قبل 10 سنوات
3\15 ........4:22 pm
جلنار : شنو تردون نلعب بما انو هذا اخر يوم النه
ديما : هي هي مو اخر يوم هذا بعد عدنه ايام هواي نعيش بيهن
جلنار : ديما انتي طفله متعرفين
ديما : لااا مو طفله اني
جلنار : بس اصغر منه بسنه
ديما : عمري 5 وانتوا 6 ماكو فرق
مينا : كاااااافي
ديما : انجبوا اني عندي فكره شنو انسوي
مينا : وهي
ديما : انطوني حلوياتكم واكول
مينا : اهووو هاج
ديما : انسوي وعد
جلنار : اشون
ديما : مفهمتي
جلنار : لااا
ديما : الوعد هذا شي اذا گلتي لازم تسوي
مينا : منو گلج بي
ديما : المس بالروضه
مينا : فضينه احجي
ديما : راح احنه نسوي وعد انو بس نكبر نتشاوف و نرجع انشوف نفسنه و نلعب سوه
جلنار : الله خلي نجرب حلوو
ديما : يي
مينا : لاااا الوعد لازم توفينه يعني ضروري نتقابل و منو گال نكدر احنه نتقابل
ديما : نكدر هسه تشوفين اذا متردين لتسوين
مينا : حسوي
ديما : جلنار جيبي اصبعج العنوني وانتي هم
جلنار : بس
ديما : هسه نطبك اصبعنه الجبير سوه
مينا : مو هيج
ديما : انتي انجبي
جلنار : بعد
ديما : تفلوا ع ايدكم و مسحوهه بالگصه
مينا : هفف ايع حروح اغسل
ديما : لااااااااا مايصير
وان غبت يوما تأكد سوف تنطفى اضواء الفرح وسوف يخيم الظلام في عيني ولا اريد الرجوع للماضي كي لا اتذكر ذلك الجرح الذي بات في قلبي ايام وليالي وسوف يبقى حين تضيء العالم باضواء الفرح حينما تهل ابستامتك في عيني وتقول لي لن اغيب ثانيا
الان ......
9\20 .......... 8:57pm
ديما : يووووومه تعبت
بابا : راح اجيب عشه لفات واجي
ديما : لفتين مو لفه و بيبسي وياك و مقبلات و فنكر و حلويات و ....
بابا : اجيبلج رجل بعد
ديما : هسه اني شحجيت
ماما : روح لا تطلب بعد شي
ديما : يمه ترى يرادلنه غراض جدد
ماما : اي ان شاء الله بس خلي نستقر
(ديما)
احم احم اني ديما عمري 15 سنه من بغداد و بهاي اللحظه صرت من المنصور تحديدا رابع علمي اكيد الكل حيكول 15 و رابع بس اني كاسبه سنه لان بشهر الواحد برجي الدلو امي و ابويه عايشين الحمدلله و عندي اخوان 3 بس متزوجين
و طالعين بيت ابحدهم و اخت وحده ثالث مرحله هندسه اسمها دانه و مخطوبه اليوم انتقلنه لبيتنه الجديد الي بي بس اني واختي المشكله كولش جبير يعني راح انعلس بالتنظيف و المشكله الاكبر حدخل مدرسه جديده يعني لازم اتعرف ع بنات جدد واني ماريد اصادق غيرهم من عشر سنين لحد الان ماعندي صديقه مقربه كولهم زميلات و لا عندي كبل هم كبل مال وايرات المهم حبقه حديقه للابد و خبله هم ....
ماما : شبيج وين رحتي بالصفنه
دانه : الصفنه مو الج لابو القاط الرصاصي
ديما : ع فكره انتي لابسه رصاصي هسه
دانه : كبر الا تقصف
ماما : دا يندك الباب اجه ابوجن فتحي الباب ديما
ديما : هلا بريحة هليييي
بابا : هلا بيج
ديما : مو عليك ع اللفات
بابا : امشي ولي ما الج
ديما : لااااااا عليك الله والنبي جوعانه من التعب
ماما : ليش شسويتي
ديما : شنووو عيني شنو شسويت غير كربت كراب المطي هسه
دانه : ترى ما سوينه هسه شي بس الاساسيات
ديما : يعني والله انتوا ماعرف شلونكم
ماما : ليش
ديما : يعني مشترين بيت شكبره هو احنه بس اثنين بنات وانتوا لو مشترين شقه مو احسن
ماما : ليش يفيد
ديما : كيفكم هو بس يكون بعلمج مو كل البيت عليه
بابا : حنسوي جدول امكم عليهه الطبخ غسل الماعين و الهدوم ع دانه و الباقي عليج
ديما : هاااااه
دانه : هواي الي عليه
ديما : خلص هاهيه موافقين كولنه بس اكو هواي غرف منحتاجه نغلقهن
ماما : بالمناسبه اختاريتوا غرف
ديما : مالتي الي فوك الاستقبال
دانه : لا والله
ديما : اي والله اني حاجزتهه قبلج
دانه : اني حجزتهن اول مدخلت
ديما : اني حجزتهه قبل لنشتري البيت
بابا : الي فوك الاستقبال لدانه و فوك المطبخ الج
ديما : ليش يابه
بابا : اختج الجبيره ميصير
ديما : اهووو
ماما : يله اني اغسل المواعين روحوا رتبوا غرفكم
ديما : اني تعبت حنام و بس اكعد اعزل
ماما : وين تنامين
ديما : هنا بالصاله
دانه : اني اكووم اعزل غرفتي
ديما : سم و زهر ماتتهنين بيهه
دانه : بقلبج
بابا : حسبي حسابج الكهربائيات انتي تشديهن دانه
دانه : شنوو
بابا : المن لعد دخلتج كهرباء
دانه : اووك
ثاني يوم .....
