اهلاً وسهلاً ومرحباً ومسهلا .. اشتقتولي صح ؟
المهم أني قاعده اشوف السب والشتم كل ماله يزيد !وسالفه:"انتي تقلدين وتستنسخين رواية....،" وهالجزئية تندرج تحت مسمّى تشابه افكار ليس الا!،على أي اساس تتكلمين بحق الكاتبة وهالشيء له تأثير بتفاعل الرواية ، يعني مثلاً انتي جيتي لوحدة من الكاتبات وقلتي انتي تقلدين رواية كَذا وبعض القارئين قرو تعليقك هذا ممكن يصدقون كلامك بدون أي برهان ويحذفون الرواية وينتقلون للرواية اللي كتبتيها بحُكم ان احد مقلدها ، مع ان الموضوع بس تشابه افكار ؟ يعني معليش كل شي له حدود ! وقبل كل شيء قبل تتصرفين وتتكلمين تأكدي من تاريخ النشر وانتبهي اهم شيء انه ماتكون نفس اسم الرواية وماتكون في تشابه كبير في الكوڤر-الغلاف- وكمان ماتكون الاحداث متشابهه مره! اما الاشياء الباقية مايعتبر تقليد لان الوتباد مستحيل مايكون فيه نفس الافكار ونفس المشكلة والحل ..
..
المهم ماكان هذا موضوعي 🙏🏼😂
بكتب قصص مكررة بنظري دايم اقراها وهالشيء ممُل جداً جداً ، مهما كان الفرق بين الروايتين بالسرد بس ان كانت نفس الفكرة فعلاً شي يطفش يخليني احذفها!، ف عشان كذا اقرو الافكار :👇🏼
1. فكرة الزواج الاجباي ، بالبداية كلهم يكرهون بعض وفجأه بدون أي مقدمات يحبون بعض !
2. غيرو الشخصيات لان خلاص اعتقد كل واحد بقوله زين راح يقول : بارد ، متجرد المشاعر ، ووطبعاً يدير شركة ! غيرو من هالشيء بالعكس مثلاً خلو شخصيته مرح لطيف يضحك او اللي حابينه ..
3. لاتاخذون فكرة مسلسل ابداً ابداً ابداً يعني وحده الله يستر عليها كاتبة فلم انا شايفته ونفس الاسم ونفس الاحداث حتى الابطال وعلساس انها هي اللي مألفه كل شيء !
4. اذا كان من ضمن احداث روايتك مرض في احد من الابطال اعرفي كل شيء من الالف للياء ، من اعراض المرض الى اسبابه الى مضاعفاته الى علاجه .. السالفه مو لعبة ترا بس تطري فكرة المرض على بالك تكتبين وانتي مو عارفه شيء عنه!
5. قبل يكون تسريع احداث ولمن كنا نشتكي منه صارو يبطأون الاحداث .. يعني مافي حل وسط ؟
6. الاعمال وكأن مافي أعمال بالدنيا غير مصمم ازياء او غيره ومدير شركة .. ترا في أعمال كثيرة وحلوة مثلاً : راقص،سكرتير،مصّور،كاتب صحفي،رسّام،بائع ورود،طبيب اسنان،مرّبي في حضانة اطفال،لاعب كرة قدم او سلّة،معلمة،طبّاخ في مطعم،ممثل،ربّة منزل،خياطة .. يووظائف كثيرة وابعدو كل البعد عن النادل لان هالشيء مكرر بشكل فظيع .
المهم .. فلنفترض انه احد من الكاتبات هنا كتبت رواية عربية وكل شيء فيها كان بحدود وشي معقول .. تعتقدون انه راح يجيها تفاعل ؟ لان الفكرة بدت تنبت براسي !
الى لقاءٍ قريب بإذن الله👸🏻👋🏿..
أنت تقرأ
| Best Novels |
Разноеما ادعم لأي شخص يطلب مني شخصياً دعم ، ادعم من وجهه نظري واذا الرواية فعلاً تستاهل من جميع النواحي . - ماستقبل اي شخص يطلب دعم وراح ارفض طلبه . - ما ادعم روايات شاذة وروايات مُنحرفـة .
