عاد علي الى المنزل
علي: السلام عليكم
فاطمة: وعليكم السلام
علي: يلا كومي بدلي دنطلع
فاطمة: اوك ربع ساعة واجهز
علي: اوك ، وذهب الى غرفة رنوشة ووجدها نائمة ولكن دمعتها نازلة على خديها ، ناداها بصوت قريب للهمس: رنوشة حبيبتي
رنوشة كانت نائمة لذالك لم تجيب ، لذالك غطاها وخرج من غرفتها
فاطمة: علي جهزت اني
علي تنهد: اوك
فاطمة: شبيك ليش ضايج
علي: رنوشة
فاطمة: شبيهة
علي: صعدت عليها لكيتها نايمة والدموع على خدها اوووف حركت كلبي
فاطمة: شعجب ، اليوم جتي وكلش فرحانة
علي: كل من ورة نادية اكيد غثتها ادري بيها متتحمل مغثت امها لان تعاملها بقسوة ، وماداعرف شسويلهة علمود اريحهة
فاطمة: لتخليهة تحجي وياهة او تدخل بخصوصياتها وبعدين نادية ترا هواية تلح محاضرات ودراسة ، البنات هسة تفكيرهم لبس وكشخة وطلعات وحب وعلاقات وهيج اشياء واخر شي يلا يفكرون بالدراسة وهذا من حقهم لان كل شخص لازم يمر بالموقف
علي: والله كلامج صحيح واني وياج ، بس تعالي فهمي هذا الحجي لوحدة عافت بنتها علمود الدراسة
فاطمة: احنة الي يهمنة راحة رنوشة ، انت باجر اكعد وياها وافتهم منها
علي: هو هم هيج ، عندي راحتة رنوشة تسوة الدنيا ومابيها ، ويلا خلي نروح نطلع
فاطمة: خلينة بالبيت شكلك تعبان
علي: لا الحمدالله مابية شي ، وشعندي غيرج انتي ورنوشة فرحتي من الدنيا ، ياريت عرفتج قبل مااعرف نادية
فاطمة: الحمدالله المهم عرفتني
علي: الحمدالله الف مرة ويلا خلي نروح ، واطلعج واونسج تستاهلين انتي كل خير
في الصباح
فاطمة: رنوشة رنوشة
رنوشة: اممممم
فاطمة: حياتي يلا وراج دوام
رنوشة: مالي مزاج اروح للدوام
فاطمة: اوك حبيبتي ع راحتج
رنوشة: طفي الضوةوقفلي الباب
فاطمة: اوك كملي نومتج ، وبعدها نزلت
علي: وينها رنوشة اشو مانزات
فاطمة: مالها مزاج اداوم
علي: خليها ع راحتها
فاطمة: علي اليوم لازم تنهي الموضوع لان كل مرة رنوشة الي تتاذة من هاي السوالف
علي: اليوم انهيهة من ارجع من الدوام
فاطمة: اوك
في الجامعة
حنين اخرجت هاتفها من حقيبتها واتصلت على رنوشة
رنوشة: امممممم
حنين: عززززة لساعج نايمة
رنوشة: مالي خلك اجي للدوام
حنين: وليش ماحجيتي ، والبارحة شكد اتصلت بيج ليش ماجاوبتي
رنوشة: مادري خليته صامت وعفتة
حنين: قلبي بيج شي
رنوشة: امي
حنين : هم ضوجتج
رنوشة: شتتوقعين ؟؟؟
حنين: اكيد غاثتج ، هي الوحيدة الي تكسر روحج وتخليج بهاي الحالة
رنوشة: بعد مااتحملها
حنين: جايتج اني ، لان مالي واهس للمحاضرات وانتي ماكو
رنوشة: اوك انتضرج
"
"ليس العشق لحبيب فقط ، انا لدي صديقة ، هي كل حياتي"
فاطمة: هلا حنين تفضلي
حنين: هلا عمة ، ولو ازعجتج بس جاية اشوف رنوشة
فاطمة: صعدي لغرفتهة البيت بيتج قلبي
حنين: يسلموووو خالة
فاطمة: تدللين قلبي
حنين: رنوشتي شبيج
رنوشتي: تعبانة منها تعبانة حيل تعبانة
حنين: هدي ياعمري ، ذهبت واحتضنتها
رنوشة: هئ هئ لج بكل شي تدخل ، ماريدها ، اكرها خلي تطلع من حياتي
حنين: اششش لتبجين خلي تولي ، اليوم احجي ويا ابوج ، وهو يتفاهم وياهة ، لتضوجين وتنقهرين خلي تروح
رنوشة: اي اليوم احجي هئ هئ
حنين: كافي ياعمري انتي
رنوشة: صدك بكر شلونة
حنين: لساعة بالمستشفئ
رنوشة: وشوكت يرجع يداوم
حنين: منا ليومين لان ايدة توجعة مابيه يحركها
رنوشة: مابيه غير العافية
حنين: الله يعافيج وبدا يدردشا معا
رنوشة: خلي ننزل ناكل شي
حنين: يلا
رنوشة شنو رايج بوشار ونوتلا وفلم حلو
حنين: شي ولا اروع .