ماما : ديمااااااا
ديما : خووش ZzZzZz
ماما : ماكو بنيه تشخر
ديما : مممم
ماما : راح اكتلهه
ديما : يله كعدت شتردين مني
ماما : كومي عزلي غراضج حتى نطل...
ديما : جنطتي البارحه خليتهه هنا
ماما : هاي شنو
(ديما)
صعدت حتى اشوف غرفتي و الحمدلله احلى من غرفت دانه صح اصغر بس بيهه فيكات هواي
ديما : و يا حليوه هلج وين يحليوه مزه مصريه يمه الولد الحلووووو و عريسنه جوكليته حامض حلو اباكيته لحظه لحظه فد موال لهل صدى الحلوو
دانه : وسم ع هذا الصوت و هذا منو هذا الحلو من نظره دوخني و علكني ..
ديما : اطلعي من غرفتي
دانه : لا شبيج مو احنه خوات
ديما : هفف اويلي اويلي اويليييي اويلي هلا بريحة هلي
دانه : هلا باللي الي
ماما : يله كملن حتى تمسحن البيت
دانه و ديما : اوكك
ديما : انتي يله طلعي من الغرفه حتى انظف ع راحتي بلا ازعاج
دانه : اوك عشك كدعان عشكي و كوله حنيه مشاعر
ديما : سدي البااااااب وراج هفف هسه منين ابدي اول شي الكنتور لازم من هاي الجهه و الجربايه بالزاويه و الرف بصف الشباك و الميز ع الشباك و و الحاسبه منا قريبه ع الباب ووو هاا الكرسي هذا بصف الجربايه جيد يله نبلش ......
9\23
7:00 ص
ماما : يلا بنتي كومي
ديما : خمس دقايق
ماما : يلا بس اول يوم شبيج
ديما : لاا
7:05 ص
ماما : يلا صارت
ديما : اوك كايمه .
كمت و غسلت و بدلت طبعا اكره اول يوم بالمدرسه مادري ليش اضوج منه هلاا و السنه مدرسه جديده رحت بيهه وربي
ديما : صباح الخير
بابا : صباح النور يلا تريكي
ديما : اممم يووومه
ماما : ها
ديما : سويلي لفه اخذه للمدرسه
ماما : مو ابوج جايبلج حلويات
ديما : بس ميكفوني اريد لفه اتريك بيهه
ماما : لا تسمنين
ديما : الريوك مايسمن
دانه : مادري شلون هيج تاكلين ولحد هسه ماعندج كرش لو اني مثلج اكل اصير فيله
ديما : مو انتي حيوانه كبل تصيرين من فاره لفيل
دانه : ايا حيوانه يا فاره يا فيله يلا اجه ابو الخط
ديما : تعالي ابوسج
دانه : مو تخافين اليوم
ديما : لا
ماما : وانتي كافي اكل و كبل للمدرسه
ديما : منو يوصلني
بابا : اني البارحه دليتج عليهه و مودي الاستماره و كولشي ماعليج بس تسئلين ع الصف لو متكدرين
ديما : لا اكدر .
وااااه شلون حلو الورد مال هذولي همزين شلنه حتى اخلصهه دياحه هناا
ديما : السلام عليكم ☺
المديره : وعليكم السلام انتي ديما موو
ديما : نعم ست من بعد اذنج بس ماندل الصف
المديره : اول متلوفين ع اليسره تلكين مكتوب رابع الف ادخلي عليه
ديما : تسلمين ست
المديره : يلا لصفج
ديما : ان شاء الله .
