ده ازاي ..... ايه ده الحجر صرخت باعلي صوت الحقووني في طووووبة خشت في قلبي ااه مش قادر واغمي عليا وفقدت الوعي .
ماما ; شادي شادي
بابا بيصحيني شاادي انت كويس.
انا ; ايه ااي حصل .
ماما : دخلت لقيتك واقع من سريرك وبتترعش في ايه ي حبيبي في حاجة تعباك حاسس بحاجة .
بابا : لا انا لازم اوديه المستشفي انا هتصل بالاسعاف .
انا ; ملوش لازمة يا بابا عادي انا الحمد الله كويس مفيش حاجة .
بابا ; يعني مش حاسس بحاجة في شي بيوجعك .
انا ; لا.الحمد الله كويس .
بابا ; طب.الحمد الله انا رايح الشغل.
ماما : خالد انا عايزة حاجات مم السوق .
بابا ; مش فاضي يا نهى ورايا شغل انزلي انتي ولا اقولك خلي بالك مم شادي واقعدي النهاردة واي حاجة اكتبيها في ورقة وانا اجبهالك .
ماما ; ماش يحبي . شادي هسيبك ترتاح شوية انا في المطبخ بعملك غدا .
انا ; ماشي يماما شكرا .
انا ايه ااي حصلي في سر وسر كبير كمان ، نزلت الصالة اتفرج علي التلفزيون شوية زهقت من النوم قعدت علي الكنب المريح لقيت الريموت بعيد عني وانا مكسل اقوم واجيبه اصلا لقيت الريموت طار في الجو وجاه عندي انا خايف وفي نفس الوقت مندهش ايه الي حصل ده الريموت جالي فصرخت ماما تعالي بصي بسرعة بس فكرت وقلت هتقول عليا مجنون واهبل وهتوديني المستشفي .طبعا جرت عليا بجنون .
ماما ; مالك يحبي انت كويس في ايه بسرعة هتصل ببابا .
انا ; لالالالا ههعععع كنت بناديلك عشان تتفرجي علي حتة من الفيلم الجامد ده . بصتلي باستغراب كانها بتقول في بالها مش هتبطل هبل بقي .
ماما ; لا يحبي مش فاضية لافلام انا ورايا شغل في المطبخ كتير .
انا ; ماش
ايه هيا دي قوة خارقة ولا ايه طلعت قوضتي لقيت فرشتي علي السرير قلت اجرب كدة واعمل زي ما عملت في الريموت فكرت وتمنيت ان الفرشة تجيلي وتسرح شعري ايييييه ده الفرشة بتطير وبتسرح شعري ايوووة بقي انا فرحان انا مبسوط استنوا لم اروح الجامعة وافاجأ اصحابي هههه هو انا ليه بضحك زي الشرير كدة