امانه لاتطلع حرارة انفاسك بحضن غيري

البارت الثالث عشر

دانه بتوتر:انت وش تبي؟؟

انفاسه الحارة تلحف على وجها..
تركي بنفس عصبيته:الظاهر انك نسيتي من انتي..وليه انا تزوجتك؟؟

دانه بعدت عنه بس هو كان اسرع منها وقربها منه اكثر واكثر..لدرجه الاتصاق..

دانه توترت من قربه مني:انت وش سالفتك؟؟وخر عني..

تركي بحده:اسمعي زين يابنت الناس..انا جايبك هنا عشان تخدميني..مو عشان تتسلين وتعاندين..

دانه:اوكي..مقلت شيء بس ممكن تبعد عني..

تركي:.....

دانه باندفاع:كتمت نفسي..ابي هواء..

وهد يده منها..وبعدت عنه دغري..

دانه التفت له وبكل جديه:اسمع ياسيد..انا ماغسلت الصحون تبع الفطور..وابيك انت تغسلهم عني..

تركي بق عينه لابعد حد:نعمممم..وش قلتي!!!
دانه ببرائه:ألي سمعته..واحين يلا ع المطبخ..
تركي مازل في صدمته:.......
دانه بدلع:انا بروح اسبقك للمطبخ..مشان اعلمك ايش تسوي..

الجوري ركضت لحضن دانه:ماما..
دانه رفعتها وباستها:حبيبه الماما انتي..
تركي افاق من صدمته كلمه
ماما
ماما
ماما
تركي اقترب مني وبحده:ذي مو بنتك ياست دانه..
دانه:......

الجوري باندفاع:لا ذي ماما..

تركي يحاول يمسك اعصابه:جوجو ذي مو امك..
الجوري بعناد وضمتني:لا ذي ماما..
تركي بعصبيه:الجوري انا وش قلت؟؟
الجوري بصيااح:اااااه...آآآآه
دانه ضميته بصدري بقوة:خلاص حبيبتي..
تركي:......
دانه بحنان:هو ميقصد انه يصارخ عليك..بس ماما..خلاص.."التفت له وبحده"وانت حسابك معي بعدين..
تركي في حاله ذهول...
صعدت الدرج ودخلتها غرفتها..وعملت لها شور..وسرحت شعرها..ولبستها بجامه حلوة بلون الاصفر الكريمي..واندماج الازرق عليه..
الجوري بحزن:بابا مايحبني..
دانه نزلت لمستوها وبحب:لا..البابا بيحبك..حييل بعد..بس هو معصب لانه تعبان من الشغل..
الجوري:بابا ولا مره عصب علي..
دانه بتفهم:قلت لك ياعمري..البابا تعبان من الشغل..واحين يلا حبيبتي مشان تتغدين..
الجوري مدت بوزها:ماابي اتغداء..
دانه بابتسامه:ان مااكلتي مراح اكل...
الجوري:......
دانه مسكتها من يدها:يلا حبيبتي..
ونزلت معي وتوجهنا للمطبخ..
وكبيت الغداء وساعدتني في توزيع الاطباق فوق الطاولة..
دانه:حبيبتي انتي اكلي..وانا بنادي البابا اوكي..
الجوري بابتسامه:اوكي..
رحت في المكتبة بس ملقيته...صعدت فوق لغرفته..
فتحت الباب..سمعت صوت صنبور الماي..
دانه:تركي..ماتبي تتغداء..
طلع من التوليت..
صار وجهي مليون لون..لما شفته..
كان لاف الفوطه بجسمه..توني ادري انه جسمه رياضي..
تركي:خيرر..وش تبين؟؟
دانه بحيا وعيوني تحت:تبي تتغداء..
تركي يم التسريحه:لاتسوين نفسك تستحين..
دانه:.......
تركي بامر:تعالي..
دانه:.....
تركي بعصبيه:تعالي..
خفت منه واقتربت وعيوني مزالت تحت:نعم..
جلس في كرسي التسريحه وبامر:يلا نشفي شعري..