الكبر و بصفه مطي ع هيج خلق من الصباحيات والله ماخاف منج و هسه تشوفيني
المدرسه : منو تفضل
ديما : صباح الخير ست اني طالبه جديده
المدرسه : الكل جديد بالرابع
ديما : لا اقصد نقل من غير منطقه
المدرسه : اها اهلا وسهلا
ديما : هلا بيج بس العفو وين اكعد
المدرسه : بلقيس ارجعي ليوره انتي طويله
بلقيس : ليش ست
المدرسه : يعني تقبلين هاي البنيه القزمه تكعد ليوره. وكانكي رميتي سهم في قلبي عمي كولنه قزومه بس مو هيج تحجيهه طگ بطگ
بلقيس : خلص
المدرسه : حبيبتي اكعدي هنا بصف ايات
ديما : حاضر ( امداااج الله يكصرج ان شاء الله)
ايات : همزين اجيتي اول درس مبيه حيل اشرح
ديما : هو منو طالب منج اكو شي اسمه مدرسه . هسه هاي ارتاحت من طيرت جبهتهه
المدرسه : تحضيركم لحد صفحه 9
ديما : يا ماده
المدرسه : كيمياء .
خرب بحظي مدرسة كيمياء و هيج شكلهه لعد ام الانكليزي شلون لو الطالبات احس نفسي جايه وفد من جنوب افريقيا ☺
مروه : ست منو المراقبه
المدرسه : مادري خلي يخلص هذا الاسبوع و نشوف منو مراقبتكم يله بنات استأذن اني
ديما : اخذي راحتج ست
ايات : باعي اذا انتي غبيه من هسه كومي من يمي
ديما : من باجر يبلش التحضير و نشوف منو اشطر بس باعي اذا اني اشطر انتي ادكومين
ايات : موافقه .
انتظريني اذا ما اكل الكتاب اليوم عاابت هاي الشكول
مينا : هاي گايز
البنات : هلا والله هسه نور الصف .
يمه اللواكه يمه التموا الذبان
مينا : بنات اني وين اكعد
ريم : تعالي يمي
مينا : اووي رمووشه حياتي شخبارج
ريم : نص و نص
مينا : يااا ليش
ريم : مو ماما راحت لدبي اليوم
مينا : شعجب مو علساس تاخذج وياها
ريم : ادكولي بنص السنه اخذج
مينا : يي شكو ضايجه بعدين اني هم اسافر بنصف السنه يعني مو بس انتي
ريم : وين
مينا : لماليزيا
ريم : صدووك طكي صور هواااي حتى اشوفهن
مينا : اكيد
ريم : باعي اليوم عندج شي
مينا : لا ليش
ريم : نروح نفتر لان الضوجه فووول
مينا : اوك بس لازم اكول لاهلي
ريم : اوك خابريهم بالفرصه
مينا : لا اروح حتى ابدل
ريم : تؤؤ نبقى بملابس المدرسه
مينا : مو شكلي اوفر
ريم : لا حلوو بس لمي شعرج ذيل حصان
مينا : اممم اوك .
الا اشويه و عبالي احنه مو بالعراق دبي ماليزيا يفترن بكيفهن شنوو الموضوع مبين من امهات الاتكيت و شاطرات و ملابسهم لو ماركه لو لا اشو اني ماعرف افيك حتى الحذاء مربطته عدل خلص اليوم ع خير او علامة تعجب من البنات يمكن اني الوحيده الفاهمه الثانويه غلط اشو هذني كولهن طلعن يفترن الا اني زين لحظه كولهم اطونه واجبات شوكت يلحكن يقرن ....
ديما : هلاوو مامي ☺
ماما : هلاوو يعمري احزري شسويت غده
ديما : اعررف
ماما : شنوو
ديما : دوولمه و مبين حااامضه لان شميت الريحه قبل لا ادخل
ماما : هههههه يله طبي ذبي ع روحج مي و صلي و ارتاحي حتى نتغده
ديما : شعجب مننتظر دانه
ماما : لا ننتظرهه بس هي كالت حجي من وكت
ديما : اهاا
(مينا)
كعدت اليوم الساعه 5:00 ص بدلت و مشطت و نزلت جوه اني اسمي مينا عمري 16 من بغداد المنصور عندي خوات اثنين و 3 اخوان كولهم كبار و جامعات ابويه عنده شركتين و هو مهندس و امي
محاميه اني اصغر وحده بالعائله بس ابويه يريدني من دون اخوتي اصير مديرة الشركه بالمستقبل هذا الا اذا صرت طبيبة عيون و طبعا اني و اخوتي صراع ع هذا المنصب بس بالنهايه الي اكيد
مينا : صباح الخير
بابا : صباح النور
ماما : اصبلج حليب
مينا : ماما تعرفين ماحب الحليب
بابا : مو جبتلج بالكاكاو
مينا : اها اوك لعد صبيلي
ماما : يرادلنه مسواك اليوم
بابا : اوك حسوك بخمسين
ماما : شدعووه
بابا : شنو شدعوه غير نسد حاجاتنا
ماما : ميحتاج هذا التبذير
بابا : مراح اسوك بس ليوم واحد
ماما : هو محد مياكل حنطيك 15 اسوك بيهن
بابا : استغفر الله شجيب بيهن هذني
ماما : مو الا كولشي موجود بالبيت
مينا : فضوهه عاااد من الصباحيات
بابا : حتاخر يله اوصلج
مينا : عاادي اول يوم ميحاسبون .
