احمد_شوفي ست سارة من ورة عنادج تأخرنه ..
سارة _هسه مو اجيت وياك ليش تلح ..
سرنا في الطريق لمدة طويله ثم توقفنا على الشاطئ وكان اصدقاء احمد موجودين كان هناك ثلاث فتيات وثنين من الشباب ..ادم شاب طويل القامه لون وجه اسمر قليلا ولديه غمازة تظهر كلما ضحك وكان يضحك كثيرا حتى في احيان كنت اظنه يتصنع اظاهرها وشعره اسود ..ريم فتاه متوسطه الطول شعرها طويل اسود وحنطاويه وجميله العينين واسعتين ...
ماري _هي فتاة قصيرة ذات شعر اشقر وعينين اخضراوتين وكانت شخصيتها مرحه جدا ...كان احمد ينظر لماري بأعجاب لاحظت هذا من لقائنا الاول ...اما يوسف فهو شاب هادئ جدا متوسط الطول وذوا بشرة حنطيه وعينين عسليتان وكانت ملامحه تدل على العفويه واللاطفه ...
احمد_..سلام ..شباب ...
ادم_اهلا واخيرا شرف احمد جزعت منكم ومن حجيكم اريد احجي ويه واحد عراقي ..
ريم_اهلين احمد نورت ..
ماري_امنيح اجيت كان ادم راح يقتلنا بحكيوا ..
يوسف_اهلا فيك .
احمد_اسف اتأخرت بس لحد مااقتنعت اختي غير شباب بنات اعرفكم على سارة بنت عمتي واكثر من اختي ...
ادم_عراقيه ياهله وميت هله بريحه هلي
ريم _اهلين حبيبتي تشرفنه فيكي ..
ماري_اهلين سارة واخيرا حنخلص من كلام ادم عن الظلم وانوا وحيد ...
يوسف _نورتينا شو مهدومه..
سارة _الشرف لنه اتمنى ماازعجكم ..
كانوا اصدقاء رائعين كانوا يضحكون و يغنون ويركضون حول بعض ويرمون على بعضهم بالماء كنت اشاهدهم من بعيد وكان احمد معهم رايت ادم يقترب مني ..
ادم_ خير سارة ليش متجين يمنه تعالي لتخاين منذب عليج المي
سارة_لا هيجي احسن خليني مرتاحه ...
ادم _لا تعالي يمنه ..اخاف مريضه اجيبلج شيء اشو ترجفين ..
سارة_مريضه (شعرت بغصه في قلبي اني لا استطيع المرح معهم لكن لا لن استسلم للمرض ) لا مابيه شيء اصلا فرحانه و جايه وياك هسه ..
احمد _سارة شنو الي جابج اهنا روحي كعدي ارتاحي اخاف توكع..
قاطعته...مع نظرة مني بأن يوتقف عن الحديث
سارة _احمد مابيه شيء اني شقتلك كتلك افلاونزة وصرت زينه لتنسه ...
ماري_يلا بينا هلق بداء اللعب عن جد ..
كنت مستمتعه جدا اضحك والعب بالماء كأني قد عدت في العاشرة من عمري كأني لم اصب بالمرض وكأني اولد من جديد ...
جلسنا حول النار التي اشعلناها
احمد_سارة هاج هاي البطانيه ادفي بيه لان ملابسج تبللت ..
ادم _طبعا اذا هيه متكعد راحه ظلت بس تذب مي علينه لحد ماببلناهة ...
يوسف _خدي المي هاد اشربي اكيد اعطشتي وتعبتي ..لان مبين عليكي .
ادم _ياا تعبانه شوفه مثل الحصان الي مثلهة ميتمرضون ههههههههه ..
احمد_ادم شبيك ويه سارة عوفهة بحاله ...
سارة_ههههههههههه ضحكت من كل قلبي لان كنت اتمنى لو صحيح كلامهة ..احمد عوفه اصلا اني مزعلانه من حجيه خلي على راحته ..
ريم _يي كيف حتخلصي من كلام ادم فوق منها رفعتي الرايه البيضه يعني راح يشتغلك ...
