اشرقت الشمس لتعلن عن بدء يوم جديد
- رنوش حبيبتي رنوشتي يلا كعدي
-اممممم نعسانة اريد انام اطلعي برا
- اگعدي حبيبتي يلا
-ماااااااا اريد انام يلا كافي تزعجيني
- يلا حبيبتي كافي نوم
-اووووف ياربي يعني ماراح تخليني انام
-لا ماكو نوم يلا اكعدي ، وراج دوام
-مااريد اداوم اني
-الدوام صارلة تقريبا اسبوعين بادي وانتي حضرتج لحد هسة مارايحة ، يلا كافي كسل ، خمس دقايق والكيج كاعدة ومبدلة
- اوووف اوووف شوكت ارتاح من ملحتج
-من تصيرين مثل البشر ويلا كافي لغوة وبدلي ونزلي علمود ناكل سوية ، وخرجت من الغرفة
- صوجي اني اجي يمها ، مو كاعدة يم ابوية ومرتاحة ، غيرت ملابسي ونزلت لافطر مع امي
الام: هاي انتي شلابسة
رنوشة: ملابس يعني شلابسة مدشوفين
الام: اتكلمي عدل ، والله ترا ارجع اربيج من جدة وجديد
رنوشة: وليش مابقيتي يمي وربيتيني
الام: هذا السانج يم الكل الا اني ، احترمي روحج وتكلمي عدل احسن الج والي
رنوشة: طبعا بالله صوجي لان جيت يمج
الام: غصب عنج تجين يمي ، وانتي يحتاجلج تربية من جديد لان الضاهر ابوج ماعرف يربيج عدل
رنوشة: لتحجين ع بابا ، بابا احسن منج ، ع الاقل ماعافني
الام: ههههههههاي ترا متخوفيني بهذا ردج ، اذا هذا الاسلوب يخوف زوجة ابوج ويسكتهة مو شرط يخوفني الي ويسكتني ديري بالج ع روحج
رنوشة: انتي اصلا لا ام ولا تنحسبين ع الامهات وهاي زوجة ابوية احسن منج بقااااطات
الام: اني امج وغصب عنج
رنوش: مالي مزاج الج خلي اروح ع جامعتي احسن
الام: اوگفي
رنوشة: شكو خير
الام: صعدي غيري ملابسج يلا اطلعين من البيت
رنوشة: مااغيرهن وملابسي شي يخصني الي فاهمة لو لا
الام: لا هسة تغيريهن تصعدين ومستحيل اخليج اطلعين من بيتي بهيج لبس ، يلا اشوف صعدي وبدلي وبعدها روحي للجامعة ويا ويلج اذا مارحتي
رنوشة: اني ماادري يعني انتي معقولة امي ،بالله ماداصدك ، لو باقية بدون ام احسن ، ياريتج توفيتي وصرت يتيمة
الام: اها تريدين تصيرين يتيمة لان اريد اخليج مثل البشر ، ومحترمة ، والج قيمة بهذا المجتمع
رنوشة: اني مااريد اصير مثلج ، انتي حتة مو مثلي الاعلى ، اكره اصير مثلج وحتة لو صرت ام ماراح اصير مثلج فهمتي
الام: اي فهمت ويلا صعدي بدلي ملابسج
رنوشة: يعني انتي متملين هم رجعتي للملابس
الام: اني اختصاصي علم نفس ، يعني اعرف كلشي عن الشخص الي امامي واعرف شنو يفكر وشنو يريد ، فهمتي ، يعني حركاتج متمشي علية ويلا روحي بدلي
رنوشة: راح اصعد ابدل ومااجي بعد لهذا البيت:
الام: اي مو هوة كيفج
رنوشة: ايييي كيفي
الام: اي ماشي
غيرت رنوشة ملابسها وذهبت الى الجامعة وهناك قابلت صديقتها حنين
"ان سألتني عن فرحي سأحدثك عن حنيني "
حنين: هلوووو رنوشتي مشتاقتلج كوووومة شعجب داومتي
رنوشه: هلا قلبي ، اني هم مشتاقتلج انتي الوحيدة الي شوفتج تريحني
حنين: ليش قلبي شبيج ، صاير شي مضووجج
رنوشة: جنت بايتة يم امي
حنين: لا بربج ، قوانة كل اسبوع انعادت يعني
رنوشة: ايييي بس اليوم زادت شوية
حنين: ميخالف ياعمري ، هية امج وتريد مصلحتج
رنوشة: اكرهة اكرهة تعزفين شنو يعني اكرهة
حنين: حياتي ميصير تكولين هيج ، هاي امج
رنوشة: اني ماعندي ام ، امي ماتت من زمان ، من عافتني وراحت
حنين: قلبي حتة لو نكرتيها هم تبقة امج وبطلين تعامليه بقساوة هيج لان هي دائما تحاول وياج وانتي من ماتجيج تقفليهة بوجهج
رنوشة: خلي اطير ، هي ومحاولتها ، بسببها حتة طفولة مثل البشر ماخلتني اعيش وهسة جاية اتعلمني اتريدني اكون مثل البشر
حنين: امشي نروح للكافتريا علمود تهدين وناكلنة شي لان جوعانة
رنوشة: اوك
حنين: بس اني احبها لامج
رنوشة: اني بتها مااحبها ، ليش انتي تحبيها
حنين: لان خلفتلي احلة شي بحياتي ، ولان تخليج اداومين
رنوشة: هههههههههههه فطيرة ، ولج اشتاقلج كووومة بس شسوي اكره الجامعة لان هية بيهة ومااريد اداوم او اشوفها
حنين: اوووي سودة علية
رنوشة: اسم الله عليج قلبي انتي