هاي عائلتي كل يوميه عركه ع الفلوس و تنعاد الاسطوانه و العياط مالتهم بالنسبه الي اعتبرهم مثل الفندق ماهتم لتفاصيل العائله و ماحبهم عدا اخويه الجبير خالد هو حاليا بامريكا يدرس ماجستير ميجي بس بالعطله اسبوعين و يرجع هذا هو مصدر نجاحي بحياتي و الي مصبرني ع هيج عائله
بعد الدوام ........
بعد ما اتفقنه ع الطلعه اني ريم و طلعنه ظلينه نفتر بالرواد
ريم : شنو رايج بهذا الحذاء
مينا : محلو اخذي هذاك احلى
ريم : اوك
مينا : شخبار لمار اشو مداومت اليوم
ريم : شدراني بيهه يجوز نعسانه و مداومت
مينا : مممم اليوم شفته ع الواتس اخر ظهور بالاربعه الفجر
ريم : تلكيهه ملتهيه ويه حبيبهه
مينا : همه اصلا مبيناتهم اتصال هواي
ريم : يمكن لان دايحضر للجامعه
مينا : هه اذا دخل الجامعه تتوقعين حيبقه وياها
ريم : شدراني اصلا هي شنو شافت منه و حبته
مينا : والله صدوك عبالك داعشي ههههه
ريم : ههههههههه
مينا : همزين السنه اغلبيت البنات من مدرستنه بالمتوسطه ع الاقل اكو من يعرفج و ميندك بيج
ريم : قصدج لان صكاراتهم احنه
مينا : يب
ريم : جعت خلي نتغده
مينا : انجبي مجايبه فلوس ويايه
ريم : اني هم
مينا : تعالي نشتري ذره ع مانرجع
ريم : اووك
اشترينه اني وياها ذره و كعدنه ناكل ريم صديقتي من الاول متوسط صح علاقتنه من زمان بس دائما تسويلي مشاكل اكدر اكول اعرف كل تحركاتهه
ريم : باعي هذاك الصاك يمه اموووعن اذوبن
مينا : طنشي
ريم : اكو واحد يطنش الحلوين لج بس يذب الرقم اخذه مينا : كيفج
ريم : اجه
مينا : باعي لتامنين بولد الشارع
ريم : هو منو كال حيذب الرقم شوفي دخل للمحل
مينا : ههههههه خطيه
ريم : لا بالله عيشتي عليه قابل
مينا : اممم كولش
(ديما)
بعد ما اتغديت و كملت ظليت اقره لحد مصارت الساعه 9:30 بالليل نزلت جوه يم اهلي اشوف اخبار الاكل
ديما : شنو متوسون عشه
دانه : لا منتظرين نذبحج
ديما : لا نذبحج احسن
بابا : حجيب جبن و وحده ..
ديما : داانه قصدك دانه
بابا : دانه سوي بيض سلگ
دانه : مو اتفقنه ع امي الاكل
بابا : مو اكو وحده ناسيه تغسل ملابس و امج غسلتهن
دانه : خلص اني اسوي
ديما : روحي روحي
بابا : شسويتي مسويتي اليوم
ديما : صدوك انت وين مسجلني
بابا : ليش
ديما : انت مشايف البنات اول مكملن كبل داحن بالشوارع و وحده تحجي ع دبي و امريكا و مدري ايش و لا عبالك مدرسه يدرن الشمال مزايرته
بابا : خلي يولن معليج بيهن ديربالج تثقين بوحده و اطلعين وياها بس ركزي بدروسج و معليج
ديما : اكيد بنتك بعد اني
بابا : امده حظي ع هيج بنيه
ديما : اشكرك
بابا : العفو خخخخخ اشاقه وياج وين اكو منج اني
ديما : ماكو
ثاني يوم .......
رحت للمدرسه و اول درس رياضيات و ما شاء الله شلون صاحيه اني
المدرسه : صباحووو بنات .
هلا و الله مين دي
البنات : صباحوو ست .
لحظه صباح النور ست و القيام و مدري ايش وينه زين السلام عليكم وين راحت ☺
المدرسه : اني نجلاء مدرسة رياضيات مالتكم و ان شاء الله نتعلم و نتونس سوه اعتبروني اختكم بنات واي شي تحتاجونه اني موجوده .
درس الكيمياء ..... احلف ع الجدول راح يسحلنه
المدرسه : صباح الخير
