رحل احمد لم اكلمه منذ يومين ولا يرد على اتصالاتي ربما كنت قاسية معه اكثر من الازم انا لا استطيع العيش من دونه حقا هو اخي وصديقي وابن عمي وكل شيء بالنسبه الي ربما كنت قاسية معه بكلماتي تلك لكني لم اكن اقصد ان يبتعد اردت ان يفهم قراري فقط ويشجعني لا ان يتركني ...
سارة _ ماما ..ماما ..احمد مديرد على اتصالاتي شأسوي .
ماما_ حبيتي اكيد مشغول ..هسه اخابر عمج حتى يجون يتغدون يمنه و تشوفين احمد .
سارة _ اي حبابه ماميتوا ..اني راح اطلع اكعد بالحديقه .
ماما _ لبسي شيء على تشيريتج خفيف اخاف تبردين حبيبتي .
سارة _ اوكي ماما بس الجو زين مااريد .
خرجت وجلست في الحديقة وعيني على بيت عمي لم يكن موجوده سيارته ربما حقا مشغول بالامتحانات ..
سارة _ ييي نسيت اليوم كون العصر نطلع ويه ادم متواعدين على الهدية ...اففف احمد ميحاجيني واني ماأخذت رقم موبايل ادم شلون هسه ..
بقيت انظر الى المارة على الطريق الى ان غفوت ..
هناك لمسة يد على كتفي اه انه شيء دافئ ..
صحوت وارأيت احمد قد وضع سترته على كتفي ..
احمد _ الجو صار بارد كومي كعدي جوه ..
سارة _ (بعيون دامعه ) احمد ..احمد ( احتضنته وبكيت ) لتعوفني حباب انت اليد الي تقويني انت اخوية وانته صديقي انته كلشي بالنسبة الي واني اسفه بس ردتك تشجعني ..
احمد _ اشش اششش (ويمسح على ظهري) انتي اختي الصغيرة الي اخاف عليه اكثر من روحي واني اسف عصبت عليج بس اريدج دوم ويانه اريدج قويه متستلمين ...وقرارج راح احترمه وراح ابقى وياج مهما كان قرارج واقويج .
سارة _ (ابتعدت عنه وانا ابتسم ) انته احلى اخ بالدنيا كلها .
جود _ واني ..مو اخوج الحلو .
سارة _(ركضت الى جود واحتضنته وقرصت خدوده ) انته احلى اخ بالعالم انته حبيبي وبس .
احمد _ سارة يلا امشي خلي نتغداء ورانه طلعه ادم راح يجي يأخنه نسيتي شسويتي بيه علموده .
سارة _ ايييي واخيرا راح اتونس .
احمد _ لا صدك عاد احترمي وجودي تره ادم صديقي يعني .
سارة _(بخجل ) لا قصدي يعني راح نطلع سوة لتفهم غير شيء .
واتى ادم ...
ادم _ هلو شلونكم .
سارة واحمد _ الحمد الله .
ادم _ اخاف عدكم موعد او شيء اني اسف ترة نكدر نأجلهة .
ادم ينظر الى احمد مستفسرا ..
سارة _ لا معدنه شيء .
ادم _ احمد ممكن اكلمك دقيقة .
احمد _ سارة اصعدي بالسيارة عما اشوف ادم شيريد..
سارة _ اوكي .
ابتعد عني احمد وادم لمسافه بعيده قليلا ..
ادم _ انتوا ليش مارحتوا للمستشفى مو المفروض عدكم موعد ..
احمد _ لان سارة ..سارة بطلت بعد متأخذ جرع تريد تعيش حياته بدون الم .
ادم _ بس شلون ..خاف تموت ..ميصير هيجي لازم توقفه لازم تعيش معقوله هاي الملاك معقوله تسكت انته مو تكول هاي اختي واني احميه حتى من نفسهة..
احمد _ حاولت ادم حاولت ومقبلت وتعاركت وياهة ومقبلت ...
ادم _ احمد ..احمد اني احب ..احب سارة ..احبه لان هية طيبه ورغم الي دتمر بي هية قويه احبه لانه برئ مثل الملاك مااريد اخسرهة احمد (بدأت الدموع تتساقط من عينيه العسليتين ) .
احمد _ (بصدمه ) انته تحب سارة ..بس كتلك هيه مريضه ...ادم رجاء هل الحجي مااريد سارة تدري بيه مااريد سارة تكول خان الوعد وحجيت عن مرضه الاحد ماريد سارة تتأذه ..ادم اتوسل بيك .
ادم _ احمد سارة هسه صارت ملاكي ومستحيل ااذيه بكلمه وحده انته شنو تكول ..مسحت دموعي وكلت الاحمد يله امشي سارة اكيد هسه تشك بشي لان عفناه وحده بالسيارة ..
لقد عدت بسرعه الى السيارة والدموع تنهمر من عيناي نعم لقد سمعت كل شيء سمعت اعترافات نوعين من الحب... حب اخ وصديق ربما لن اجد طوال حياتي مثله ومثل حنانه ..وحب حبيب وعشيق يحب بكل جوارحه متعلقا بأمل بسيط رغم ان كلا حبهما سينتهي عن قريب رغم انهما يعلمان ان حبهما لن يستطيع شفاء مرض قد اكل جسدي لكنهما مستمران بقتلاهما ... الحمد الله واشكره كثيرا فقد اعطاني كل شيء اعطاني اب وام يعشقاني بجنون ...اعطاني اخ وصديق يحبني اكثر من نفسه ...والان هاقد اعطاني اكبر امل احيا به اعطاني حبيبا وقلبا يعشق اعطاني نبضات تستمر حتى بعد الموت ..
لهذا انا محظوظه فالحمد لك يارب
