Halos lumabas ang puso ko sa sobrang kaba habang nandito ako sa isang van kasama
ang limang lalaki na nakatakip ang mukha. Nakatali ang mga braso at biniti ko habang
ang bibig ko naman ay may tapal para hindi ako makasigaw.
Wala akong ibang ginawa kundi ang tahimik na umiyak habang wala akong
kasiguraduhan kung saan ako dadalhin at kung ano ang gagawin saakin ng mga
lalaking ito.
Natatakot ako. Baka mamaya gahasain nila ako at itapon na lang nila basta ang
bangkay ko kung saan. Madaming masamang bagay ang naglalaro sa isipan ko
ngayon.
God please save me.
Napapikit na lang ako sa sobrang takot habang patuloy na tumutulo ang mga luha sa
mata ko.
Ramdam na ramdam ko ang bilis ng tibok ng puso ko habang patuloy ang panginginig
ng katawan ko sa sobrang takot.
Parang kanina lang ang saya-saya ko. Nasa birthday party ako ng kaklase ko at
masaya kaming nagtatawanan. Kung alam ko lang na ganito ang kahihinatnan ko sana
pumayag na kong mag overnight stay sa kanila.
Gusto ko ng makauwi saamin. Sana, sana may magligtas saakin. Sana makatakas ako
sa kanila. Ayoko na dito, natatakot ako...
Naramdaman ko ang isang kamay na pumatong sa kamay ko at hinawakan ito ng
mahigpit. Napadilat ako at napatingin doon sa lalaking katabi ko na kasamang dumukot
saakin.
Tinignan niya ako sa mata
"sorry ha? Wag ka matakot di ka naman namin sasaktan eh. Kailangan lang
namin ng pera. Maniwala ka saakin"
Bigla na lang ako napatigil sa pag iyak ng matitigan ko ang mata ng lalaking ito at
marinig ko ang boses niya.
Ang mga mata na yun, ang mga tingin, pati ang boses niya.
Kaparehong kapareho doon sa isang taong kilala ko.
Isang taong tinitignan ko lang mula sa malayo
Kaparehong kapareho doon sa taong mahal ko.