سارة _ههههههه عادي اصلا اني فرحانه بيكم ميهمني شنو الي يقوله ..
ادم_يعني هسه اني طلعت مو زين راح اسكت هاا
ماري_الله شو حلوا الهدوء ...
ريم_سارة انتي محجبه ..
سارة _ليش اخاف على الاشال الي فوك راسي ...هذا ستايل جديد عجبني شفت الاماراتيات يسووا ...
ماري_بس احنه هلئ على البحر فيكي تشيلي ..
انقذني صوت ادم
ادم_بس هيجي احلى خليه لابسته انتوا شنو ظاركم لو غيرة لان طالعه حلوة بي ..
صدمت من قول ادم ..شككت للحظه ان احمد اخبره لكن لا انه لا يبدي اي شفقه في عينيه واحمد قال لي ان اصدقائه لايعرفون بمرض ..
يوسف _تعالوا نشوف القمر وهوة منعكس على المي ...
سارة _(اشعر بدوار ياللهي لا اريد السقوط الان المفروض ان اعراض العلاج اختفت بعد شهر لما الان)
وبينما نجن واقفين امام البحر لم اشعر سوى يدين تضمني ..هل هي يد احمد ...لا هذا الصوت ليش صوت احمد
احمد_ادم اني راح اجيب السيارة واجي بسرعه خليك يمهة .
ادم _بسرعه احمد لتتأخر ..
ريم _ياربي شو الي صار ليش هيك تعبت ..
ادم_سارة سارة تسمعيني سارة كعدي ..سارة
سارة _اني وين ..احمد اريد احمد
ادم_احمد راح يجيب السيارة هيه بالكراج اسكتي بس لتحجين اخاف تعبين ..
ادم_(بعد عشر دقائق وصل احمد بالسيارة حملتهاكانت مثل الملاك بين ذراعي ادخلتها الى السيارةوبقيت بجانبها كنت اتحدث مع احمد )احمد خلي نأخذهة للمستشفى قريب منا شوف شلون تعبانه وتتألم
احمد_ماكوا داعي بس نأخذهة للبيت وهيه ترتاح
ادم_بصراخ يأخي شنو هل البرود اكللك البنيه تتألم هيه مو مثل اختك ليش تصرف هيجي ...
احمد_ادم لتلح كتلك اهلهة يعرفون حالته ..
ادم ...احمد انته صدك تحجي
احمد بصراخ ..اي صدك احجي من اختي تتعذب ومااكدر اساعدهة صدك احجي من مريضه بالسرطان وماعندي شيء اقدمه صدك احجي ..
ادم _بصدمه سرطان ...
سارة _(فتحت عيني بين يدي ابي ابتسم لي تذكرت احمد والذي حدث تذكرت صوت ادم وهو خائف عليه قلت الابي) بابا احمد موجود ..
الاب_اششش حبيبتي ارتاحي هسه وبعدين تشوفي
سارة _بابا هسه اني ارتاحيت اريد اشوف احمد
الاب_احمد ..احمد تعال سارة تريد تشوفك ..
سارة _بابا ميخالف تجيبلي مي عطشانه
الاب _حاضر بنتي
احمد_شلون صرتي
سارة _احسن ..اسفه خربت طلعتك بسببي
احمد_شوفي مال خربت فهي خربت من وراج اكلت رزاله محترمه من عمتي بس لتخافين تعوضيه اليه بطلعه ...
سارة _هههه بعيوني ..صدك احمد ..ادم اقصد اصدقائك عرفوا انو اني مريضه ... وشنو مرضي
احمد _(تذكرت حجي ادم ويه سؤال سارة ..احمد سارة مصابه بالسرطان هاي الملاك هيجي بيه ...اسمع ادم اني مكتلك شيء ولا عرفت انته بالمرض لان سارة اذا درت يجوز تنتكس صحته اني وعدته مااكول الاحد ...)لا سارة محد درة كتلهم بسبب الفلاونزة وخلص
سارة _اي همزين هسه اتاحيت يلاروح اريد انام تعبت احمد_حضرتج اطرديني بس يلا اهم شيء انتي بخير
