السلام عليكم
هالمره بغير مو نصايح ولا نشر ، هالمره بحاول افيد اللي يبغو يصيرو كاتبات من جميع النواحي سواء كيف تكتبي كويس او طريقه تكوين الفكره والاحداث وكذا !
<1>. اول نقطة للي يبغون يصيرون كاتبات بس ماعندهم الموهبة او القدرة ! راح اذكر اشياء كثيرة تساعدك لاني جد مجربتهم كلهم واللي قد قرا اول بارت من we met again مقارنةً ب آخر بارت من وقعت بِه فرق شاسع لان كتابتي مره تطورت ! مو شوفه بالنفس بس فرق كبير .. المهم اول حاجه اشتري دفتر وضبطيه كويس وخليه للمذكرات ، الفكره طفوليه شوي بس بتفيدك كثير قبل لاتنامي افتحي الدفتر واكتبي فيه كل احداث يومك من الالف للياء بالفصحى طبعاً بالبدايه راح تكون كتابتك سيئه بس مع الوقت تتغير وتعرفي مصطلحات اكثر ! اول ماتعلقي مثلاً على كلمه انتي مو عارفه كيف تنقال بالفصحى وحاولتي تتذكري او حاجه بس ماقدرتي اسالي كاتبة ف الوتباد بتساعدك اكيد .. ثاني حاجه اقرو كتب وروايات كثيرة ومع الوقت ببتتعودين وبتعرفين مصطلحات باللغه الفصحى كثيرة واسلوبك بالكتابه بيحلا والله ! اذا ماعندك القدرة تشتري كتب في ابديت اسمه " المكتبة الجامعة " فيه كل الكتب الموجودة ف جرير وهو فري وفي الوتباد روايات جداً جميلة واللي دعمتهم هنا بعد ! اسلوبهم جداً جميل وحلو ويفتح نفسك .. وحاولو تبتعدون عن الروايات اللي تذكر تفاصيل اباحية وجريئه وانتو طبعاً استمرو لاتفقدين الامل بيومين ! يبغالك على الاقل شهر .. شهرين اول اقل بكثير على حسب الكمية اللي تقرينها وتكتبي ف مذكرتك .
<2>. ثاني نقطة للكاتبات اللي عندهم الموهبة بس ماعندهم فكرة للرواية او الكتاب ! او كيف يبدون البارت ويسردون الاحداث وكمان الكوڤر وايش الاشياء الاخطاء الفادحة اللي مهم انك تتخطينها وتنتبي لها
نبدا ب فكرة الرواية ،اول شي حاولي فيها قد ماتقدرين مايكون فيها تقليد لرواية قريتها او فلم شفتيه حاولي تكون الرواية مبتكرة منك وانتي مألفتها مو شخص ثاني ، ابتعدو عن الاشياء المكررة الاسماء المكررة والشخصيات والمدن المكررة حاولو تكون الفكرة شي غريب على القراء وف الفكرة لازم يكون فيه شخصيات اوقات اماكن مشكله وحل بدايه ونهايه ! ثاني شيء كيف الكوڤر خليه يجذب قد ماتقدرين عشان تكسبي قراء اكثر .. لان وبصراحه لو ماكان الكوڤر يشد الانتباه وحلو محد راح يقرا روايتك حتى لو كانت حلوه . في حسابات كثيره ف الانستقرام تعملك كوڤر للوتباد وحلوه مره اذا ماتقدرين تعملين بنفسك وماعندك الوهبة لهاذي الاشياء ، اما اول ماتبدين البارت بس ماعندك فكره عن الاحداث اللي بتصير فيه روحي الملاحظات وفكري واكتبي النقاط اللي فكرتي فيها للبارت يعني مثلاً :
-ف البارت 25 راح يموت لوك
-كاميلا تروح لعملها وبعده تروح لمعهد الرقص ويتصلون عليها من المستشفى يصدمونها بخبر وفاة لوك
-يكتشفون اصدقاء لوك ان وفاه صديقهم العزيز مدبرٌ له ليس صدفه
كذا يعني .. ماعليكم من الامثله بس حاولت اوضح يعني وبعدها ابدو اكتبو البارت من ..... الى !
لاتطلبون دعم كثير وانتي البارت حقك قصير ومايستاهل لا! انتي بنفسك اجتهدي انشري قصتك ف مواقع التواصل الاجتماعي خليها تجذب اكثر بيجيك كومنت وڤوت اكثر !
رابع شيء انتبهو للاخطاء المكررة الكثير يشهدها وذكرتها بهالحساب ف تويتر " Arabic_wattpad "
انتبهو لها كثير عشان ماتطيحون فيها .
<3>. شي يقهر ف القراء لمن يقرو ويطلعو لايقلبي لا ترا اناملي الحلوه تعبت وهي تكتب لك عشان تستمتعي واخر شي بارده مبدره تقرين وتطلعين ! وطبعاً ارجع واقول مرح يفهم على هالنقطه الا الكاتبات حتى بعضهم صارو يهددون انهم يقفون الروايه ههههههههههه 😂😂😂
لا جدياً يعني ونصهم يقولون بيتفاعلون بيتفاعلون واخر شي كلام بلا فعل .. عل العموم ان قراتي هاذي النقطه تذكري بيجي يوم تسوي فيه شي ومحد يدعمك ولايحفزك انك تكملين ! وبلاش سب كفايه حتى برمضان والله اشوف ناس تتقاتل مع بعضها مرح تموتون لو ماسبيتو او قللتو من احترام بعضكم ! واللي مو يسب لا العن اللي يحطمك ويقول "يع، خايس، وش هالاسلوب.....الخ" قسماً عظماً محد جابرك تقرين ! وش قله الادب هاذي مو لهدرجه يعني ارتقو بالفاظكم شوي . ماقول اني ام الاخلاق والادب لان متاكده احد بيعلق على هالشي بس ماحطم واقل ادبي صيري افضل منهم خصوصاً اننا ف شهر فضيييل ، و التقليد في فرق لما تقلدين او تقتبسين شي بسيط اقتبسي ولاتقلدين ! التقليد مرح تكسبين شي اول حاجه محد راح يتفاعل معك وبيحطمونك لانك مستنسخه عمل غيرك ثاني شي والاهم انتي بنفسك تتوقعين لو جاك تفاعل ومدح بتنبسطين ؟ لا طبعاً لانك عارفه بقلبك ان هالشي مو من حقك مو انتي اللي كتبتي فيه وتعبتي عشان تنبسطين .
المهم ان شاء الله افدت الجميع اذا في سوال ف الكومنت وبجاوب 💛💛💛
أنت تقرأ
| Best Novels |
De Todoما ادعم لأي شخص يطلب مني شخصياً دعم ، ادعم من وجهه نظري واذا الرواية فعلاً تستاهل من جميع النواحي . - ماستقبل اي شخص يطلب دعم وراح ارفض طلبه . - ما ادعم روايات شاذة وروايات مُنحرفـة .
