لخاله/ نجود لاتنسين اني أم وقلبي حاس أن فيه شئ بنتي في ايامها الأخيره مهب بنتي كل شوي بالنت ودايم معصبه ولاتأكل ولاشئ تكفين قوليلي السالفه
نجود تحاول ردها يكون مقنع وبابتسامه مصطنعه/ يوووه ياخاله فكرك راح لبعيد منصور هذا ممثل وكنت اتهاوش انا وساره بسبته وهذي السالفه
سكتت الخاله وحست نجود أنها ماأقتنعت بعدين قامت ورجعت معها دفتر احمر وعطته نجود قالت هذا عطتنيه ساره بعد مامشيتي أخر يوم
وقامت الأم تبكي وتحاول تكمل
وقالت لي يمه عطيه نجد وتكفين لايأخذه احد غيرها
حاولت نجود تتمالك نفسها قدام خالتها وأخذت الدفتر وقالت/ وحدي ربك ياخاله ادعيلها بالرحمه
وقعدت نجود معها شوي وبعدها رجعت للبيت وهي منهاره بعد تحملها الألم في بيت ساره وانفجرت دموعها بعد ماكانت حابستها
وعلى طول تصفحت الدفتر لقت فيه ورقه خارجيه وكان مكتوب فيها-
""نجد انا عارفه انك منقهره
مني عشان الغلطه الفظيعه اللي سويتها لكن صدقيني من قال الحب أعمى ماكذب والدفتر هذا كتبته بعد هوشتي مع منصور فيه كل شئ عنه عرفته
واذا انتي قريتي الورقه هذي معناها أني بترابي
فكل اللي أبيه منك هو أنك تذلينه مثل ماذلني وتكسرين قلبه مثل ماكسر قلبي واذا كانت معزتي عندك على خبري عارفه انك ماراح تقصرين بحقي
واييييه صح مازلتي مصره انك تأخذين توم كروز اجل ابسط ياعم ماراح اقعد بينكم وصوري معه على راحتك
بس لاتنسين تدعيلي وأنا أختك
صديقه الطفوله والشقاوه
ساره""
بعد ماقرت الورقه افتحت الدفتر ولقت معلومات عن منصور وعن طريقه لقاءها فيه
وكيف غيره إيميله الأول وقال امسحيه وعطاه إيميله الثاني وأنه من عائله غنيه وهو أكبر أخوانه
وبعض صفاته انه مرح ومثقف ومدمن نت ورومنسي وأماكن تواجده خصوصا بالمنتدى حق نجود وساره
بعد ماقرت نجود هذا كله قامت تفكر وش تسوي وقعدت أيام تحاول تلقى حل خصوصا ان دافع الانتقام كبر برأسها زياده بعد رساله ساره
بعد تفكير طويل قررت أنها تخش المنتدى وتشوف منصور وتحاول تسحبه بالكلام لحد ماتمسك شئ عليه وتفضحه بالمنتدى وكانت تفكر انه انتقام صبياني بس هذا اللي تقدر تسويه
****************
أول ماخشت نجود المنتدى مالقته وقعدت ربع ساعه بعدين طلعت واستمرت بهاالحاله يومين وبعدها دخل وسلم على الكل فجأه حست نجود بضيقه بصدرها وسالت دموعها من غير ماتحس وحاولت تكلمه بس ماقدرت
وفي الأخير قالت له/ مازال سفلة القوم يتسمون بالقاب النبلاء
الملتاع/ انتي للحين حيه مامتي
نجود/ ليه شكلك ذابحن أحد قبلي
الملتاع/ ههههههههه ومازلتي ملسونه انتي وش فيك علي ليش كارهتني
نجود/ الكره معناها أحمل لك شئ بقلبي وانت ماتسوى شئ عندي
الملتاع/ ااوف ااوف ليش هذا كله أذا تبين تشبكين معي قولي مايحتاح اللف والدوران
نجود/ جعلهم يشبكونك بخط مئتين وعشرين قل آمين
الملتاع/ ههههههههه
طيب قوليلي اسمك
نجود/ صدقني لو الموت بيدي كان اخذت روحك يالواطي
وطلعت بسرعه لأنها ماقدرت تحمله
واستمر الحال اسبوع تخش تسبه وتطلع بعد كذا صار واضح للكل الحقد فقررت نجود انها تنسى الموضوع نهائيا لكن ماكان في بالها ان منصور بيجني على نفسه ويعطيها فرصه الأنتقام منه وكان ذلك يوم دخلت نجود إيميلها لأول مره بعد وفاه ساره ولقت رساله من منصور وانصدمت كيف جاب إيميلها وقعدت تفكر لحد ماطرأ على بالها فكره
راح تضيفه لإيميلها وراح تنسيه أسمه
